(Video)ಒಂದು ಕ್ಯಾಚ್'ನಿಂದ ವಿಶ್ವವನ್ನೇ ಗೆದ್ದ ಕನ್ನಡಿಗ: ಪಾಂಡೆಯ ಅದ್ಭುತ ಕ್ಯಾಚ್ ಈಗ ವೈರಲ್..!

ಕಳೆದ ಎರಡು ಪಂದ್ಯದಂತೆಯೇ ನಿನ್ನೆಯೂ ಟೀಂ ಇಂಡಿಯಾ ಜಯ ಸಾಧಿಸ್ತು. ಆದ್ರೆ ನಿನ್ನೆಯ ಪಂದ್ಯದಲ್ಲಿ ಬ್ಯಾಟಿಂಗ್​ ಬೌಲಿಂಗ್​​ ಏನೂ ಮಾಡದೇ ಇದ್ರೂ ಇಂದು ಹೀರೋ ಎನಿಸಿಕೊಂಡಿರೋದು ಮಾತ್ರ ನಮ್ಮ ಕನ್ನಡಿಗ ಮನೀಶ್​​ ಪಾಂಡೆ. ಅಂತದ್ದೇನು ಮಾಡಿದನಪ್ಪಾ ಪಾಂಡೆ ಅಂತೀರಾ..? ಇಲ್ಲಿದೆ ನೋಡಿ ವಿವರ  

ಈಗ ಟೀಂ ಇಂಡಿಯಾ ನಾಯಕನ ಗುಣಗಾನದಲ್ಲಿ ನಿರತರಾಗಿದ್ದಾರೆ. ಆದರೆ ಕೊಹ್ಲಿಯಷ್ಟೇ ಈಗ ಫುಲ್​ ಫೇಮಸ್​​​ ಆಗಿರುವುದಲ್ಲ ನಮ್ಮ ಕನ್ನಡದ ಕಂದ ಮನೀಶ್​​ ಪಾಂಡೆ. ಹೌದು, ಆಸೀಸ್​​ ವಿರುದ್ಧದ ಮೊದಲೆರಡು ಪಂದ್ಯದಲ್ಲಿ ಕಳಪೆ ಬ್ಯಾಟಿಂಗ್​ ಪ್ರದರ್ಶನ ತೋರಿ ದೇಶದ ಜನತೆಯ ಕೆಂಗಣ್ಣಿಗೆ ಗುರಿಯಾಗಿದ್ದ ಪಾಂಡೆ, ಇಂದು ಒಂದೇ ಒಂದು ಕ್ಯಾಚ್​'ನಿಂದ ದೇಶದ ಮನಗೆದ್ದಿದ್ದಾರೆ. ಎಲ್ಲರ ಪ್ರೀತಿಗೆ ಪಾತ್ರರಾಗಿದ್ದಾರೆ. ಅಷ್ಟಕ್ಕೂ ಇಂದು ಪಾಂಡೆಯನ್ನ ಹೀರೋ ಮಾಡಿರೋ ಆ ಕ್ಯಾಚ್​​ ಯಾವುದು ಗೊತ್ತಾ..? ನೀವೇ ನೋಡಿ.

ಪಾಂಡೆಯ ಅದ್ಭುತ ಕ್ಯಾಚ್​​​ ಈಗ ವೈರಲ್​​​..!: ವರ್ಷದ ಬೆಸ್ಟ್​​ ಕ್ಯಾಚ್​​ ಎಂದು ವರ್ಣಿಸಿದ ಫ್ಯಾನ್ಸ್​​​

ಆಸೀಸ್​​​ಗಳು ಆರಂಭದಲ್ಲಿ ಅಬ್ಬರಿಸಿದ ರೀತಿ ನೋಡಿ ಎಲ್ರೂ ಮುನ್ನೂರಕ್ಕಿಂತ ಹೆಚ್ಚು ರನ್​​ ಬರುತ್ತೆ ಅಂತಲೇ ಅಂದುಕೊಂಡಿದ್ರು. ಆದ್ರೆ ನಿರ್ಣಾಯಕ ಸಂದರ್ಭದಲ್ಲಿ ಪೀಟರ್​​ ಹ್ಯಾಂಡ್ಸ್​​​'ಕೊಂಬ್​​'ರ ಕ್ಯಾಚ್​​ ಹಿಡಿಯುವ ಮೂಲಕ ಆಸ್ಟ್ರೇಲಿಯಾಗೆ ದೊಡ್ಡ ಪೆಟ್ಟುಕೊಟ್ರು. ಹ್ಯಾಂಡ್ಸ್​​​ಕೊಂಬ್​​ ಬಾರಿಸಿದ ಚೆಂಡು ನೇರವಾಗಿ ಲಾಂಗ್​ ಆಫ್​ನಲ್ಲಿದ್ದ ಮನೀಶ್​ ಪಾಂಡೆ ಕಡೆ ಬಂತು. ಇನ್ನೇನು ಸಿಕ್ಸ್​​​ ಹೋಗುತ್ತೆ ಎನ್ನುವಾಗ್ಲೇ ಪಾಂಡೆ ಅದ್ಭುತವಾಗಿ ಜಂಪ್​ ಮಾಡಿ ಕ್ಯಾಚ್​​ ಹಿಡಿದ್ರು. ಸದ್ಯ ಪಾಂಡೆಯ ಈ ಕ್ಯಾಚ್​​ನ ವಿಡಿಯೋ ವೈರಲ್​ ಆಗಿದ್ದು. ಎಲ್ರೂ ಫಿದಾ ಆಗ್ಬಿಟ್ಟಿದ್ದಾರೆ. ಅಷ್ಟೇ ಅಲ್ಲ ನಿನ್ನೆಯ ಈ ಕ್ಯಾಚ್​​​ ಈ ವರ್ಷದ ಬೆಸ್ಟ್​​​ ಕ್ಯಾಚ್​​ ಎಂದು ಬಣ್ಣಿಸಿದ್ದಾರೆ.

ಪಾಂಡೆಯ ಕಮಾಲ್​ ಇದೇ ಮೊದಲೇನಲ್ಲ

ಪಾಂಡೆಯ ನಿನ್ನೆಯ ಕ್ಯಾಚ್​​ ಆಕಸ್ಮಿಕವಲ್ಲ, ಬದಲಿಗೆ ಪಾಂಡೆ ಒಬ್ಬ ಅದ್ಭುತ ಫೀಲ್ಡರ್​​​. ಅದಕ್ಕೆ ಪುರಾವೆ ಎಂಬಂತೆ ಈ ಹಿಂದೆ ಅಂದ್ರೆ 2016ರಲ್ಲಿ ಆಸ್ಟ್ರೇಲಿಯಾದಲ್ಲಿ ಇಂಥದ್ದೆ ಒಂದು ಅದ್ಭುತ ಕ್ಯಾಚ್​​ ಹಿಡಿದಿದ್ದರು.

ದಶಕದ ಕ್ಯಾಚ್​​​ ಹಿಡಿದಿರೋದು ಪಾಂಡೆಯೇ..!

ಪಾಂಡೆಗೆ ಈ ರೀತಿ ಜಿಂಕೆಯಂತೆ ಹಾರಿ ಕ್ಯಾಚ್​​ ಹಿಡಿಯೋ ನ್ಯಾಕ್​ ಬಂದಿದ್ದು ಇಂದು ನಿನ್ನೆಯಲ್ಲ, ಆತನ ಕ್ಯಾಚ್​​ ಹಿಸ್ಟರಿ ದೊಡ್ಡದ್ದೇ ಇದೆ. ಮೈಸೂರಿನಲ್ಲಿ ನಡೆದ 2010ರ ರಣಜಿ ಟ್ರೋಫಿ ಫೈನಲ್​​ನಲ್ಲಿ ಮುಂಬೈ  ಮುಂಬೈ ವಿರುದ್ಧ ಅಭಿಷೇಕ್​ ನಾಯರ ಕ್ಯಾಚ್ ಹಿಡಿದಿದ್ದರು. ದಶಕದ ಕ್ಯಾಚ್​​ ಹಿಡಿದು ಅಂದೇ ಎಲ್ಲರ ಕಣ್ಣು ಬೀಳುವಂತೆ ಮಾಡಿದ್ದ ಪಾಂಡೆ.

ಒಟ್ಟಿನಲ್ಲಿ ಇಂದು ಮನೀಶ್​​ ಪಾಂಡೆ ಎಲ್ಲರ ಪಾಲಿನ ಹೀರೋ ಆಗಿದ್ದಾರೆ. ಆದ್ರೆ ಕೋಟ್ಯಾಂತರ ಕನ್ನಡಿಗರಿಗೆ ಖುಷಿಯವೇನಂದ್ರೆ ಟೀಂ ಇಂಡಿಯಾದಲ್ಲಿರುವ ಬೆಸ್ಟ್​​ ಫೀಲ್ಡರ್​​ ನಮ್ಮ ಕರ್ನಾಟಕದ ಹುಡುಗ ಅನ್ನೋದು.