ವಿಂಬಲ್ಡನ್ ಕದನ: ಪ್ರೀ ಕ್ವಾರ್ಟರ್'ಫೈನಲ್'ನಲ್ಲಿ ಮುಗ್ಗರಿಸಿದ ಸಾನಿಯಾ ಜೋಡಿ
ಸಾರಾಂಶ
ಪಂದ್ಯಾವಳಿಯ ಆರಂಭದಿಂದಲೇ ಪಂದ್ಯದ ಮೇಲೆ ಬಿಗಿ ಹಿಡಿತ ಸಾಧಿಸಿದ ಸ್ವಿಸ್ ತೈವಾನ್ ಜೋಡಿ ಸುಲಭವಾಗಿ ಸಾನಿಯಾ-ಕರ್ಸ್ಟನ್'ರನ್ನು ಮಣಿಸಿದರು.
ಲಂಡನ್(ಜು.10): ಭಾರತ ಅಗ್ರ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮಹಿಳೆಯರ ಡಬಲ್ಸ್'ನಲ್ಲಿ ಸೋಲುವ ಮೂಲಕ ವಿಂಬಲ್ಡನ್ ಮಹಿಳೆಯರ ಡಬಲ್ಸ್'ನಲ್ಲಿ ತಮ್ಮ ಹೋರಾಟ ಅಂತ್ಯಗೊಳಿಸಿದ್ದಾರೆ.
ಈ ಮೊದಲು ಪೇಸ್ ಜೋಡಿ ಹಾಗೂ ಬೋಪಣ್ಣ ಪುರುಷರ ಡಬಲ್ಸ್ನಲ್ಲಿ ನಿರಾಸೆ ಮೂಡಿಸಿದ್ದರು. ಇದೀಗ ಮಹಿಳಾ ಡಬಲ್ಸ್ನಲ್ಲೂ ಭಾರತಕ್ಕೆ ನಿರಾಸೆ ಎದುರಾಗಿದೆ. ಸಾನಿಯಾ ಮಿರ್ಜಾ ಹಾಗೂ ಬೆಲ್ಜಿಯಂನ ಕರ್ಸ್ಟನ್ ಫ್ಲಿಪ್ಕೆನ್ಸ್ ಜೋಡಿ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಮೂರನೇ ಶ್ರೇಯಾಂಕಿತ ಜೋಡಿಯಾದ ಸ್ವಿಟ್ಜರ್'ಲ್ಯಾಂಡ್'ನ ಮಾರ್ಟಿನಾ ಹಿಂಗಿಸ್ ಹಾಗೂ ತೈವಾನ್'ನ ಚಾನ್ ಯುಂಗ್ ಜಾನ್ ಜೋಡಿ ವಿರುದ್ಧ 2-6, 4-6 ನೇರ ಸೆಟ್'ಗಳಲ್ಲಿ ಪರಾಭವಗೊಂಡಿತು.
ಪಂದ್ಯಾವಳಿಯ ಆರಂಭದಿಂದಲೇ ಪಂದ್ಯದ ಮೇಲೆ ಬಿಗಿ ಹಿಡಿತ ಸಾಧಿಸಿದ ಸ್ವಿಸ್ ತೈವಾನ್ ಜೋಡಿ ಸುಲಭವಾಗಿ ಸಾನಿಯಾ-ಕರ್ಸ್ಟನ್'ರನ್ನು ಮಣಿಸಿದರು.
ಸಾನಿಯಾ ಮಿಶ್ರ ಡಬಲ್ಸ್'ನಲ್ಲಿ ಕ್ರೊಯೆಷಿಯಾದ ಇವಾನ್ ಡಾಡಿಗ್ ಜತೆ ಪ್ರೀ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದು, ಮಂಗಳವಾರ ಬ್ರಿಟನ್'ನ ವ್ಯಾಟ್ಸನ್ ಹಾಗೂ ಫಿನ್'ಲೆಂಡ್'ನ ಕಾಂಟಿನೆನ್ ಜೋಡಿ ವಿರುದ್ಧ ಸೆಣಸಾಡಲಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.