ಕೊರಿಯಾ ಓಪನ್: ಫೈನಲ್'ಗೆ ಲಗ್ಗೆಯಿಟ್ಟ ಸಿಂಧು; ಇಂಡೋ-ಜಪಾನ್ ಕಾದಾಟಕ್ಕೆ ವೇದಿಕೆ ರೆಡಿ
ಸಾರಾಂಶ
ಇದೀಗ ಮತ್ತೊಮ್ಮೆ ಸಿಂಧು ಜಪಾನ್ ಆಟಗಾರ್ತಿ ಎದುರು ಮುಖಾಮುಖಿಯಾಗುತ್ತಿದ್ದು, ವಿಶ್ವ ಚಾಂಪಿಯನ್'ಶಿಪ್ ಸೋಲಿನ ಸೇಡು ತೀರಿಸಿಕೊಳ್ಳಲು ಹೈದರಾಬಾದ್ ಆಟಗಾರ್ತಿ ಸಿದ್ದವಾಗಿದ್ದಾರೆ.
ಸಿಯೋಲ್(ಸೆ.16): ದೇಶದ ಭರವಸೆಯ ಆಟಗಾರ್ತಿ, ಒಲಿಂಪಿಕ್ಸ್ ಪದಕ ವಿಜೇತೆ ಪಿ.ವಿ. ಸಿಂಧು ಕೊರಿಯಾ ಓಪನ್ ಸೂಪರ್ ಸೀರಿಸ್'ನಲ್ಲಿ ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಟ್ಟಿದ್ದಾರೆ.
ತೀವ್ರ ಜಿದ್ದಾಜಿದ್ದಿನಿಂದ ಕೂಡಿದ್ದ ಸೆಮಿಫೈನಲ್ ಪಂದ್ಯದಲ್ಲಿ ಚೀನಾದ ಹೀ ಬಿಂಗ್'ಜಿಯೋ ವಿರುದ್ಧ 21-10, 17-21, 21-16 ಸೆಟ್'ಗಳ ಅಂತರದಲ್ಲಿ ಜಯಭೇರಿ ಬಾರಿಸುವ ಮೂಲಕ ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಟ್ಟಿದ್ದಾರೆ. ಇನ್ನು ಸಿಂಧು ಫೈನಲ್'ನಲ್ಲಿ ವಿಶ್ವಚಾಂಪಿಯನ್ ಜಪಾನಿನ ನೊಜೋಮಿ ಓಕೊಹರ ವಿರುದ್ಧ ಕಾದಾಡಲಿದ್ದಾರೆ.
ವಿಶ್ವದ ನಂ.4ನೇ ಶ್ರೇಯಾಂಕಿತೆ ಕಳೆದ ವರ್ಷ ಚೀನಾ ಓಪನ್ ಸೂಪರ್ ಸೀರಿಸ್ ಗೆದ್ದಿದ್ದ ಸಿಂಧು, ಈ ವರ್ಷ ಇಂಡಿಯನ್ ಓಪನ್ ಸೂಪರ್ ಸೀರಿಸ್, ಸೈಯ್ಯದ್ ಮೋದಿ ಗ್ರ್ಯಾಂಡ್ ಫಿಕ್ಸ್ ಹಾಗೂ ವಿಶ್ವ ಚಾಂಪಿಯನ್'ಶಿಪ್'ನಲ್ಲಿ ಬೆಳ್ಳಿ ಪದಕ ಮುಡಿಗೇರಿಸಿಕೊಂಡಿದ್ದರು. ಇದೀಗ ಮತ್ತೊಮ್ಮೆ ಸಿಂಧು ಜಪಾನ್ ಆಟಗಾರ್ತಿ ಎದುರು ಮುಖಾಮುಖಿಯಾಗುತ್ತಿದ್ದು, ವಿಶ್ವ ಚಾಂಪಿಯನ್'ಶಿಪ್'ನ ಸೋಲಿನ ಸೇಡು ತೀರಿಸಿಕೊಳ್ಳಲು ಹೈದರಾಬಾದ್ ಆಟಗಾರ್ತಿ ಸಿದ್ದವಾಗಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.