ಪ್ಯಾನ್ ಪೆಸಿಫಿಕ್ ಟೆನಿಸ್ ಟೂರ್ನಿ: ಫೈನಲ್'ಗೆ ಲಗ್ಗೆಯಿಟ್ಟ ಸಾನಿಯಾ-ಸ್ಟ್ರಿಕೋವಾ ಜೋಡಿ
ಸಾರಾಂಶ
ಟೋಕಿಯೊ(ಸೆ.23): ಭಾರತದ ನಂ.1 ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹಾಗೂ ಜತೆಯಾಟಗಾರ್ತಿ ಜೆಕ್ ಗಣರಾಜ್ಯದ ಬಾರ್ಬೊರಾ ಸ್ಟ್ರಿಕೋವಾ ಜೋಡಿ ಪ್ಯಾನ್ ಪೆಸಿಫಿಕ್ ಓಪನ್ ಟೆನಿಸ್ ಪಂದ್ಯಾವಳಿಯಲ್ಲಿ ಪ್ರಶಸ್ತಿ ಸುತ್ತಿಗೆ ದಾಪುಗಾಲಿಟ್ಟಿದೆ.
ಕ್ವಾರ್ಟರ್ಫೈನಲ್ನಲ್ಲಿ ಗೇಬ್ರಿಯೇಲಾ ಡಬ್ರೋಸ್ಕಿ ಮತ್ತು ಮರಿಯಾ ಜೋಸ್ ಮಾರ್ಟಿನೆಜ್ ಸ್ಯಾಂಚೆಜ್ ವಿರುದ್ಧ 4-6, 6-3 (10/5) ಸೆಟ್ಗಳಿಂದ ಗೆಲುವು ಸಾಧಿಸಿ ಉಪಾಂತ್ಯಕ್ಕೆ ಕಾಲಿಟ್ಟಿದ್ದ ಇಂಡೋ-ಜೆಕ್ ಜೋಡಿ, ನಾಲ್ಕರ ಘಟ್ಟದಲ್ಲಿ ಜಪಾನ್ನ ಮಿಯು ಕಾಟೊ ಮತ್ತು ಚೀನಾದ ಯಿಫಾನ್ ಕ್ಸು ಜೋಡಿಯನ್ನು 6-2, 6-2 ಎರಡು ನೇರ ಸೆಟ್ಗಳ ಆಟದಲ್ಲಿ ಮಣಿಸಿ ಪ್ರಶಸ್ತಿ ಸುತ್ತಿಗೆ ದಾಪುಗಾಲಿಟ್ಟಿತು.
ಸಿಕ್ಕ ಐದು ಬ್ರೇಕ್ಪಾಯಿಂಟ್ಗಳಲ್ಲಿ ಒಂದನ್ನೂ ಕೈಚೆಲ್ಲದೆ ಸದುಪಯೋಗಪಡಿಸಿಕೊಂಡ ಸಾನಿಯಾ ಮತ್ತು ಬಾರ್ಬೊರಾ, ಎರಡೂ ಸೆಟ್ಗಳಲ್ಲಿ ತಮ್ಮ ಪ್ರತಿಸ್ಪರ್ಧಿಗಳ ವಿರುದ್ಧ ಅಬ್ಬರದ ಆಟವಾಡಿ ಜಯ ಪಡೆದರು. ಇದಕ್ಕೂ ಮುನ್ನ ಮೊದಲ ಸುತ್ತಿನ ಪಂದ್ಯದಲ್ಲಿ ಸಾನಿಯಾ ಜೋಡಿ ಜಪಾನ್ನ ಮಿಸಾಕಿ ಡೊಯಿ/ ಕುರುಮಿ ನಾರಾ ವಿರುದ್ಧ 6-7 (3), 7-5, 10-8ರಿಂದ ಗೆಲುವು ಸಾಧಿಸಿತ್ತು. ಅಂದಹಾಗೆ ಇತ್ತೀಚಿನ ಯುಎಸ್ ಓಪನ್ ಟೆನಿಸ್ ಪಂದ್ಯಾವಳಿಯಲ್ಲಿ ಕ್ವಾರ್ಟರ್ಫೈನಲ್ನಲ್ಲೇ ಮುಗ್ಗರಿಸಿದ ಸಾನಿಯಾ-ಬಾರ್ಬೊರಾ, ಇದೀಗ ಋುತುವಿನ ಮೊದಲ ಪ್ರಶಸ್ತಿ ಜಯಿಸುವ ವಿಶ್ವಾಸದಲ್ಲಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.