ಡೆನ್ಮಾರ್ಕ್ ಓಪನ್ ಟೂರ್ನಿಯ ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಸೈನಾ ನೆಹ್ವಾಲ್ ಫೈನಲ್ ಪ್ರವೇಶಿಸೋ ಮೂಲಕ ಭಾರತೀಯರ ನಿರೀಕ್ಷೆಯನ್ನ ಮತ್ತಷ್ಟು ಹೆಚ್ಚಿಸಿದ್ದಾರೆ. ಆದರೆ ಪುರುಷರ ವಿಭಾಗದಲ್ಲಿ ಭಾರತ ಹಿನ್ನಡೆ ಅನುಭವಿಸಿದೆ.
ಡೆನ್ಮಾರ್ಕ(ಅ.21): ಡೆನ್ಮಾರ್ಕ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಶನಿವಾರ ಭಾರತಕ್ಕೆ ಮಿಶ್ರ ಫಲ ದೊರಕಿದೆ. ಮಹಿಳಾ ಸಿಂಗಲ್ಸ್‌ನಲ್ಲಿ ಸೈನಾ ನೆಹ್ವಾಲ್ ಫೈನಲ್‌ಗೇರಿದರೆ, ಕಿದಂಬಿ ಶ್ರೀಕಾಂತ್‌ ಪುರುಷರ ಸೆಮೀಸ್‌ನಲ್ಲಿ ಸೋತು ಹೊರಬಿದ್ದರು.
ಸೆಮೀಸ್‌ನಲ್ಲಿ ಸೈನಾ ಇಂಡೋನೇಷ್ಯಾದ ಗ್ರಿಗೋರಿ ಟುನ್ಜುಂಗ್‌ ವಿರುದ್ಧ 21-11, 21-12 ಗೇಮ್‌ಗಳಲ್ಲಿ ಗೆಲುವು ಪಡೆದರು. ಕ್ವಾರ್ಟರ್‌ನಲ್ಲಿ ಸೈನಾ, ಜಪಾನ್‌ನ ಒಕುಹಾರ ವಿರುದ್ಧ ಗೆದ್ದಿದ್ದರು. ಫೈನಲಲ್ಲಿ ವಿಶ್ವ ನಂ.1 ತೈ ತ್ಸು ಯಿಂಗ್‌ ಎದುರಾಗಲಿದ್ದಾರೆ.
ಕ್ವಾರ್ಟರಲ್ಲಿ ಸಮೀರ್‌ ವರ್ಮಾ ವಿರುದ್ಧ ಗೆದ್ದಿದ್ದ ಶ್ರೀಕಾಂತ್‌, ಸೆಮೀಸ್‌ನಲ್ಲಿ ವಿಶ್ವ ನಂ.1 ಜಪಾನ್‌ನ ಕೆಂಟೊ ಮೊಮೊಟಾ ವಿರುದ್ಧ 16-21, 12-21 ಸೋತರು. ಮಹಿಳಾ ಡಬಲ್ಸ್‌ನ ಕ್ವಾರ್ಟರ್‌ನಲ್ಲಿ ಅಶ್ವಿನಿ-ಸಿಕ್ಕಿ ಜೋಡಿ ಸೋಲುಂಡಿತು.