ಕಬಡ್ಡಿ ಮಾಸ್ಟರ್ಸ್: ಪಾಕಿಸ್ತಾನ ಮಣಿಸಿ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟ ಭಾರತ

ದುಬೈ ಕಬಡ್ಡಿ ಮಾಸ್ಟರ್ಸ್ ಟೂರ್ನಿಯಲ್ಲಿ ಭಾರತದ ಗೆಲುವಿನ ಓಟ ಮುಂದುವರಿದಿದೆ. ಮೊದಲ ಸುತ್ತಿನಲ್ಲಿ ಪಾಕಿಸ್ತಾನ ತಂಡವನ್ನ ಮಣಿಸಿದ್ದ ಭಾರತ, ಇದೀಗ 2ನೇ ಮುಖಾಮುಖಿಯಲ್ಲೂ ಪಾಕ್ ತಂಡವನ್ನ ಬಗ್ಗುಬಡಿದಿದೆ. ಈ ರೋಚಕ ಪಂದ್ಯದ ಹೈಲೈಟ್ಸ್ ಇಲ್ಲಿದೆ.

ದುಬೈ(ಜೂ.25): ಕಬಡ್ಡಿ ಮಾಸ್ಟರ್ಸ್ ದುಬೈ ಟೂರ್ನಿಯಲ್ಲಿ ಬದ್ಧವೈರಿ ಪಾಕಿಸ್ತಾನ ವಿರುದ್ಧ ಸತತ 2ನೇ ಗೆಲುವು ದಾಖಲಿಸಿದೆ. ಮೊದಲ ಮುಖಾಮುಖಿಯಲ್ಲಿ 36-20 ಅಂಕಗಳ ಗೆಲುವು ಸಾಧಿಸಿದ್ದ ಭಾರತ ಇದೀಗ 2ನೇ ಮುಖಾಮುಖಿಯಲ್ಲಿ 47-17 ಅಂಕಗಳ ಅಂತರದಲ್ಲಿ ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಕಬಡ್ಡಿ ಮಾಸ್ಟರ್ಸ್ ದುಬೈ ಟೂರ್ನಿಯಲ್ಲಿ ಭಾರತ ಸೆಮಿಫೈನಲ್ ಪ್ರವೇಶಿಸಿದೆ.

ಫಸ್ಟ್ ಹಾಫ್‌ನಲ್ಲಿ ಮೊದಲು ರೈಡ್ ಆರಂಭಿಸಿದ ಪಾಕಿಸ್ತಾನ ಬರೀಗೈಯಲ್ಲಿ ವಾಪಾಸ್ಸಾಯಿತು. ಆದರೆ ಭಾರತ ತನ್ನ ಮೊದಲ ರೈಡ್‌ನಲ್ಲೇ 3 ಅಂಕ ಪಡೆಯೋ ಮೂಲಕ ಸೂಪರ್ ರೈಡ್ ಪ್ರಶಂಸೆಗೆ ಪಾತ್ರವಾಯಿತು.

ನಾಯಕ ಅಜಯ್ ಠಾಕೂರ್, ರೋಹಿತ್ ಕುಮಾರ್ ,ರಿಷಾಂಕ್ ದೇವಾಡಿಗ ಸೇರಿದಂತೆ ಭಾರತೀಯ ರೈಡ್‌ನಿಂದ ಪಾಕಿಸ್ತಾನ ಸುಸ್ತಾಯಿತು. ಮೊದಲಾರ್ಧದ ಅಂತ್ಯದಲ್ಲಿ ಭಾರತ 18-9 ಅಂಕಗಳ ಮುನ್ನಡೆ ಕಾಯ್ದುಕೊಂಡಿತು.

ದ್ವಿತಿಯಾರ್ಧದಲ್ಲೂ ಭಾರತ ಪರಾಕ್ರಮ ಮುಂದುವರೆಯಿತು. ಅತ್ಯುತ್ತಮ ಪ್ರದರ್ಶನ ನೀಡಿದ ಭಾರತ 41-17 ಅಂಕಗಳ ಅಂತರದಲ್ಲಿ ಭರ್ಜರಿ ಗೆಲುವು ಸಾಧಿಸಿತು. ಈ ಮೂಲಕ ಪಾಕಿಸ್ತಾನ ತಂಡವನ್ನ 2ನೇ ಬಾರಿ ಸೋಲಿಸಿ ಸಂಭ್ರಮಿಸಿತು. ಗೆಲುವಿನ ಅಲೆಯಲ್ಲಿರುವ ಭಾರತ ದುಬೈ ಮಾಸ್ಟರ್ಸ್ ಕಬಡ್ಡಿ ಟೂರ್ನಿಯ ಸೆಮಿಫೈನಲ್ ಹಂತಕ್ಕೆ ಲಗ್ಗೆ ಇಟ್ಟಿದೆ.