ಮತ್ತೊಮ್ಮೆ ಪಾಕಿಸ್ತಾನದ ಸ್ಟಾರ್ ಆಟಗಾರ ಸಸ್ಪೆಂಡ್..!
ಸಾರಾಂಶ
ಈ ಮೊದಲು 2014 ಹಾಗೂ 2015ರಲ್ಲಿ ಒಟ್ಟು 2 ಬಾರಿ ಹಫೀಜ್ ಬೌಲಿಂಗ್'ನಿಂದ ಅಮಾನತುಗೊಂಡಿದ್ದರು.
ದುಬೈ(ನ.17): ಅಕ್ರಮ ಬೌಲಿಂಗ್ ಶೈಲಿ ಸಾಬೀತಾದ ಹಿನ್ನೆಲೆಯಲ್ಲಿ ಪಾಕಿಸ್ತಾನದ ತಾರಾ ಆಲ್ರೌಂಡರ್ ಮೊಹಮ್ಮದ್ ಹಫೀಜ್'ರನ್ನು ಐಸಿಸಿ, ಅಂತಾರಾಷ್ಟ್ರೀಯ ಕ್ರಿಕೆಟ್'ನಲ್ಲಿ ಬೌಲಿಂಗ್'ನಿಂದ ಮತ್ತೊಮ್ಮೆ ಅಮಾನತುಗೊಳಿಸಿದೆ.
ಇತ್ತೀಚೆಗೆ ಶ್ರೀಲಂಕಾ ವಿರುದ್ಧ ಅಬುಧಾಬಿಯಲ್ಲಿ ನಡೆದ 3ನೇ ಏಕದಿನ ಪಂದ್ಯದ ವೇಳೆ ಹಫೀಜ್ ಬೌಲಿಂಗ್ ಶೈಲಿ ಬಗ್ಗೆ ಶಂಕೆ ವ್ಯಕ್ತವಾಗಿತ್ತು. ಈ ಬಗ್ಗೆ ಅಂಪೈರ್'ಗಳು ಪಂದ್ಯದ ರೆಫ್ರಿಗೆ ದೂರು ಸಲ್ಲಿಸಿದ್ದರು. ಈ ಹಿನ್ನೆಲೆಯಲ್ಲಿ ನ.1ರಂದು ಹಫೀಜ್, ಲಂಡನ್'ನಲ್ಲಿ ಪರೀಕ್ಷೆಗೆ ಒಳಪಟ್ಟಿದ್ದರು.
ಇದೀಗ ಅದರ ವರದಿ ಬಂದಿದ್ದು, 15 ಡಿಗ್ರಿ ಬೌಲಿಂಗ್ ನಿಯಮವನ್ನು ಮೀರಿ ಹಫೀಜ್ ಬೌಲ್ ಮಾಡುತ್ತಿದ್ದಾರೆ ಎಂದು ತಿಳಿದು ಬಂದಿದೆ. ಈ ಮೊದಲು 2014 ಹಾಗೂ 2015ರಲ್ಲಿ ಒಟ್ಟು 2 ಬಾರಿ ಹಫೀಜ್ ಬೌಲಿಂಗ್'ನಿಂದ ಅಮಾನತುಗೊಂಡಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.