ಭಾರತದ ವನಿತೆಯರ ಹಾಕಿ ತಂಡ ಮಲೇಷ್ಯಾ ವಿರುದ್ಧ 4-0 ಅಂತರದಲ್ಲಿ ಸರಣಿ ಜಯಿಸಿದೆ. ಈ ಮೂಲಕ ಒಲಿಂಪಿಕ್ಸ್‌ ಅರ್ಹತಾ ಸುತ್ತಿಗೂ ಮೊದಲು ಈ ಸರಣಿ ಜಯ, ತಂಡದ ಆತ್ಮವಿಶ್ವಾಸ ಹೆಚ್ಚಿಸಿದೆ.
ಕೌಲಾಲಂಪುರ[ಏ.12]: ಭಾರತ ಮಹಿಳಾ ಹಾಕಿ ತಂಡ, ಮಲೇಷ್ಯಾ ಪ್ರವಾಸವನ್ನು ಅಜೇಯವಾಗಿ ಮುಕ್ತಾಯಗೊಳಿಸಿದೆ.
FT: 🇲🇾 0-1 🇮🇳
A solitary goal by Navjot in the 35th minute steered India over the line in another low-scoring match! With that India seal the bilateral series 4⃣-0⃣! pic.twitter.com/H9vWOzHdCm
ಗುರುವಾರ ನಡೆದ 5ನೇ ಹಾಗೂ ಅಂತಿಮ ಪಂದ್ಯವನ್ನು 1-0 ಗೋಲುಗಳಿಂದ ಗೆಲ್ಲುವ ಮೂಲಕ, ಸರಣಿಯನ್ನು 4-0 ಅಂತರದಲ್ಲಿ ಭಾರತ ತನ್ನದಾಗಿಸಿಕೊಂಡಿತು. ಒಲಿಂಪಿಕ್ಸ್‌ ಅರ್ಹತಾ ಸುತ್ತಿಗೂ ಮೊದಲು ಈ ಸರಣಿ ಜಯ, ತಂಡದ ಆತ್ಮವಿಶ್ವಾಸ ಹೆಚ್ಚಿಸಿದೆ. ಗುರುವಾರದ ಪಂದ್ಯದಲ್ಲಿ ಭಾರತ ಪರ ನವ್‌ಜೋತ್‌ ಕೌರ್‌ 35ನೇ ನಿಮಿಷದಲ್ಲಿ ಗೋಲು ಬಾರಿಸಿದರು.
ಮೊದಲ ಪಂದ್ಯದಲ್ಲಿ 3-0ಯಿಂದ ಗೆದ್ದಿದ್ದ ಭಾರತ, 2ನೇ ಪಂದ್ಯದಲ್ಲಿ 5-0ಯಿಂದ ಜಯಸಿತ್ತು. 3ನೇ ಪಂದ್ಯವನ್ನು 4-4ರಲ್ಲಿ ಡ್ರಾ ಮಾಡಿಕೊಂಡಿದ್ದ ತಂಡ, 4ನೇ ಪಂದ್ಯವನ್ನು 1-0 ಗೋಲಿನಿಂದ ಜಯಿಸಿತ್ತು.
ಮತದಾನ ನಮ್ಮ ಹಕ್ಕು... ಪ್ರಜಾಪ್ರಭುತ್ವದ ಉತ್ಸವವನ್ನು ಯಶಸ್ವಿಗೊಳಿಸೋಣ...