PKL7: ತಮಿಳ್ ತಲೈವಾಸ್ ವಿರುದ್ಧ ಮುಗ್ಗರಿಸಿದ ತೆಲುಗು ಟೈಟಾನ್ಸ್!
ಸಾರಾಂಶ
ಪ್ರೊ ಕಬಡ್ಡಿ ಟೂರ್ನಿಯಲ್ಲಿ ತೆಲುಗು ಟೈಟಾನ್ಸ್ ಹಾಗೂ ತಮಿಳ್ ತಲೈವಾಸ್ ನಡುವಿನ ಹೋರಾಟ ತವರಿನ ಅಭಿಮಾನಿಗಳಿಗೆ ಸಿಹಿ-ಕಹಿ ನೀಡಿದೆ. ತೆಲುಗು ತಂಡದ ದಿಟ್ಟ ಹೋರಾಟ ತವರಿನ ಅಭಿಮಾನಿಗಳಿಗೆ ಖುಷಿ ನೀಡಿದರೆ, ಫಲಿತಾಂಶ ಬೇಸರ ತರಿಸಿದೆ.
ಹೈದರಾಬಾದ್(ಜು.21): ಪ್ರೊ ಕಬಡ್ಡಿ ಲೀಗ್ ಟೂರ್ನಿಯ ಎರಡನೇ ದಿನ ತೆಲುಗು ಟೈಟಾನ್ಸ್ ನಿರಾಸೆ ಅನುಭವಿಸಿದೆ. ತವರಿನ ಅಭಿಮಾನಿಗಳ ಅಭೂತಪೂರ್ವ ಬೆಂಬಲದ ಹೊರತಾಗಿಯೂ ತೆಲುಗು ಟೈಟಾನ್ಸ್ ಗೆಲುವಿನ ನಗೆ ಬೀರಲಿಲ್ಲ. ತಮಿಳ್ ತಲೈವಾಸ್ ವಿರುದ್ದ ತೆಲುಗು 26-39 ಅಂಕಗಳ ಅಂತರದಲ್ಲಿ ಸೋಲು ಕಂಡಿತು.
ಮೊದಲಾರ್ಧದ ಆರಂಭದಲ್ಲೇ ತೆಲುಗು ಹಿಂದಿಕ್ಕಿದ ತಮಿಳ್ ತಲೈವಾಸ್ ಮುನ್ನಡೆ ಕಾಯ್ದುಕೊಂಡಿತು. ಪಂದ್ಯ ಆರಂಭಗೊಂಡು 8ನೇ ನಿಮಿಷದ ಮುಕ್ತಾಯಕ್ಕೆ ತೆಲುಗು ಟೈಟಾನ್ಸ್ 5-5 ಅಂಕಗಳಿಂದ ಸಮಬಲಗೊಳಿಸಿ ನಿಟ್ಟುಸಿರು ಬಿಟ್ಟಿತು. ಆದರೆ ಅಷ್ಟೇ ವೇಗದಲ್ಲಿ ಮುನ್ನಡೆ ಪಡೆದುಕೊಂಡ ತಮಿಳ್ ತಲೈವಾಸ್ ಮಿಂಚಿನ ಆಟ ಪ್ರದರ್ಶಿಸಿತು.
ಫಸ್ಟ್ ಹಾಫ್ ಅಂತ್ಯದಲ್ಲಿ ತೆಲುಗು ಟೈಟಾನ್ಸ್ 20-10 ಅಂಕಗಳ ಮುನ್ನಡೆ ಸಾಧಿಸಿತು. ಇನ್ನು ದ್ವಿತಿಯಾರ್ಧದಲ್ಲೂ ತೆಲುಗು ಟೈಟಾನ್ಸ್ ಮುನ್ನಡೆ ಪಡಯಲಿಲ್ಲ. ಬದಲಾಗಿ ಹಿನ್ನಡೆ ಅಂತರ ಹೆಚ್ಚಾಯಿತು. ತೆಲುಗು ಟೈಟಾನ್ಸ್ ಪ್ರಯತ್ನಗಳೆಲ್ಲಾ ವಿಫಲವಾಯಿತು. ಅಂತ್ಯದಲ್ಲಿ ತಮಿಳ್ ತಲೈವಾಸ್ 39-26 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.