ವಿಶ್ವಕಪ್ ಕಬಡ್ಡಿ: ಸೆಮಿಫೈನಲ್'ಗೆ ಕಾಲಿಟ್ಟ ಭಾರತ

25 ಅಂಕ​ಗ​ಳಿ​ಸಿ​ರುವ ದಕ್ಷಿಣ ಕೊರಿ​ಯಾದ ಈ ವಿಭಾ​ಗ​ದಲ್ಲಿ ಅಗ್ರ​ಸ್ಥಾ​ನ​ದ​ಲ್ಲಿದ್ದು, ಭಾರ​ತ​ದೊಂದಿಗೆ ಈ ಗುಂಪಿ​ನಿಂದ ಸೆಮಿ​ಫೈ​ನಲ್‌ ಪ್ರವೇ​ಶಿ​ಸಿದ ಮತ್ತೊಂದು ತಂಡ​ವಾ​ಗಿದೆ.

ಅಹ್ಮ​ದಾ​ಬಾ​ದ್‌: ಪ್ರಮುಖ ಆಟ​ಗಾ​ರ​ರಾದ ಪ್ರದೀಪ್‌ ನರ್ವಾಲ್‌ ಅವರ 13 ಅಂಕ ಹಾಗೂ ಅಜಯ್‌ ಠಾಕೂರ್‌ ಅವರ 11 ಅಂಕ​ಗಳ ನೆರ​ವಿ​ನಿಂದಾಗಿ, ಮಂಗ​ಳ​ವಾರ ನಡೆದ ವಿಶ್ವ ಕಬಡ್ಡಿ ಪಂದ್ಯಾ​ವ​ಳಿಯ ತನ್ನ ಮಹ​ತ್ವದ ಪಂದ್ಯ​ದಲ್ಲಿ ಇಂಗ್ಲೆಂಡ್‌ ತಂಡ​ವನ್ನು 69-18 ಅಂಕ​ಗಳ ಅಂತ​ರ​ದಲ್ಲಿ ಮಣಿ​ಸಿದ ಭಾರತ, ಪಂದ್ಯಾ​ವ​ಳಿಯ ಸೆಮಿ​ಫೈ​ನ​ಲ್‌'ಗೆ ಕಾಲಿ​ಟ್ಟಿದೆ. 
ಅಲ್ಲಿನ ಟ್ರಾನ್ಸ್‌'ಸ್ಟೇಡಿ​ಯಾ​ದಲ್ಲಿ ನಡೆದ ಪಂದ್ಯದಲ್ಲಿ ನೆರೆ​ದಿದ್ದ ಪ್ರೇಕ್ಷ​ಕ​ರಲ್ಲಿ ಹುರುಪು ತುಂಬಿ​ಸು​ವಂಥ ಪ್ರದ​ರ್ಶನ ನೀಡಿದ ಭಾರತ, ಈ ಗೆಲ​ವಿ​ನೊಂದಿಗೆ ಟೂರ್ನಿಯ ಅಂಕ​ಪ​ಟ್ಟಿ​ಯಲ್ಲಿ ತಾನಿ​ರುವ ಎ ಗುಂಪಿನಲ್ಲಿ ದ್ವಿತೀಯ ಸ್ಥಾನ​ಕ್ಕೇ​ರಿದೆ. ಈವ​ರೆಗೆ ಐದು ಪಂದ್ಯ​ಗ​ಳ​ನ್ನಾ​ಡಿ​ರುವ ಅದು, 4 ಗೆಲವು, 1 ಸೋಲು ಕಂಡು ಒಟ್ಟಾರೆ 21 ಅಂಕ​ಗ​ಳನ್ನು ಪೇರಿ​ಸಿದೆ. 25 ಅಂಕ​ಗ​ಳಿ​ಸಿ​ರುವ ದಕ್ಷಿಣ ಕೊರಿ​ಯಾದ ಈ ವಿಭಾ​ಗ​ದಲ್ಲಿ ಅಗ್ರ​ಸ್ಥಾ​ನ​ದ​ಲ್ಲಿದ್ದು, ಭಾರ​ತ​ದೊಂದಿಗೆ ಈ ಗುಂಪಿ​ನಿಂದ ಸೆಮಿ​ಫೈ​ನಲ್‌ ಪ್ರವೇ​ಶಿ​ಸಿದ ಮತ್ತೊಂದು ತಂಡ​ವಾ​ಗಿದೆ. 
ಪಂದ್ಯದ ಆರಂಭ​ದಲ್ಲೇ ಭಾರ​ತೀಯ ಮೂಲದ ಸೋಮ​ಶೇ​ಖರ್‌ ಕಾಲಿಯಾ ಅವರು, ಇಂಗ್ಲೆಂಡ್‌ ತಂಡಕ್ಕೆ 2 ಅಂಕ​ಗ​ಳನ್ನು ತಂದಿ​ತ್ತರು. ಆದರೆ, ಮೂರನೇ ನಿಮಿ​ಷ​ದಲ್ಲಿ ಭಾರ​ತ ಪಾಳ​ಯದ ಸಂದೀಪ್‌ ನರ್ವಾಲ್‌ ಒಂದು ಸೂಪರ್‌ ರೈಡ್‌ ನಡೆಸಿ ಭಾರ​ತಕ್ಕೆ ಒಮ್ಮೆಲೇ ಐದು ತಂದು​ಕೊ​ಟ್ಟರು. ಅಂತೆಯೇ, ಆರನೇ ನಿಮಿ​ಷ​ದಲ್ಲಿ ಎದು​ರಾ​ಳಿ​ಗ​ಳನ್ನು ಆಲೌಟ್‌ ಮಾಡಿದ ಭಾರತ, ತನ್ನ ಅಂಕಗಳ ಅಂತ​ರ​ವನ್ನು 12-3ಕ್ಕೆ ಹೆಚ್ಚಿ​ಸಿ​ಕೊಂಡಿತು. 
ಈ ಹಂತ​ದಲ್ಲಿ ಭಾರ​ತಕ್ಕೆ ನೆರ​ವಾದ ರೈಡರ್‌ ಪ್ರದೀಪ್‌ ನರ್ವಾಲ್‌, ಮತ್ತೆ​ರಡು ಅಂಕ​ಗ​ಳನ್ನು ತರುವ ಮೂಲಕ ಈ ಅಂತ​ರ​ವನ್ನು 14-3ಕ್ಕೆ ಹೆಚ್ಚಿ​ಸಿ​ದರು. ಅಲ್ಲಿ ಮಿಂಚಿ​ದ ಸಂದೀಪ್‌ ನರ್ವಾಲ್‌ ಕೇವಲ 13 ನಿಮಿ​ಷ​ಗ​ಳಲ್ಲಿ ಭಾರ​ತಕ್ಕೆ 13 ಅಂಕ​ಗ​ಳನ್ನು ತಂದು​ಕೊ​ಟ್ಟರು. 16ನೇ ನಿಮಿ​ಷ​ದಲ್ಲಿ ಭಾರತ, ಇಂಗ್ಲೆಂಡ್‌ ತಂಡ​ವನ್ನು ಮತ್ತೊಮ್ಮೆ ಆಲೌಟ್‌ ಮಾಡುವ ಮೂಲಕ ತನ್ನ ಅಂಕ​ಗಳ ಅಂತ​ರ​ವನ್ನು 35-5ಕ್ಕೆ ಹೆಚ್ಚಿ​ಸಿ​ಕೊಂಡಿತು. ಇನ್ನು, 20ನೇ ನಿಮಿ​ಷ​ದಲ್ಲಿ ಇಂಗ್ಲೆಂಡ್‌ ತಂಡ​ವನ್ನು ಮತ್ತೆ ಆಲೌಟ್‌ ಮಾಡಿದ ಭಾರತ 45-6 ಅಂಕಗಳ ಅಂತರ ಹೆಚ್ಚಿ​ಸಿ​ಕೊ​ಳ್ಳುವ ಮೂಲಕ ಪಂದ್ಯ​ದಲ್ಲಿ ಸಂಪೂರ್ಣ ಪ್ರಭುತ್ವ ಸಾಧಿ​ಸಿತು. ಹೀಗೆ, ಸಾಗಿದ ಭಾರ​ತದ ರೋಚಕ ಪ್ರದ​ರ್ಶ​ನದ ಮುಂದೆ ಮಂಕಾದ ಇಂಗ್ಲೆಂಡ್‌, ಕೊನೆಗೂ ಸೋಲೊ​ಪ್ಪಿ​ಕೊಂಡಿತು.
ಕೀನ್ಯಾ ಕನಸು ಜೀವಂತ: ದಿನದ ಮತ್ತೊಂದು ಪಂದ್ಯ​ದಲ್ಲಿ ಅಮೆ​ರಿಕ ತಂಡದ ವಿರುದ್ಧ 74-19 ಅಂಕ​ಗಳ ಭಾರೀ ಅಂತ​ರ​ದ ಗೆಲುವು ಸಾಧಿಸಿದ ಕೀನ್ಯಾ, ತನ್ನ ಸೆಮಿಫೈನಲ್‌ ಕನ​ಸನ್ನು ಜೀವಂತವಾಗಿಟ್ಟಿತು.

(ಕೃಪೆ: ಕನ್ನಡಪ್ರಭ)