ವಿಶ್ವದ 2ನೇ ಶ್ರೇಯಾಂಕಿತ ರಶೀದ್ ಖಾನ್, 38 ಏಕದಿನ ಪಂದ್ಯಗಳಲ್ಲಿ 87 ವಿಕೆಟ್ ಕಬಳಿಸಿ ಗಮನ ಸೆಳೆದಿದ್ದರು.
ಬುಲವಾಯೊ(ಮಾ.05): ಆಫ್ಘಾನಿಸ್ತಾನದ ಲೆಗ್'ಸ್ಪಿನ್ನರ್ ರಶೀದ್ ಖಾನ್ ಏಕದಿನ ಕ್ರಿಕೆಟ್‌'ನಲ್ಲಿ ತಂಡವನ್ನು ಮುನ್ನಡೆಸಿದ ಅತಿ ಕಿರಿಯ ನಾಯಕ ಎನ್ನುವ ವಿಶ್ವ ದಾಖಲೆ ಬರೆದಿದ್ದಾರೆ.
ಐಸಿಸಿ ವಿಶ್ವಕಪ್ ಅರ್ಹತಾ ಸುತ್ತಿನ ಸ್ಕಾಟ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ 19 ವರ್ಷದ ರಶೀದ್, ಆಫ್ಘಾನಿಸ್ತಾನದ ನಾಯಕರಾಗಿದ್ದರು. ಈ ಮೊದಲು ಅತಿ ಕಿರಿಯ ನಾಯಕ ಎನ್ನುವ ದಾಖಲೆ ಬಾಂಗ್ಲಾದೇಶದ ರಾಜನ್ ಸಾಲ್ಹೆ (20 ವರ್ಷ 297 ದಿನ) ಹೆಸರಿನಲ್ಲಿತ್ತು. 2004ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ದ.ಆಫ್ರಿಕಾ ವಿರುದ್ಧ ತಂಡ ಮುನ್ನಡೆಸುವ ಮೂಲಕ ರಾಜನ್ ಈ ದಾಖಲೆ ಬರೆದಿದ್ದರು.
ವಿಶ್ವದ 2ನೇ ಶ್ರೇಯಾಂಕಿತ ರಶೀದ್ ಖಾನ್, 38 ಏಕದಿನ ಪಂದ್ಯಗಳಲ್ಲಿ 87 ವಿಕೆಟ್ ಕಬಳಿಸಿ ಗಮನ ಸೆಳೆದಿದ್ದರು.