ದ. ಆಫ್ರಿಕಾ ಟಿ20 ತಂಡಕ್ಕೆ ಡಿವಿಲಿಯರ್ಸ್ ನಾಯಕ
ಸಾರಾಂಶ
ಫಾಫ್ ಡ್ಯು ಪ್ಲೆಸಿಸ್ ವಿಶ್ರಾಂತಿ ಬಯಸಿದ್ದಾರೆ. ಡ್ಯು ಪ್ಲೆಸಿಸ್ ಗೈರು ಹಾಜರಿಯಲ್ಲಿ ಡಿವಿಲಿಯರ್ಸ್ ತಂಡವನ್ನು ಮುನ್ನಡೆಸಲಿದ್ದಾರೆ.
ಜೋಹಾನ್ಸ್'ಬರ್ಗ್(ಜೂ.14): ಚಾಂಪಿಯನ್ಸ್ ಟ್ರೋಫಿಯಲ್ಲಿ ಲೀಗ್ ಹಂತದಲ್ಲೇ ಹೊರಬಿದ್ದ ಬಳಿಕ ಎಬಿ ಡಿವಿಲಿಯರ್ಸ್ ನಾಯಕತ್ವದ ಕುರಿತು ಪ್ರಶ್ನೆಗಳೇಳುತ್ತಿರುವುದರ ಬೆನ್ನಲ್ಲೇ, ಇದೇ ಜೂನ್ 21 ರಿಂದ 25ರವರೆಗೆ ಇಂಗ್ಲೆಂಡ್ ವಿರುದ್ಧದ 3 ಟಿ20 ಪಂದ್ಯಗಳಿಗಾಗಿ ದಕ್ಷಿಣ ಆಫ್ರಿಕಾ ತಂಡಕ್ಕೆ ಎಬಿ ಡಿವಿಲಿಯರ್ಸ್ ಅವರನ್ನು ನಾಯಕರನ್ನಾಗಿ ನೇಮಿಸಲಾಗಿದೆ.
ಕಳೆದ ವರ್ಷವಷ್ಟೇ ಡಿವಿಲಿಯರ್ಸ್ ಟೆಸ್ಟ್ ನಾಯಕ ಸ್ಥಾನ ತೊರೆದಿದ್ದರು. ಸೀಮಿತ ಓವರ್'ಗಳ ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ ಭುಜದ ನೋವಿಗೆ ತುತ್ತಾಗಿದ್ದಾರೆ. ಅಲ್ಲದೇ ಅವರ ಪತ್ನಿ ಇಮಾರಿ ಮೊದಲ ಮಗುವಿಗೆ ಜನ್ಮ ನೀಡಿದ್ದಾರೆ.
ಹೀಗಾಗಿ ಫಾಫ್ ಡ್ಯು ಪ್ಲೆಸಿಸ್ ವಿಶ್ರಾಂತಿ ಬಯಸಿದ್ದಾರೆ. ಡ್ಯು ಪ್ಲೆಸಿಸ್ ಗೈರು ಹಾಜರಿಯಲ್ಲಿ ಡಿವಿಲಿಯರ್ಸ್ ತಂಡವನ್ನು ಮುನ್ನಡೆಸಲಿದ್ದಾರೆ.
ಇನ್ನು ಅನುಭವಿ ಆಟಗಾರರಾದ ಹಾಶೀಂ ಆಮ್ಲಾ, ಜೆ.ಪಿ ಡುಮಿನಿ, ಕ್ವಿಂಟಾನ್ 'ಡಿ'ಕಾಕ್ ಅವರಿಗೆ ವಿಶ್ರಾಂತಿ ನೀಡಲಾಗಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.