ಜಡೇಜಾ ಹಾಗೂ ಅಶ್ವಿನ್ ಇಬ್ಬರು ಈಗ ವಿಶ್ವದ ನಂ.1 : ಪಂದ್ಯ ಗೆಲ್ಲಿಸಿದರೂ ಕೊಹ್ಲಿಗೆ ಕಡಿಮೆ ಸ್ಥಾನ

ಐಸಿಸಿ ಬಿಡುಗಡೆ ಮಾಡಿರುವ ರಾಂಕಿಂಗ್ ಪಟ್ಟಿಯಲ್ಲಿ ಇಬ್ಬರು ಸ್ಪಿನ್ನರ್ ಜೋಡಿ ತಲಾ 892 ಅಂಕ ಪಡೆದು ನಂ.1 ಬೌಲರ್ ಸ್ಥಾನ ಪಡೆದಿದ್ದಾರೆ. ಈ ಬಾರಿ 2ನೇ ಸ್ಥಾನ ಯಾರಿಗೂ ಲಭಿಸಿಲ್ಲ. ಮೂರನೇ ಸ್ಥಾನದಲ್ಲಿ ಆಸೀಸ್'ನ ಹ್ಯಾಝಲ್ವು'ಡ್ 863 ಅಂಕ ಪಡೆದು ಮೂರನೇ ಸ್ಥಾನವನ್ನು ಅಲಂಕರಿಸಿದ್ದಾರೆ. ಆಸ್ಟ್ರೇಲಿಯಾದ ಮತ್ತೊಬ್ಬ ವೇಗದ ಬೌಲರ್ ಮಿಷಲ್ ಸ್ಟಾರ್ಕ್ 757 ಅಂಕಗಳೊಂದಿಗೆ ಕೊನೆಯ ಸ್ಥಾನದಲ್ಲಿದ್ದಾರೆ.

ಮುಂಬೈ(ಮಾ.08): ಬೆಂಗಳೂರಿನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ 2ನೇ ಕ್ರಿಕೆಟ್ ಟೆಸ್ಟ್ ಪಂದ್ಯದಲ್ಲಿ ವಿಜಯ ಸಾಧಿಸಲು ಕಾರಣರಾದ ಭಾರತ ತಂಡದ ಬೌಲರ್'ಗಳಾದ ರವೀಂದ್ರ ಜಡೇಜಾ ಹಾಗೂ ಆರ್.ಅಶ್ವಿನ್ ಅವರಿಗೆ ವಿಶ್ವ ರಾಂಕಿಂಗ್'ನಲ್ಲಿ ಶ್ರೇಯ ಲಭಿಸಿದೆ.

ಐಸಿಸಿ ಬಿಡುಗಡೆ ಮಾಡಿರುವ ರಾಂಕಿಂಗ್ ಪಟ್ಟಿಯಲ್ಲಿ ಇಬ್ಬರು ಸ್ಪಿನ್ನರ್ ಜೋಡಿ ತಲಾ 892 ಅಂಕ ಪಡೆದು ನಂ.1 ಬೌಲರ್ ಸ್ಥಾನ ಪಡೆದಿದ್ದಾರೆ. ಈ ಬಾರಿ 2ನೇ ಸ್ಥಾನ ಯಾರಿಗೂ ಲಭಿಸಿಲ್ಲ. ಮೂರನೇ ಸ್ಥಾನದಲ್ಲಿ ಆಸೀಸ್'ನ ಹ್ಯಾಝಲ್ವು'ಡ್ 863 ಅಂಕ ಪಡೆದು ಮೂರನೇ ಸ್ಥಾನವನ್ನು ಅಲಂಕರಿಸಿದ್ದಾರೆ. ಆಸ್ಟ್ರೇಲಿಯಾದ ಮತ್ತೊಬ್ಬ ವೇಗದ ಬೌಲರ್ ಮಿಷಲ್ ಸ್ಟಾರ್ಕ್ 757 ಅಂಕಗಳೊಂದಿಗೆ ಕೊನೆಯ ಸ್ಥಾನದಲ್ಲಿದ್ದಾರೆ.

ಜಡೇಜಾ 2ನೇ ಟೆಸ್ಟ್'ನ ಮೊದಲ ಇನ್ನಿಂಗ್ಸ್'ನಲ್ಲಿ 6 ವಿಕೇಟ್ ಪಡೆದಿದ್ದರೆ ಅಶ್ವಿನ್ ದ್ವಿತೀಯ ಇನ್ನಿಂಗ್ಸ್'ನಲ್ಲಿ 6 ವಿಕೇಟ್ ಪಡೆದು ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಎರಡೂ ಇನ್ನಿಂಗ್ಸ್'ನಲ್ಲಿಯೂ ಕಳಪೆ ಪ್ರದರ್ಶನ ನೀಡಿದರೂ ನಾಯಕ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ರಾಂಕಿಂಗ್'ನಲ್ಲಿ 847 ಅಂಕದೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ. ಟೀಂ ಇಂಡಿಯಾದ ಮತ್ತೊಬ್ಬ ಬ್ಯಾಟ್ಸ್'ಮೆನ್ ಚೇತೇಶ್ವರ ಪೂಜಾರ 793 ಅಂಕ ಪಡೆದು 6ನೇ ಸ್ಥಾನ ಪಡೆದಿದ್ದಾರೆ. ಮೊದಲ ಸ್ಥಾನದಲ್ಲಿ ಕಾಂಗುರೊ ತಂಡದ ನಾಯಕ ಸ್ಟಿವನ್ ಸ್ಮಿತ್'ಗೆ ಲಭಿಸಿದೆ.