ಬ್ಯಾಡ್ಮಿಂಟನ್ ಅಂಕ ಗಳಿಕೆ ಪದ್ದತಿಯಲ್ಲಿ ಬದಲಾವಣೆ..?
ಸಾರಾಂಶ
ಪ್ರಸ್ತುತ ಇರುವ 21 ಅಂಕಗಳ 3 ಗೇಮ್ ಬದಲಾಗಿ, 11 ಅಂಕಗಳ 5 ಗೇಮ್ ನಡೆಸಲು ಬ್ಯಾಡ್ಮಿಂಟನ್ ಸಂಸ್ಥೆ ಪ್ರಸ್ತಾಪಿಸಿದೆ. ಸದ್ಯ ಗೇಮ್ ಗೆಲ್ಲಲು 2 ಅಂಕಗಳ ವ್ಯತ್ಯಾಸ ಹೊಂದಿರಬೇಕು. ಆದರೆ ಹೊಸ ಮಾದರಿಯ ಪ್ರಕಾರ 11 ಅಂಕಗಳನ್ನು ಮೊದಲು ತಲುಪುವವರು ಗೇಮ್ ಗೆಲ್ಲಲಿದ್ದಾರೆ.
ನವದೆಹಲಿ(ಫೆ.15): ಬ್ಯಾಡ್ಮಿಂಟನ್ ಆಟವನ್ನು ಮತ್ತಷ್ಟು ರೋಚಕಗೊಳಿಸುವ ಉದ್ದೇಶದಿಂದ, ಅಂಕ ಪದ್ಧತಿಯಲ್ಲಿ ಬದಲಾವಣೆ ತರಲು ವಿಶ್ವ ಬ್ಯಾಡ್ಮಿಂಟನ್ ಸಂಸ್ಥೆ ಚಿಂತನೆ ನಡೆಸಿದೆ.
ಪ್ರಸ್ತುತ ಇರುವ 21 ಅಂಕಗಳ 3 ಗೇಮ್ ಬದಲಾಗಿ, 11 ಅಂಕಗಳ 5 ಗೇಮ್ ನಡೆಸಲು ಬ್ಯಾಡ್ಮಿಂಟನ್ ಸಂಸ್ಥೆ ಪ್ರಸ್ತಾಪಿಸಿದೆ. ಸದ್ಯ ಗೇಮ್ ಗೆಲ್ಲಲು 2 ಅಂಕಗಳ ವ್ಯತ್ಯಾಸ ಹೊಂದಿರಬೇಕು. ಆದರೆ ಹೊಸ ಮಾದರಿಯ ಪ್ರಕಾರ 11 ಅಂಕಗಳನ್ನು ಮೊದಲು ತಲುಪುವವರು ಗೇಮ್ ಗೆಲ್ಲಲಿದ್ದಾರೆ.
ಮೇ.19ರಂದು ಬ್ಯಾಂಕಾಕ್'ನಲ್ಲಿ ನಡೆಯಲಿರುವ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಈ ಪ್ರಸ್ತಾಪದ ಬಗ್ಗೆ ಚರ್ಚಿಸಲಿದ್ದು, ಅಂತಿಮ ತೀರ್ಮಾನ ಕೈಗೊಳ್ಳುವ ಸಾಧ್ಯತೆ ಇದೆ. 11 ಅಂಕಗಳ 5 ಗೇಮ್ ಪದ್ಧತಿಯನ್ನು ವಿಶ್ವ ಬ್ಯಾಡ್ಮಿಂಟನ್ ಸಂಸ್ಥೆ 2014ರಿಂದಲೇ ಪ್ರಾಯೋಗಿಕವಾಗಿ ನಡೆಸುತ್ತಿದೆ. ಪಂದ್ಯಗಳು ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿಗೆ ಸಮಯ ನಡೆಯುತ್ತಿದ್ದುಪ್ರಸಾರಕ್ಕೆ ಸಮಸ್ಯೆಯಾಗುತ್ತಿದೆ ಎನ್ನುವ ನಿಟ್ಟಿನಲ್ಲಿ ಈ ನಿರ್ಧಾರಕ್ಕೆ ಮುಂದಾಗುತ್ತಿರುವುದಾಗಿ ಬ್ಯಾಡ್ಮಿಂಟನ್ ಸಂಸ್ಥೆ ಹೇಳಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.