'ಮರಿಯಾ' ಸಂತ್ರಸ್ತರ ನೆರವಿಗೆ ಮುಂದಾದ ಶೆರ್ಫಿ
ಸಾರಾಂಶ
ಮೋನಿಕಾಗೆ ಬೆಂಬಲ ನೀಡಲು ಒಪ್ಪಿದ ಶರಪೋವಾ, ತಮ್ಮ ಸಿಹಿ ಬ್ರ್ಯಾಂಡ್ ‘ಶುಗರ್'ಪೊವಾ’ ವ್ಯಾಪರದಿಂದ ಬರುವ ಲಾಭವನ್ನು ಸಂಪೂರ್ಣವಾಗಿ ಸಂತ್ರಸ್ತರಿಗೆ ನೀಡುವುದಾಗಿ ಘೋಷಿಸಿದ್ದಾರೆ.
ಲಂಡನ್(ಅ.21): ಕಳೆದ ತಿಂಗಳು ಮರಿಯಾ ಚಂಡಮಾರುತಕ್ಕೆ ತುತ್ತಾದ ಕೆರಿಬಿಯನ್'ನ ಪೋರ್ಟೋರಿಕೊ ಸಂತ್ರಸ್ತರ ನೆರವಿಗೆ ಟೆನಿಸ್ ತಾರೆ ಮರಿಯಾ ಶರಪೋವಾ ಧಾವಿಸಿದ್ದಾರೆ.
ಆನ್'ಲೈನ್ ಮೂಲಕ ದೇಣಿಗೆ ಸಂಗ್ರಹಿಸಿರುವ ಪೋರ್ಟೊರಿಕೊದ ಟೆನಿಸ್ ಆಟಗಾರ್ತಿ, ಒಲಿಂಪಿಕ್ ಚಿನ್ನದ ಪದಕ ವಿಜೇತೆ ಮೊನಿಕಾ ಪುಯಿಗ್ ಜತೆ ಶರಪೋವಾ ಕೈ ಜೋಡಿಸಿದ್ದಾರೆ. ಈ ವರೆಗೂ 1,30,000 ಅಮೆರಿಕನ್ ಡಾಲರ್ (₹84.48 ಲಕ್ಷ) ಹಣ ಸಂಗ್ರಹಿಸಿರುವ ಮೋನಿಕಾ ಶರಪೋವಾ ಸಹಾಯವನ್ನು ಕೇಳಿದರು.
ಮೋನಿಕಾಗೆ ಬೆಂಬಲ ನೀಡಲು ಒಪ್ಪಿದ ಶರಪೋವಾ, ತಮ್ಮ ಸಿಹಿ ಬ್ರ್ಯಾಂಡ್ ‘ಶುಗರ್'ಪೊವಾ’ ವ್ಯಾಪರದಿಂದ ಬರುವ ಲಾಭವನ್ನು ಸಂಪೂರ್ಣವಾಗಿ ಸಂತ್ರಸ್ತರಿಗೆ ನೀಡುವುದಾಗಿ ಘೋಷಿಸಿದ್ದಾರೆ.
ಮುಂದಿನ ವಾರ ಭೇಟಿ: 10 ಲಕ್ಷ ಸಂತ್ರಸ್ತರಿಗೆ ಮೂಲಭೂತ ವಸ್ತುಗಳನ್ನು ವಿತರಿಸಲು ಮುಂದಿನ ವಾರ ಪೋರ್ಟೋರಿಕೊಗೆ ಶರಪೋವಾ ಭೇಟಿ ನೀಡಲಿದ್ದಾರೆ. ಇಲ್ಲಿನ ಜನ ಕುಡಿಯುವ ನೀರಿಗೂ ಸಮಸ್ಯೆ ಎದುರಿಸುತ್ತಿದ್ದು, ಆಹಾರಕ್ಕೂ ತೊಂದರೆಯಾಗಿದೆ. ಹಲವು ಟೆನಿಸ್ ಆಟಗಾರರು ಸಂತ್ರಸ್ತರ ನೆರವಿಗೆ ಬರುತ್ತಿದ್ದು, ಈಗಾಗಲೇ ಆಸ್ಟ್ರೇಲಿಯಾದ ನಿಕ್ ಕಿರಿಯೋಸ್ ಪ್ರತಿ ಬಾರಿ ಪಂದ್ಯದಲ್ಲಿ ’ಏಸ್’ ಹೊಡೆದಾಗಲೂ 50 ಡಾಲರ್ ದಾನ
ಮಾಡುತ್ತಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.