ಕತಾರ್ ಓಪನ್: ಮತ್ತೆ ಜೊಕೊ, ಮರ್ರೆ ಮುಖಾಮುಖಿ?

ಸದ್ಯದ ಮಟ್ಟಿಗೆ ವಿಶ್ವದ ಮುಂಚೂಣಿ ಆಟಗಾರರಾದ ಮರ್ರೆ ಹಾಗೂ ಜೊಕೊವಿಚ್ ಶನಿವಾರ ನಡೆಯಲಿರುವ ಫೈನಲ್‌'ನಲ್ಲಿ ಮುಖಾಮುಖಿಯಾಗುವ ಸಾಧ್ಯತೆ ಹೆಚ್ಚಿದೆ.

ದೋಹಾ(ಜ.06): ವಿಶ್ವದ ಅಗ್ರ ಶ್ರೇಯಾಂಕಿತ ಆಟಗಾರ ಆ್ಯಂಡಿ ಮರ್ರೆ ಹಾಗೂ ಎರಡನೇ ಶ್ರೇಯಾಂಕಿತ ಪಟು ನೊವಾಕ್ ಜೊಕೊವಿಚ್ ಕತಾರ್ ಓಪನ್ ಟೆನಿಸ್ ಪಂದ್ಯಾವಳಿಯ ಸೆಮಿಫೈನಲ್‌ಗೆ ಧಾವಿಸಿದ್ದಾರೆ.

ಗುರುವಾರ ತಡರಾತ್ರಿ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್‌'ಫೈನಲ್ ಹಣಾಹಣಿಯಲ್ಲಿ ಬ್ರಿಟನ್ ಆಟಗಾರ ಮರ್ರೆ ಸ್ಪೇನ್‌'ನ ನಿಕೊಲಾಸ್ ಆಲ್ಮಾಗ್ರೊ ವಿರುದ್ಧ ಕಠಿಣ ಹೋರಾಟ ನಡೆಸಿ 7-6 (7/4), 7-5 ಸೆಟ್‌'ಗಳ ಗೆಲುವು ಪಡೆದು ಆ ಮೂಲಕ ಸತತ 27ನೇ ಜಯದ ದಾಖಲೆ ಬರೆದರು.

ಇನ್ನು ಮತ್ತೊಂದು ಅಂತಿಮ ಎಂಟರ ಘಟ್ಟದ ಪಂದ್ಯದಲ್ಲಿ ಸರ್ಬಿಯಾದ ಜೊಕೊವಿಚ್, ಸ್ಪೇನ್‌'ನ ಹಿರಿಯ ಆಟಗಾರ ರಾಡಿಕ್ ಸ್ಟೆಪಾನೆಕ್ ಅವರನ್ನು 6-3, 6-3 ನೇರ ಹಾಗೂ ಸುಲಭ ಸೆಟ್‌'ಗಳಲ್ಲಿ ಮಣಿಸಿದರು.

ಸದ್ಯದ ಮಟ್ಟಿಗೆ ವಿಶ್ವದ ಮುಂಚೂಣಿ ಆಟಗಾರರಾದ ಮರ್ರೆ ಹಾಗೂ ಜೊಕೊವಿಚ್ ಶನಿವಾರ ನಡೆಯಲಿರುವ ಫೈನಲ್‌'ನಲ್ಲಿ ಮುಖಾಮುಖಿಯಾಗುವ ಸಾಧ್ಯತೆ ಹೆಚ್ಚಿದೆ. ಅಂದಹಾಗೆ ಇಂದು ನಡೆಯಲಿರುವ ಸೆಮಿಫೈನಲ್‌ನಲ್ಲಿ ಮರ್ರೆ, ಥಾಮಸ್ ಬೆರ್ಡಿಚ್ ವಿರುದ್ಧ ಸೆಣಸಲಿದ್ದರೆ, ಜೊಕೊವಿಚ್ ಸ್ಪೇನ್‌ನ ಫೆರ್ನಾಂಡೊ ವರ್ಡೆಸ್ಕೋ ವಿರುದ್ಧ ಕಾದಾಡಲಿದ್ದಾರೆ.