ಭಾರತ ಹಾಗೂ ಅಫ್ಘಾನಿಸ್ತಾನ ನಡುವಿನ ಟೆಸ್ಟ್ ಪಂದ್ಯದಲ್ಲಿ ಹಲವು ದಾಖಲೆಗಳ ನಿರ್ಮಾಣವಾಗಿದೆ. ಗೆಲುವಿನ ಅಂತರದಲ್ಲಿ ಭಾರತ ಹೊಸ ರೆಕಾರ್ಡ್ ಮಾಡಿದೆ. ಆದೇನು? ಇಲ್ಲಿದೆ ವಿವರ
ಬೆಂಗಳೂರು(ಜೂ.15): ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಭಾರತ ಹಾಗೂ ಅಫ್ಘಾನಿಸ್ತಾನ ನಡುವಿನ ಐತಿಹಾಸಿಕ ಟೆಸ್ಟ್ ಪಂದ್ಯದಲ್ಲಿ ಟೀಮ್ಇಂಡಿಯಾ ದಾಖಲೆಗಳ ಸುರಿಮಳೆ ಸುರಿಸಿದೆ. ಇತ್ತ ಅಫ್ಘಾನಿಸ್ತಾನ ಕೂಡ ಕೆಲವು ದಾಖಲೆ ಬರೆದಿದೆ.
ಭಾರತಕ್ಕೆ ಗರಿಷ್ಠ ಗೆಲುವಿನ ದಾಖಲೆ
| ಗೆಲುವು | ಎದುರಾಳಿ | ವರ್ಷ |
| ಇನ್ನಿಂಗ್ಸ್ ಹಾಗೂ 262ರನ್ | ಅಫ್ಘಾನಿಸ್ತಾನ | 2018 |
| ಇನ್ನಿಂಗ್ಸ್ ಹಾಗೂ 239 ರನ್ | ಬಾಂಗ್ಲಾದೇಶ | 2007 |
| ಇನ್ನಿಂಗ್ಸ್ ಹಾಗೂ 239 ರನ್ | ಶ್ರೀಲಂಕಾ | 2017 |
| ಇನ್ನಿಂಗ್ಸ್ ಹಾಗೂ 219ರನ್ | ಆಸ್ಟ್ರೇಲಿಯಾ | 1998 |
ಭಾರತ ಮೊದಲ ಇನ್ನಿಂಗ್ಸ್‌ನಲ್ಲಿ 474 ರನ್ ಸಿಡಿಸಿ ಆಲೌಟ್ ಆಗಿತ್ತು. ಆದರೆ ಅಫ್ಘಾನಿಸ್ತಾನ ಮೊದಲ ಇನ್ನಿಂಗ್ಸ್‌ನಲ್ಲಿ 109 ಹಾಗೂ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 103 ರನ್‌ಗಳಿಗೆ ಆಲೌಟ್ ಆಗೋ ಮೂಲಕ ಸೋಲಿಗೆ ಶರಣಾಯಿತು. ಈ ಮೂಲಕ ಭಾರತ ಇನ್ನಿಂಗ್ಸ್ ಹಾಗೂ 262 ರನ್‌ಗಳ ಭರ್ಜರಿ ಗೆಲುವು ಸಾಧಿಸಿ ದಾಖಲೆ ಬರೆಯಿತು.