1.88 ಸೆಕೆಂಡ್ಗಳಲ್ಲಿ ಪಿಟ್ ಸ್ಟಾಪ್: F1ನಲ್ಲಿ ದಾಖಲೆ
ಸಾರಾಂಶ
ಫಾರ್ಮುಲಾ ರೇಸ್ನಲ್ಲಿ ಎಲ್ಲವೂ ಸೆಕೆಂಡುಗಳ ಲೆಕ್ಕಾಚಾರ. ರೇಸ್ ಮಾತ್ರವಲ್ಲ, ಸಣ್ಣ ವಿರಾಮದಲ್ಲಿ ಕಾರಿನ ಚಕ್ರ ಬದಲಿಸಿವುದು ಕೂಡ ಸೆಕೆಂಡ್ಗಳಲ್ಲಿ ಇದೀಗ ಕಾರಿನ ಚಕ್ರ ಬದಲಿಸಿ ದಾಖಲೆ ನಿರ್ಮಾಣವಾಗಿದೆ. ಇಲ್ಲಿದೆ ಹೆಚ್ಚಿನ ವಿವರ.
ಪ್ಯಾರಿಸ್(ಆ.04): ಫಾರ್ಮುಲಾ 1 ಕಾರ್ ರೇಸ್ನಲ್ಲಿ ಪ್ರತಿ ಸೆಕೆಂಡ್ಗೂ ಮಹತ್ವವಿದೆ. ಈ ವಿಶ್ಲೇಷಣೆಯನ್ನು ರೆಡ್ ಬುಲ್ ರೇಸಿಂಗ್ ತಂಡ ಮತ್ತೊಂದು ಹಂತಕ್ಕೆ ಕೊಂಡೊಯ್ದಿದೆ. ಕಳೆದ ತಿಂಗಳು ರೆಡ್ ಬುಲ್ ತಂಡ ತನ್ನ ಚಾಲಕ ಪೀಯರ್ ಗ್ಯಾಸ್ಲೆ, ಪಿಟ್ ಸ್ಟಾಪ್ (ರೇಸ್ ನಡುವೆ ತೆಗೆದುಕೊಳ್ಳುವ ಸಣ್ಣ ವಿರಾಮ)ಗೆ ಆಗಮಿಸಿದ್ದಾಗ ಕೇವಲ 1.91 ಸೆಕೆಂಡ್ಗಳಲ್ಲಿ ಕಾರಿನ ನಾಲ್ಕೂ ಚಕ್ರಗಳನ್ನು ಬದಲಿಸಿ ದಾಖಲೆ ಬರೆದಿತ್ತು.
ಕಳೆದ ವಾರ ಜರ್ಮನ್ ಗ್ರ್ಯಾನ್ ಪ್ರಿಯಲ್ಲಿ ರೆಡ್ ಬುಲ್ ತನ್ನ ದಾಖಲೆಯನ್ನು ಉತ್ತಮಪಡಿಸಿಕೊಂಡಿದೆ. ಮ್ಯಾಕ್ಸ್ ವೆರ್ಸ್ಟಾಪ್ಪೆನ್ ಪಿಟ್ ಸ್ಟಾಪ್ಗೆ ಬಂದ ವೇಳೆ ಕೇವಲ 1.88 ಸೆಕೆಂಡ್ಗಳಲ್ಲಿ ನಾಲ್ಕೂ ಚಕ್ರ ಬದಲಿಸಿ ಅತ್ಯಂತ ಕಡಿಮೆ ಸಮಯದಲ್ಲಿ ಮುಕ್ತಾಯಗೊಂಡ ಪಿಟ್ಸ್ಟಾಪ್ ಎನ್ನುವ ವಿಶ್ವ ದಾಖಲೆ ನಿರ್ಮಿಸಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.