ದುಬೈ(ಸೆ.22): ಪ್ರತಿ ವರ್ಷ ಐಸಿಸಿ ಕೊಡುವ ಟೆಸ್ಟ್ ಚಾಂಪಿಯನ್ ಪಟ್ಟ ಈ ಬಾರಿ ಕೊಂಚದರಲ್ಲಿ ಭಾರತದ ಕೈ ಜಾರಿದ್ದು ಈ ಹಿನ್ನಲೆಯಲ್ಲಿ ಐಸಿಸಿ ಟೆಸ್ಟ್ ಚಾಂಪಿಯನ್ಷಿಪ್ ರಾಜ ದಂಡ ಈ ಸಲ ಪಾಕ್ ಪಾಲಾಗಿದೆ.
ಕೊಹ್ಲಿ ಹೆಗಲು ಏರ ಬೇಕಿದ್ದ 'ಗದೆ' ಪಾಕಿಸ್ತಾನದ ಕೈಸೇರಿದೆ. ಇದೇ ಮೊದಲ ಭಾರಿಗೆ ಪಾಕಿಸ್ತಾನಕ್ಕೆ ಈ ಗೌರವ ಸಿಕ್ಕಿದ್ದು, ಟೆಸ್ಟ್ ತಂಡದ ನಾಯಕ ಮಿಸ್ಬಾ ಉಲ್ ಹಕ್ ರಾಜ ದಂಡವನ್ನು ಸ್ವೀಕರಿಸಿದ್ದಾರೆ.
ಪ್ರತಿ ವರ್ಷವೂ ನಂಬರ್ ಈ ಸಮಯಕ್ಕೆ ಟೆಸ್ಟ್ನಲ್ಲಿ ನಂಬರ್ 1 ಸ್ಥಾನವನ್ನು ಅಲಂಕರಿಸುವ ತಂಡಕ್ಕೆ ಟೆಸ್ಟ್ ಚಾಂಪಿಯನ್ಷಿಪ್ ದಂಡವನ್ನು ನೀಡುತ್ತಾ ಬಂದಿದೆ. ಕೆಲವೇ ದಿನಗಳ ಹಿಂದೆ ನಂಬರ್ 1 ಪಟ್ಟ ಅಲಂಕರಿಸಿದ್ದ ಪಾಕ್ಗೆ ಈ ಗೌರವ ಸಿಕ್ಕಿದೆ.
ಭಾರತ ತಂಡ ಮಳೆಯ ಕಾರಣದಿಂದ ವೆಸ್ಟ್ ಇಂಡಿಸ್ ವಿರುದ್ಧ ಕೊನೆಯ ಪಂದ್ಯದವನ್ನು ಡ್ರಾ ಮಾಡಿಕೊಂಡ ಪರಿಣಾಮ ಮೊದಲ ಸ್ಥಾನದಿಂದ ಕೆಳಗೆ ಇಳಿಯ ಬೇಕಾಯಿತು. ಇನ್ನು ಪಾಕಿಸ್ತಾನ ಇಂಗ್ಲೆಂಡ್ ವಿರುದ್ಧ ಪಂದ್ಯವನ್ನು ಗೆದ್ದು ಮೊದಲ ಸ್ಥಾನ ಅಲಂಕರಿಸಿತ್ತು.