ಟೀಂ ಇಂಡಿಯಾ ಕಂಡ ಅತ್ಯಂತ ಯಶಸ್ವಿ ಆರಂಭಿಕ ಜೋಡಿ ಎನಿಸಿಕೊಂಡಿದ್ದ ಸಚಿನ್ ತೆಂಡುಲ್ಕರ್-ವಿರೇಂದ್ರ ಸೆಹ್ವಾಗ್ ದಾಖಲೆಯನ್ನು ಅಳಿಸಿ ಹಾಕುವಲ್ಲಿ ರೋಹಿತ್-ಧವನ್ ಜೋಡಿ ಯಶಸ್ವಿಯಾಗಿದೆ.
ಬೇ ಓವಲ್[ಜ.26]: ರೋಹಿತ್ ಶರ್ಮಾ ಹಾಗೂ ಶಿಖರ್ ಧವನ್ ಭರ್ಜರಿ ಅರ್ಧಶತಕ ಸಿಡಿಸಿದ್ದು, ಟೀಂ ಇಂಡಿಯಾಗೆ ಎರಡನೇ ಏಕದಿನ ಪಂದ್ಯದಲ್ಲಿ ಉತ್ತಮ ಆರಂಭ ಪಡೆದಿದೆ.
FIFTY! looking solid out there in the middle, brings up his 38th ODI half-century 👏👏
Live - https://t.co/Wqno8X4OHs pic.twitter.com/z3UzpdZ4XZ
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿರುವ ಭಾರತಕ್ಕೆ ರೋಹಿತ್-ಧವನ್ ಜೋಡಿ ಶತಕದ ಆರಂಭ ಒದಗಿಸಿ ಕೊಟ್ಟಿದ್ದಾರೆ. ರೋಹಿತ್ 62 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದ್ದಾರೆ. ಇದು ರೋಹಿತ್ ಶರ್ಮಾ ವೃತ್ತಿಜೀವನದ 38ನೇ ಅರ್ಧಶತಕವಾಗಿದೆ. ರೋಹಿತ್ ಅರ್ಧಶತಕದ ಜತೆಜತೆಯಲ್ಲಿಯೇ ಈ ಜೋಡಿ ನೂರು ರನ್’ಗಳ ಜತೆಯಾಟ ನಿಭಾಯಿಸಿತು. ಇನ್ನು ಶಿಖರ್ ಧವನ್ 53 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ಸಂಭ್ರಮಿಸಿದರು. ಇದು ಧವನ್ ಬಾರಿಸಿದ 27ನೇ ಅರ್ಧಶತಕವಾಗಿದೆ.
Gabbar joins the party, brings up his FIFTY off 53 deliveries. This is his 27th in ODIs pic.twitter.com/WW4uRWIC4s
— BCCI (@BCCI)ಸಚಿನ್-ಸೆಹ್ವಾಗ್ ದಾಖಲೆ ಉಡೀಸ್: ಟೀಂ ಇಂಡಿಯಾ ಕಂಡ ಅತ್ಯಂತ ಯಶಸ್ವಿ ಆರಂಭಿಕ ಜೋಡಿ ಎನಿಸಿಕೊಂಡಿದ್ದ ಸಚಿನ್ ತೆಂಡುಲ್ಕರ್-ವಿರೇಂದ್ರ ಸೆಹ್ವಾಗ್ ದಾಖಲೆಯನ್ನು ಅಳಿಸಿ ಹಾಕುವಲ್ಲಿ ರೋಹಿತ್-ಧವನ್ ಜೋಡಿ ಯಶಸ್ವಿಯಾಗಿದೆ. ಏಕದಿನ ಕ್ರಿಕೆಟ್’ನಲ್ಲಿ ಸಚಿನ್-ಸೆಹ್ವಾಗ್ ಜೋಡಿ 13 ಬಾರಿ ಶತಕದ ಜತೆಯಾಟವಾಡಿತ್ತು. ಇದೀಗ ಧವನ್-ರೋಹಿತ್ ಜೋಡಿ 14ನೇ ಬಾರಿಗೆ ಶತಕದ ಜತೆಯಾಟವಾಡುವ ಮೂಲಕ ಆ ದಾಖಲೆಯನ್ನು ಅಳಿಸಿ ಹಾಕಿದೆ. ಟೀಂ ಇಂಡಿಯಾ ಪರ ಒಟ್ಟಾರೆ ಅತಿಹೆಚ್ಚು ಶತಕದ ಜತೆಯಾಟ ಆಡಿದ ದಾಖಲೆ ಸಚಿನ್ ತೆಂಡುಲ್ಕರ್- ಸೌರವ್ ಗಂಗೂಲಿ ಹೆಸರಿನಲ್ಲಿದೆ. ಈ ಜೋಡಿ ಒಟ್ಟು 26 ಬಾರಿ ಶತಕದ ಜತೆಯಾಟ ನಿಭಾಯಿಸಿದೆ.