2019ರ ಐಪಿಎಲ್ ಟೂರ್ನಿ ಮುನ್ನವೇ ಆರ್ಸಿಬಿ ಎಡವಟ್ಟು!
ಸಾರಾಂಶ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ 2019ರ ಐಪಿಎಲ್ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ. ಆದರೆ ಟೂರ್ನಿ ಆರಂಭಕ್ಕೂ ಮುನ್ನವೇ ಆರ್ಸಿಬಿ ಎರಡು ತಪ್ಪು ಮಾಡಿದೆ. ಅಷ್ಟಕ್ಕೂ ಆರ್ಸಿಬಿ ಮಾಡಿದ ತಪ್ಪೇನು? ಇಲ್ಲಿದೆ ಹೆಚ್ಚಿನ ವಿವರ.
ಬೆಂಗಳೂರು(ನ.19): 2019ರ ಐಪಿಎಲ್ ಟೂರ್ನಿಗೆ ತಯಾರಿ ಆರಂಭಿಸಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ತಂಡದಲ್ಲಿ ಕೆಲ ಬದಲಾವಣೆ ಮಾಡಿದೆ. ಆದರೆ ಇದೀಗ ಈ ಬದಲಾವಣೆ ವಿರುದ್ದ ಅಸಮಧಾನ ವ್ಯಕ್ತವಾಗಿದೆ. ಆಟಗಾರರ ರಿಟೈನ್ ಹಾಗೂ ರಿಲೀಸ್ನಲ್ಲಿ ತಪ್ಪು ಮಾಡಿದೆ ಅನ್ನೋ ಮಾತುಗಳು ಕೇಳಿಬಂದಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಮೊದಲ ತಪ್ಪು ಪವನ್ ನೇಗಿಯನ್ನ ತಂಡದಲ್ಲಿ ಉಳಿಸಿಕೊಂಡಿದ್ದು. 2018ರಲ್ಲಿ ಆರ್ಸಿಬಿ ಪರ ಕೇವಲ 2 ಪಂದ್ಯ ಆಡಿದ ಪವನ್ ನೇಗಿ ಕೇವಲ 1 ವಿಕೆಟ್ ಕಬಳಿಸಿದ್ದಾರೆ. ಇನ್ನು 2016ರಲ್ಲಿ ಡೆಲ್ಲಿ ಡೇರ್ಡೆವಿಲ್ಸ್ ತಂಡ ಬರೋಬ್ಬರಿ 8.5 ಕೋಟಿ ರೂಪಾಯಿ ನೀಡಿ ಪವನ್ ನೇಗಿ ಖರೀದಿ ಮಾಡಿತ್ತು. ಆದರೆ 8 ಪಂದ್ಯದಿಂದ ಪವನ್ ನೇಗಿ ಗಳಿಸಿದ್ದು 1 ವಿಕೆಟ್ ಮಾತ್ರ.
ಕಳಪೆ ಪ್ರದರ್ಶನ ಹಾಗೂ ಇದುವರೆಗೂ ಇಂಪಾಕ್ಟ್ ಪ್ರದರ್ಶನ ನೀಡಿದ ಪವನ್ ನೇಗಿಯನ್ನ ಉಳಿಸಿಕೊಂಡಿರುವ ಆರ್ಸಿಬಿ, ವಿದೇಶಿ ಕ್ರಿಕೆಟಿಗ ಕ್ರಿಸ್ ವೋಕ್ಸ್ರನ್ನ ಕೈಬಿಟ್ಟಿದೆ. ಆಲ್ರೌಂಡ್ ಪ್ರದರ್ಶನ ನೀಡಿರುವ ಕ್ರಿಸ್ ವೋಕ್ಸ್ ಇತ್ತೀಚೆಗೆ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಆದರೆ ವೋಕ್ಸ್ರನ್ನ ಉಳಿಸಿಕೊಂಡಿಲ್ಲ. ಈ ಎರಡು ನಿರ್ಧಾರಗಳು ಆರ್ಸಿಬಿಗೆ ಹೊಡೆತ ನೀಡಲಿದೆ ಅನ್ನೋ ಮಾತು ಬಲವಾಗಿ ಕೇಳಿಬರುತ್ತಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.