ಐಸಿಸಿ ಸಭೆಯಿಂದ ಭಾರತವನ್ನು ಬಹಿಷ್ಕರಿಸಿ: ಎಹ್ಸಾನ್‌ ಮಣಿ ಕಿಡಿ

ಕರಾ​ಚಿ(ಅ.05): ಅಂತಾ​ರಾ​ಷ್ಟ್ರೀಯ ಕ್ರಿಕೆಟ್‌ ಸಂಸ್ಥೆಯ (ಐ​ಸಿ​ಸಿ) ಎಲ್ಲಾ ಸಭೆ​ಗ​ಳಿಂದ ಭಾರ​ತೀಯ ಕ್ರಿಕೆಟ್‌ ಮಂಡ​ಳಿ​ಯನ್ನು (ಬಿ​ಸಿ​ಸಿ​ಐ) ಬಹಿ​ಷ್ಕ​ರಿ​ಸು​ವಂತೆ ಐಸಿ​ಸಿಯ ಪಾಕಿ​ಸ್ತಾನ ಕ್ರಿಕೆಟ್‌ ಮಂಡ​ಳಿಯು (ಪಿ​ಸಿ​ಬಿ) ಒತ್ತಡ ಹೇರ​ಬೇ​ಕೆಂದು ಐಸಿಸಿ ಮಾಜಿ ಅಧ್ಯಕ್ಷ, ಪಾಕಿ​ಸ್ತಾ​ನದ ಎಹ​ಸಾನ್‌ ಮಣಿ ಆಗ್ರ​ಹಿ​ಸಿ​ದ್ದಾರೆ.

ಇತ್ತೀ​ಚೆಗೆ ಮಾಧ್ಯ​ಮ​ಗ​ಳಿಗೆ ಪ್ರತಿ​ಕ್ರಿಯೆ ನೀಡಿದ್ದ ಬಿಸಿ​ಸಿಐ ಅಧ್ಯಕ್ಷ ಅನು​ರಾಗ್‌ ಠಾಕೂರ್‌, ‘‘ಪಾಕಿ​ಸ್ತಾನ ಕ್ರಿಕೆಟ್‌ ತಂಡ​ದೊಂದಿಗೆ ಯಾವುದೇ ಅಂತಾರಾಷ್ಟ್ರೀಯ ಪಂದ್ಯಾ​ವ​ಳಿ​ಗ​ಳಲ್ಲಿ ಆಡಲಿಚ್ಛಿ​ಸು​ವು​ದಿಲ್ಲ’’ ಎಂದಿ​ದ್ದ​ರು. ಠಾಕೂರ್‌ ಅವರ ಈ ಹೇಳಿಕೆಗೆ ಕಂಡಾ​ಮಂಡ​ಲ​ವಾ​ಗಿ​ರುವ ಮಣಿ, ‘‘ಠಾಕೂರ್‌ ಆಡ​ಳಿತ ಪಕ್ಷದ ಸಂಸದ. ಆದರೆ, ಬಿಸಿ​ಸಿ​ಐ​ನಂಥ ಕ್ರೀಡಾ ಸಂಸ್ಥೆ​ಯೊಂದರ ಅಧ್ಯ​ಕ್ಷ​ಗಿ​ರಿ​ಯಲ್ಲಿ ಕುಳಿ​ತಿ​ರುವ ಅವರು ಐಸಿಸಿಯ ಇತರ ಸದಸ್ಯ ಕ್ರಿಕೆಟ್‌ ಮಂಡ​ಳಿ​ಗ​ಳನ್ನು ಟೀಕಿ​ಸು​ವುದು ಐಸಿಸಿ ಸಂವಿ​ಧಾ​ನಕ್ಕೆ ಅಪ​ಚಾರ ಎಸ​ಗಿ​ದಂತೆ. ಠಾಕೂರ್‌ ಅಧಿ​ಕಾ​ರದ ಪರಿ​ಮಿ​ತಿ​ಗ​ಳ ಬಗ್ಗೆ ಮುಂದಿನ ವಾರ ನಡೆಯಲಿರುವ ಐಸಿಸಿ ಸಭೆಯಲ್ಲಿ ಅವ​ರನ್ನು ಆಗ್ರ​ಹಿ​ಸ​ಬೇ​ಕು’’ ಎಂದಿದ್ದಾರೆ.

‘‘ಭಾರ​ತವು ಮುಂದಿನ ವರ್ಷದ ಚಾಂಪಿ​ಯನ್ಸ್‌ ಟ್ರೋಫಿ ಸೇರಿ​ದಂತೆ ಯಾವುದೇ ಅಂತಾ​ರಾ​ಷ್ಟ್ರೀಯ ಟೂರ್ನಿ​ಗ​ಳ ಗ್ರೂಪ್‌ ಹಂತದ ಪಂದ್ಯ​ಗ​ಳಲ್ಲಿ ಪಾಕಿ​ಸ್ತಾನ ವಿರುದ್ಧ ಆಡು​ವು​ದಿ​ಲ್ಲ​ಎಂದು ಹೇಳು​ತ್ತಿದೆ. ಆದರೆ, ನಾನು ಭಾರ​ತ​ದೊಂದಿಗೆ ಪಾಕಿ​ಸ್ತಾ​ನ ಯಾವುದೇ ಟೂರ್ನಿಯ ಗುಂಪು ಹಂತ​ದಲ್ಲಿಯೂ ಆಡ​ಕೂ​ಡದು ಎಂದು ಕಳೆದ ಹತ್ತು ವರ್ಷ​ಗ​ಳಿಂದ ಆಗ್ರ​ಹಿ​ಸು​ತ್ತಿ​ದ್ದೇನೆ’’ ಎಂದಿದ್ದಾರೆ. ಇನ್ನು, ‘‘ಭಾರ​ತ- ಪಾಕಿ​ಸ್ತಾನ ಕ್ರಿಕೆಟ್‌ ಸರ​ಣಿಯಿಂದ ಹೆಚ್ಚಿನ ಲಾಭ​ವಿ​ರು​ವುದು ಭಾರ​ತಕ್ಕೇ. ಆದರೂ ಅದು ನಮ್ಮೊಂದಿಗೆ (ಪಿ​ಸಿ​ಬಿ​) ಕ್ರಿಕೆಟ್‌ ಬೇಡ​ವೆಂದು ಹೇಳು​ತ್ತಿ​ದೆ’’ ಎಂದು ಹೇಳಿದ್ದಾರೆ.