ಸೆಲಿಬ್ರೆಟಿ ಕ್ರಿಕೆಟ್ ಲೀಗ್'ನಲ್ಲೂ ಮಿಂಚಲಿದ್ದಾರೆ ಈ ದಿಗ್ಗಜ ಕ್ರಿಕೆಟಿಗರು

2017ರ ಸೆಲಿಬ್ರಿಟಿ ಕ್ರಿಕೆಟ್ ಲೀಗ್ ಟೂರ್ನಿಯಲ್ಲಿ ಯಾವ್ಯಾವ ಮಾಜಿ ಕ್ರಿಕೆಟಿಗರು  ಭಾಗವಹಿಸುತ್ತಿದ್ದಾರೆ ಎಂಬ ಬಗ್ಗೆ ಅಂತಿಮ ಪಟ್ಟಿ ಸಿದ್ದವಾಗದಿದ್ದರು. ವಿರೇಂದ್ರ ಸೆಹ್ವಾಗ್, ಸಚಿನ್ ತೆಂಡೂಲ್ಕರ್, ಬ್ರಿಯಾನ್ ಲಾರಾ, ಜಾಂಟಿ ರೋಡ್ಸ್, ಡೇನಿಯಲ್ ವಿಟೋರಿ, ಕುಮಾರ್ ಸಂಗಾಕ್ಕರ, ಜಹೀರ್ ಖಾನ್ ಸೇರಿದಂತೆ ಇನ್ನೂ ಅನೇಕ ಮಾಜಿ ಕ್ರಿಕೆಟಿಗರು ಭಾಗವಹಿಸಲಿದ್ದಾರೆ.

ನವದೆಹಲಿ(ನ.11): ತಮ್ಮ ಮನೋಜ್ಞ ಕ್ರಿಕೆಟ್ ಮೂಲಕ ಕ್ರೀಡಾ ಪ್ರೇಮಿಗಳ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿದಿರುವ ಕ್ರಿಕೆಟ್ ದಿಗ್ಗಜರು ಮತ್ತೊಮ್ಮೆ ಮೈದಾನಕ್ಕಿಳಿಯಲಿದ್ದಾರೆ. ಹೌದು ಏಳನೇ ಆವೃತ್ತಿಯ ಸೆಲಿಬ್ರಿಟಿ ಕ್ರಿಕೆಟ್ ಲೀಗ್ ಮುಂದಿನ ವರ್ಷದ ಜನವರಿ ಹಾಗೂ ಫೆಬ್ರವರಿಯಲ್ಲಿ ನಡೆಯಲಿದೆ. ಮತ್ತೊಮ್ಮೆ ಕ್ರಿಕೆಟ್ ಪ್ರೇಮಿಗಳನ್ನು ರಂಜಿಸಲು ಮಾಜಿ ಕ್ರಿಕೆಟಿಗರು ರೆಡಿಯಾಗಿದ್ದಾರೆ.

2017ರ ಸೆಲಿಬ್ರಿಟಿ ಕ್ರಿಕೆಟ್ ಲೀಗ್ ಟೂರ್ನಿಯಲ್ಲಿ ಯಾವ್ಯಾವ ಮಾಜಿ ಕ್ರಿಕೆಟಿಗರು  ಭಾಗವಹಿಸುತ್ತಿದ್ದಾರೆ ಎಂಬ ಬಗ್ಗೆ ಅಂತಿಮ ಪಟ್ಟಿ ಸಿದ್ದವಾಗದಿದ್ದರು. ವಿರೇಂದ್ರ ಸೆಹ್ವಾಗ್, ಸಚಿನ್ ತೆಂಡೂಲ್ಕರ್, ಬ್ರಿಯಾನ್ ಲಾರಾ, ಜಾಂಟಿ ರೋಡ್ಸ್, ಡೇನಿಯಲ್ ವಿಟೋರಿ, ಕುಮಾರ್ ಸಂಗಾಕ್ಕರ, ಜಹೀರ್ ಖಾನ್ ಸೇರಿದಂತೆ ಇನ್ನೂ ಅನೇಕ ಮಾಜಿ ಕ್ರಿಕೆಟಿಗರು ಭಾಗವಹಿಸಲಿದ್ದಾರೆ ಎಂದು ಸೆಲಿಬ್ರಿಟಿ ಕ್ರಿಕೆಟ್ ಲೀಗ್ ಟೂರ್ನಿಯ ಸ್ಥಾಪಕ ಅಧ್ಯಕ್ಷ ವಿಷ್ಣುವರ್ಧನ್ ಇಂದೂರಿ ತಿಳಿಸಿದ್ದಾರೆ.

2011ರಲ್ಲಿ ಮೊಟ್ಟಮೊದಲ ಬಾರಿಗೆ ಸೆಲಿಬ್ರಿಟಿ ಕ್ರಿಕೆಟ್ ಲೀಗ್ ಅನ್ನು ಪರಿಚಯಿಸಲಾಗಿತ್ತು. ಕಳೆದ ಆರು ಆವೃತ್ತಿಗಳು ಯಶಸ್ವಿಯಾಗಿ ಆಯೋಜಿಸಲಾಗಿದೆ. ಈ ಬಾರಿಯ ಟೂರ್ನಿಯು ಹೈದರಾಬಾದ್, ಚೆನ್ನೈ, ಬೆಂಗಳೂರು ಹಾಗೂ ರಾಂಚಿ ಸೇರಿದಂತೆ ಇನ್ನೂ ಹಲವಡೆ ಪಂದ್ಯಗಳು ಜರುಗಲಿವೆ.