ಮೊದಲ ಪಂದ್ಯದಲ್ಲೇ ಮುಗ್ಗರಿಸಿದ RCB; ಮತ್ತೆ ಸಿಡಿದ ನರೈನ್

ಯುಜುವೇಂದ್ರ ಚಾಹಲ್ ಹಾಗೂ ವಾಷಿಂಗ್ಟನ್ ಸುಂದರ್ ದುಬಾರಿಯಾಗಿದ್ದು ಆರ್'ಸಿಬಿಗೆ ಹಿನ್ನಡೆಯಾಗಲು ಕಾರಣ. ಜತೆಗೆ ಆರಂಭದಲ್ಲೇ ನರೇನ್ ನಿಯಂತ್ರಿಸಲು ವಿಫಲವಾಗಿದ್ದು ಆರ್'ಸಿಬಿ ಪಾಲಿಗೆ ನುಂಗಲಾರದ ತುತ್ತಾಯಿತು.

ಕೋಲ್ಕತಾ(ಏ.08): ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿ ಗುರುತಿಸಿಕೊಂಡಿರುವ ಆರ್'ಸಿಬಿಗೆ ಮೊದಲ ಪಂದ್ಯದಲ್ಲೇ ಆಘಾತ ಎದುರಾಗಿದೆ. ಸುನಿಲ್ ನರೈನ್ ಹಾಗೂ ನಾಯಕ ದಿನೇಶ್ ಕಾರ್ತಿಕ್ ಸಮಯೋಚಿತ ಬ್ಯಾಟಿಂಗ್ ನೆರವಿನಿಂದ ಕೋಲ್ಕತಾ ನೈಟ್'ರೈಡರ್ಸ್ 4 ವಿಕೆಟ್'ಗಳ ಭರ್ಜರಿ ಜಯ ದಾಖಲಿಸಿದೆ.

ಕೋಲ್ಕತಾ ಆರಂಭಿಕ ಆಘಾತದ ಹೊರತಾಗಿಯೂ ಸುನಿಲ್ ನರೈನ್(19 ಎಸೆತ, 50) ಸಿಡಲಬ್ಬರದ ಬ್ಯಾಟಿಂಗ್ ಹಾಗೂ ಮಧ್ಯಮಕ್ರಮಾಂಕದಲ್ಲಿ ನಿತೀಶ್ ರಾಣಾ(34) ಹಾಗೂ ನಾಯಕ ಕಾರ್ತಿಕ್(35*) ಉಪಯುಕ್ತ ಬ್ಯಾಟಿಂಗ್ ನೆರವಿನಿಂದ ತವರು ನೆಲದಲ್ಲಿ ಶುಭಾರಂಭ ಮಾಡಿದೆ.

ಯುಜುವೇಂದ್ರ ಚಾಹಲ್ ಹಾಗೂ ವಾಷಿಂಗ್ಟನ್ ಸುಂದರ್ ದುಬಾರಿಯಾಗಿದ್ದು ಆರ್'ಸಿಬಿಗೆ ಹಿನ್ನಡೆಯಾಗಲು ಕಾರಣ. ಜತೆಗೆ ಆರಂಭದಲ್ಲೇ ನರೇನ್ ನಿಯಂತ್ರಿಸಲು ವಿಫಲವಾಗಿದ್ದು ಆರ್'ಸಿಬಿ ಪಾಲಿಗೆ ನುಂಗಲಾರದ ತುತ್ತಾಯಿತು.

ಇದಕ್ಕೂ ಮೊದಲು ಆರ್'ಸಿಬಿ 7 ವಿಕೆಟ್ ಕಳೆದುಕೊಂಡು 176 ರನ್ ಬಾರಿಸಿತ್ತು.

ಸಂಕ್ಷಿಪ್ತ ಸ್ಕೋರ್:

RCB: 176/7

ಎಬಿ ಡಿವಿಲಿಯರ್ಸ್: 44

ನಿತೀಶ್ ರಾಣಾ: 11/2

KKR: 177/6

ಸುನಿಲ್ ನರೈನ್: 50

ವೋಕ್ಸ್: 36/3