ಮೆಗ್ರಾತ್ ಮಹಾನ್ ಬೌಲರ್: ದ ವಾಲ್
ಸಾರಾಂಶ
ಮೆಗ್ರಾತ್ 124 ಟೆಸ್ಟ್ ಪಂದ್ಯಗಳಲ್ಲಿ 563 ವಿಕೆಟ್ ಕಬಳಿಸಿದ್ದರೆ, 250 ಏಕದಿನ ಪಂದ್ಯಗಳನ್ನಾಡಿ 381 ಬಾರಿ ಬ್ಯಾಟ್ಸ್'ಮನ್'ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದ್ದಾರೆ.
ಮುಂಬೈ: ತನ್ನ ವೃತ್ತಿಬದುಕಿನಲ್ಲಿ ಅತ್ಯಂತ ಅಪಾಯಕಾರಿ ಬೌಲರ್ ಆಗಿ ಪರಿಣಮಿಸಿದ್ದು ಆಸ್ಟ್ರೇಲಿಯಾದ ಗ್ಲೆನ್ ಮೆಗ್ರಾತ್ ಎಂದು ಭಾರತ ತಂಡದ ಮಾಜಿ ನಾಯಕ ರಾಹುಲ್ ದ್ರಾವಿಡ್ ಹೇಳಿದ್ದಾರೆ.
‘‘ನನ್ನ ತಲೆಮಾರಿನಲ್ಲಿ ವಿಶ್ವ ಕ್ರಿಕೆಟ್'ನ ಪ್ರಚಂಡ ತಂಡವೆಂದರೆ ಅದು ಆಸ್ಟ್ರೇಲಿಯಾ. ಕಾಂಗರೂ ಪಡೆಯಲ್ಲಿನ ಪ್ರಭಾವಿ ಬೌಲರ್ಗಳಲ್ಲೇ ಅತ್ಯಂತ ಶ್ರೇಷ್ಠ ವೇಗದ ಬೌಲರ್ ಎಂದರೆ ಮೆಗ್ರಾತ್. ಆಫ್ ಸ್ಟಂಪ್'ನಲ್ಲಿ ಅವರಷ್ಟು ಪ್ರಭಾವಿಯಾಗಿ ಬೌಲ್ ಮಾಡುವ ಮತ್ತೊಬ್ಬ ಚಾಣಾಕ್ಷ ಬೌಲರ್ನನ್ನು ನಾನು ಕಂಡಿಲ್ಲ. ಬೌಲಿಂಗ್'ನಲ್ಲಿನ ಅವರ ನಿಖರತೆ ವಿಸ್ಮಯ ತರಿಸುವಂಥದ್ದು. ಬೆಳಗಿನ ಒಂದು ತಾಸಿನ ಅವಧಿಯಲ್ಲಿ ಹಾಗೂ ಮಧ್ಯಾಹ್ನದ ಕಡೇ ಭಾಗ ಇಲ್ಲವೇ ಸಂಜೆಯ ವೇಳೆ ಅವರು ಬ್ಯಾಟ್ಸ್'ಮನ್ಗಳಿಗೆ ದುಃಸ್ವಪ್ನವಾಗುತ್ತಿದ್ದರು’’ ಎಂದು 164 ಟೆಸ್ಟ್ಗಳಿಂದ 13288 ರನ್ ಕಲೆಹಾಕಿರುವ ದ ವಾಲ್ ಖ್ಯಾತಿಯ ದ್ರಾವಿಡ್ ಹೇಳಿದ್ದಾರೆ.
ಗ್ಲೇನ್ ಮೆಗ್ರಾತ್ ಕ್ರಿಕೆಟ್ ಇತಿಹಾಸ ಕಂಡ ಶ್ರೇಷ್ಟ ಬೌಲರ್'ಗಳಲ್ಲಿ ಎಂದು ಗುರುತಿಸಿಕೊಂಡಿದ್ದಾರೆ. ಮೆಗ್ರಾತ್ 124 ಟೆಸ್ಟ್ ಪಂದ್ಯಗಳಲ್ಲಿ 563 ವಿಕೆಟ್ ಕಬಳಿಸಿದ್ದರೆ, 250 ಏಕದಿನ ಪಂದ್ಯಗಳನ್ನಾಡಿ 381 ಬಾರಿ ಬ್ಯಾಟ್ಸ್'ಮನ್'ಗಳಿಗೆ ಪೆವಿಲಿಯನ್ ಹಾದಿ ತೋರಿಸಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.