ಡರ್ಬನ್(ಅ.06): ಹರಿಣಗಳು ಮತ್ತೊಮ್ಮೆ ವಿಶ್ವದಾಖಲೆಯ ರನ್ ಚೇಸ್ ಮಾಡಿದ್ದಾರೆ. ಆ ಮೂಲಕ ಆಸ್ಟ್ರೇಲಿಯಾ ವಿರುದ್ಧದ 5 ಪಂದ್ಯಗಳ ಸರಣಿಯನ್ನು 3-0 ಅಂತರದಲ್ಲಿ ಜಯಿಸಿದೆ, ಈ ಮೂಲಕ ಆಸೀಸ್ ತಂಡ ಹರಿಣಗಳ ಮುಂದೆ ಮುಖಭಂಗ ಅನುಭವಿಸಿದೆ.
ಡರ್ಬನ್ನಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಕಾಂಗರೂಗಳು ನಿಗದಿತ 50 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 371ರನ್ ಗಳಿಸಿದರು. ಗುರಿ ಬೆನ್ನತ್ತಿದ ಆಫ್ರಿಕಾ, ಡೇವಿಡ್ ಮಿಲ್ಲರ್ ಅವರ ಸ್ಫೋಟಕ ಶತಕದ ನೆರವಿನಿಂದ ಹರಿಣಗಳು ಭರ್ಜರಿ ಜಯ ಸಾಧಿಸಿದೆ. ಮಿಲ್ಲರ್ 79 ಎಸೆತಗಳಲ್ಲಿ ಅಜೇಯ 118 ರನ್ ದಾಖಲಿಸಿದರು.
ಸೌಥ್ ಆಫ್ರಿಕಾ ತಂಡ ಇನ್ನು 4 ಎಸೆತ ಭಾಕಿ ಇರುವಾಗಲೇ 6 ವಿಕೆಟ್ ನಷ್ಟಕ್ಕೆ 372ರನ್ ಮಾಡುವ ಮೂಲಕ ಗೆಲುವಿನ ನಗೆ ಬೀರಿತು. ಇದು ವಿಶ್ವದಾಖಲೆಯ 2ನೇ ಗರಿಷ್ಠ ರನ್ ಚೇಸ್ ಗೆಲುವಾಗಿದೆ.
2006ರಲ್ಲಿ ಇದೇ ಕಾಂಗರೂಗಳ ವಿರುದ್ಧ ಆಫ್ರಿಕನ್ನರೇ 434 ರನ್ ಚೇಸ್ ಮಾಡಿರೋದು ವಿಶ್ವದಾಖಲೆಯ ಮೊದಲ ಚೇಸಿಂಗ್ ಸ್ಕೋರ್ ಆಗಿದೆ.