ಭಾರತ-ಆಸ್ಟ್ರೇಲಿಯಾ ಒಂಡೇ ಸರಣಿ ಅಲ್ಲ, ಹ್ಯಾಟ್ರಿಕ್ ಸರಣಿ!: ಪ್ರತಿ ಪಂದ್ಯದಲ್ಲೂ ಆಗಿದೆ ಹ್ಯಾಟ್ರಿಕ್ ಕಮಾಲ್..!

ಭಾರತ-ಆಸ್ಟ್ರೇಲಿಯಾ ಸರಣಿ ಹಲವು ವಿಶೇಷತೆಗಳಿಂದ ಕೂಡಿದೆ. ಆದರೆ ಒಂದು ದಾಖಲೆ ಮಾತ್ರ ಎಲ್ಲಾ ಪಂದ್ಯದಲ್ಲೂ ಆಗುತ್ತೆ. ಕಳೆದ 4 ಪಂದ್ಯದಲ್ಲೂ ಆ ರೆಕಾರ್ಡ್​ ಆಗಿದೆ. ಆ ದಾಖಲೆ 5ನೇ ಪಂದ್ಯದಲ್ಲೂ ಆಗುತ್ತಾ ಅನ್ನೋ ಕುತೂಹಲವಿದೆ. ಆ ರೆಕಾರ್ಡ್ ​ಯಾವ್ದು ಗೊತ್ತಾ..?

ಭಾರತ-ಆಸ್ಟ್ರೇಲಿಯಾ ಒಂಡೇ ಸಿರೀಸ್ ಅನ್ನೋದಕ್ಕಿಂತ ಹ್ಯಾಟ್ರಿಕ್ ಸಿರೀಸ್ ಅಂದ್ರೆ ಉತ್ತಮ. ಯಾಕಂದ್ರೆ ಆಡಿರುವ 4 ಪಂದ್ಯದಲ್ಲೂ ಹ್ರಾಟ್ರಿಕ್ ಸಾಧನೆಗಳಾಗಿವೆ. ಪ್ರತಿ ಪಂದ್ಯದಲ್ಲೂ ಒಂದಲ್ಲ ಒಂದು ಹ್ಯಾಟ್ರಿಕ್ ದಾಖಲೆ ನಿರ್ಮಾಣವಾಗಿದೆ. ಹೀಗಾಗಿಯೇ ಎಲ್ಲರೂ ಈ ಸರಣಿಯನ್ನ ಹ್ಯಾಟ್ರಿಕ್ ಸರಣಿ ಅಂತ ಕರಿತಿದ್ದಾರೆ. ಹ್ಯಾಟ್ರಕ್​ನಿಂದಲೇ ಈ ಸಿರೀಸ್ ಫೇಮಸ್ ಆಗಿದೆ.

ಚೆನ್ನೈನಲ್ಲಿ ನಡೆದ ಮೊದಲ ಪಂದ್ಯದಲ್ಲೇ ಹ್ಯಾಟ್ರಿಕ್ ಆಯ್ತು. ಆಲ್​ರೌಂಡರ್ ಹಾರ್ದಿಕ್ ಪಾಂಡ್ಯ ಆಸೀಸ್ ಸ್ಪಿನ್ನರ್ ಆಡಂ ಜಂಪಾಗೆ ಹ್ಯಾಟ್ರಿಕ್ ಸಿಕ್ಸ್ ಸಿಡಿಸಿದ್ರು. ಜಂಪಾ ಬೌಲಿಂಗ್​ನಲ್ಲಿ ಬ್ಯಾಕ್ ಟು ಬ್ಯಾಕ್ ಮೂರು ಸಿಕ್ಸ್ ಸಿಡಿಸಿ ಪಾಂಡ್ಯ, ಕಾಂಗರೂಗಳನ್ನ ಹಿಂಡಿ ಹಿಪ್ಪೆಕಾಯಿ ಮಾಡಿದ್ದರು. ಈ ಮೂಲ್ಕ ಏಕದಿನ ಕ್ರಿಕೆಟ್​ನಲ್ಲಿ 4ನೇ ಸಲ ಹ್ಯಾಟ್ರಿಕ್ ಸಿಕ್ಸ್​ ಸಿಡಿಸಿದ ಸಾಧನೆಯನ್ನೂ ಮಾಡಿದ್ದರು.

2ನೇ ಪಂದ್ಯ - ಕುಲ್​ದೀಪ್ ಹ್ಯಾಟ್ರಿಕ್ ವಿಕೆಟ್

ಭಾರತದ ಕ್ರಿಕೆಟ್ ಕಾಶಿಯಲ್ಲಿ ಚೈನಾಮ್ಯಾನ್ ಸ್ಪಿನ್ನರ್ ಕುಲ್​ದೀಪ್ ಯಾದವ್ ಹ್ಯಾಟ್ರಿಕ್ ವಿಕೆಟ್ ಪಡೆದು ಸಂಭ್ರಮಿಸಿದ್ದರು. ಮ್ಯಾಥ್ಯೂ ವೇಡ್, ಅಸ್ಟನ್ ಅಗರ್ ಮತ್ತು ಪ್ಯಾಟ್ ಕಮ್ಮಿನ್ಸ್ ವಿಕೆಟ್ ಪಡೆದಿದ್ದರು. ಈ ಮೂಲಕ ಒಂಡೇ ಕ್ರಿಕೆಟ್​ನಲ್ಲಿ ಹ್ಯಾಟ್ರಿಕ್ ವಿಕೆಟ್​ ಪಡೆದ ಭಾರತದ 3ನೇ ಬೌಲರ್ ಎನಿಸಿದ್ದರು. ಅಷ್ಟೇ ಅಲ್ಲ ಅಂಡರ್​-19 ಮತ್ತು ಸೀನಿಯರ್ ಟೀಮ್​ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ ಮೊದಲ ಬೌಲರ್ ಎಂಬ ಕೀರ್ತಿಗೆ ಪಾತ್ರರಾಗಿದ್ದರು.

ಇಂದೋರ್​ನಲ್ಲಿ ನಡೆದ 3ನೇ ಪಂದ್ಯದಲ್ಲಿ ಮೂರು ಹ್ಯಾಟ್ರಿಕ್ ಸಾಧನೆಗಳಾದ್ವು. ಯುಜವೆಂದ್ರ ಚಹಲ್ ಸತತ ಮೂರನೇ ಪಂದ್ಯದಲ್ಲೂ ಗ್ಲೇನ್ ಮ್ಯಾಕ್ಸ್​ವೆಲ್ ವಿಕೆಟ್ ಪಡೆದು ಹ್ಯಾಟ್ರಿಕ್ ಸಾಧಿಸಿದ್ರು. ಮ್ಯಾಕ್ಸ್​ವೆಲ್​ಗೆ ಚಹಲ್ ಫೋಬಿಯಾ ಇದೆ ಅನ್ನೋದು ಸಾಬೀತಾಯ್ತು.ಇನ್ನು ಆಸ್ಟ್ರೇಲಿಯಾ ವಿರುದ್ಧ ಟೀಂ ಇಂಡಿಯಾ ಹ್ಯಾಟ್ರಿಕ್ ಜಯ ಸಾಧಿಸ್ತು. ಅಷ್ಟೇ ಅಲ್ಲ, ಒಟ್ಟಾರೆ ಟೀಂ ಇಂಡಿಯಾಗೆ ಸತತ 9ನೇ ಜಯ ಇದಾಗಿತ್ತು. ತ್ರಿಬಲ್ ಹ್ಯಾಟ್ರಿಕ್ ಸಾಧಿಸಿ ಭಾರತೀಯರು ಸಂಭ್ರಮಿಸಿದ್ದರು.

4ನೇ ಪಂದ್ಯ - ರಹಾನೆ ಹ್ಯಾಟ್ರಿಕ್​ ಅರ್ಧಶತಕ

ಬೆಂಗಳೂರಿನಲ್ಲಿ ನಡೆದ 4ನೇ ಪಂದ್ಯದಲ್ಲಿ ಟೀಂ ಇಂಡಿಯಾ ಸೋತ್ರೂ ಹ್ಯಾಟ್ರಿಕ್ ಸಾಧನೆ ಮಾತ್ರ ನಿಲ್ಲಲಿಲ್ಲ. ಅಜಿಂಕ್ಯಾ ರಹಾನೆ ಚೆನ್ನೈನಲ್ಲಿ ವಿಫಲರಾಗಿ ಭಾರೀ ನಿರಾಸೆ ಅನುಭವಿಸಿದ್ರು. ಆದ್ರೆ ಉಳಿದ ಮೂರು ಪಂದ್ಯದಲ್ಲೂ ಮೂರು ಹಾಫ್ ಸೆಂಚುರಿ ಬಾರಿಸಿದ್ರು. ಈ ಮೂಲ್ಕ ಹ್ಯಾಟ್ರಿಕ್ ಅರ್ಧಶತಕ ದಾಖಲಿಸಿದ ಕೀರ್ತಿಗೆ ಪಾತ್ರರಾದ್ರು.

5ನೇ ಪಂದ್ಯದಲ್ಲೂ ಆಗುತ್ತಾ ಹ್ಯಾಟ್ರಿಕ್..?

ಇಂದು ನಾಗ್ಪುರದಲ್ಲಿ ಭಾರತ-ಆಸೀಸ್ 5ನೇ ಹಾಗೂ ಕೊನೆ  ಫೈಟ್ ನಡೆಸ್ತಿವೆ. ಕಳೆದ ನಾಲ್ಕು ಪಂದ್ಯದಲ್ಲೂ ಒಂದಲ್ಲ ಒಂದು ಹ್ಯಾಟ್ರಿಕ್ ಸಾಧನೆಗಳಾಗಿವೆ. ಈ ಪಂದ್ಯದಲ್ಲೂ ಹ್ಯಾಟ್ರಿಕ್ ಆಗುತ್ತಾ..? ಆ ಹ್ಯಾಟ್ರಿಕ್ ಸಾಧನೆ ಮಾಡೋಱರು..? ಈ ಕುತೂಹಲಕ್ಕೆ ಇನ್ನು ಕೆಲವೇ ಗಂಟೆಗಳಲ್ಲಿ ತೆರೆ ಬೀಳಲಿದೆ.