ಯುಎಸ್ ಓಪನ್ ಬ್ಯಾಡ್ಮಿಂಟನ್: ಕ್ವಾರ್ಟರ್'ಗೆ ಲಗ್ಗೆಯಿಟ್ಟ ಕಶ್ಯಪ್, ಪ್ರಣಯ್, ಸಮೀರ್
ಸಾರಾಂಶ
ಪರುಪಳ್ಳಿ ಕಶ್ಯಪ್ ಕ್ವಾರ್ಟರ್'ಫೈನಲ್ ಪಂದ್ಯದಲ್ಲಿ ತಮ್ಮ ದೇಶದವರೇ ಆದ ಸಮೀರ್ ವರ್ಮಾ ಅವರನ್ನು ಎದುರಿಸಲಿದ್ದಾರೆ.
ಅನಾಹೀಮ್(ಯುಎಸ್): ಭಾರತದ ಸ್ಟಾರ್ ಶಟ್ಲರ್ ಪಿ. ಕಶ್ಯಪ್, ಸಮೀರ್ ವರ್ಮಾ ಮತ್ತು ಎಚ್.ಎಸ್. ಪ್ರಣಯ್, ಯುಎಸ್ ಓಪನ್ ಗ್ರ್ಯಾನ್ ಪ್ರೀ ಗೋಲ್ಡ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಕ್ವಾರ್ಟರ್'ಫೈನಲ್ ಹಂತ ಪ್ರವೇಶಿಸಿದ್ದಾರೆ.
ಇಂದು ನಡೆದ ಪುರುಷರ ಸಿಂಗಲ್ಸ್'ನ 2ನೇ ಸುತ್ತಿನ ಪಂದ್ಯದಲ್ಲಿ ಕಶ್ಯಪ್ 21-18, 17-6 ಗೇಮ್'ಗಳಿಂದ ಹಂಗೇರಿಯ ಜಾರ್ಜಿಲಿ ಕ್ರಸ್ಜ್ ಎದುರು ಗೆಲುವು ಸಾಧಿಸಿದರು. ಪಂದ್ಯ ನಡೆಯುವ ಮಧ್ಯದಲ್ಲಿ ಗಾಯಕ್ಕೆ ತುತ್ತಾದ ಹಂಗೇರಿಯ ಶಟ್ಲರ್ ನಿವೃತ್ತಿ ತೆಗೆದುಕೊಂಡರು. ನಂತರ ನಡೆದ ಪ್ರೀ ಕ್ವಾರ್ಟರ್ ಪಂದ್ಯದಲ್ಲಿ ಕಶ್ಯಪ್ 21-19, 21-10 ಗೇಮ್'ಗಳಿಂದ ಶ್ರೀಲಂಕಾದ ನಿಲುಕಾ ಕರುಣರತ್ನೆ ಎದುರು ಜಯ ಪಡೆದರು.
ಪರುಪಳ್ಳಿ ಕಶ್ಯಪ್ ಕ್ವಾರ್ಟರ್'ಫೈನಲ್ ಪಂದ್ಯದಲ್ಲಿ ತಮ್ಮ ದೇಶದವರೇ ಆದ ಸಮೀರ್ ವರ್ಮಾ ಅವರನ್ನು ಎದುರಿಸಲಿದ್ದಾರೆ.
ಇನ್ನು ಎರಡನೇ ಶ್ರೇಯಾಂಕಿತ ಹೆಚ್.ಎಸ್ ಪ್ರಣಯ್, ಐರ್ಲ್ಯಾಂಡ್'ನ ಜೋಸ್ಹ್ ಮಗೀಯನ್ನು 21-13, 21-17 ನೇರ ಸೆಟ್'ನಲ್ಲಿ ಮಣಿಸಿದ ಪ್ರಣಯ್ ಎರಡನೇ ಪಂದ್ಯದಲ್ಲಿ ನೆದರ್'ಲ್ಯಾಂಡ್'ನ ಮಾರ್ಕ್ ಕಾಲ್ಜೋ ಅವರನ್ನು 21-8, 14-21, 21-18 ಸೆಟ್'ಗಳಲ್ಲಿ ಮಣಿಸಿ ಎಂಟರ ಘಟ್ಟ ಪ್ರವೇಶಿಸಿದ್ದಾರೆ
ಸಮೀರ್ ವರ್ಮಾ ಸಹ ಆಕರ್ಷಕ ಪ್ರದರ್ಶನ ತೋರುವ ಮೂಲಕ ಕ್ವಾರ್ಟರ್'ಫೈನಲ್ ಹಂತ ಪ್ರವೇಶಿಸಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.