ಬೆಂಗ​ಳೂ​ರಿ​ನಿಂದ BFC ಎತ್ತಂಗ​ಡಿ?

ಇಂಡಿಯನ್ ಸೂಪರ್ ಲೀಗ್ ಟೂರ್ನಿಯಲ್ಲಿ ಬೆಂಗಳೂರು ಫುಟ್ಬಾಲ್ ತಂಡ ಪುಣೆಯ ಬಾಲೆ​ವಾಡಿ ಕ್ರೀಡಾಂಗಣವನ್ನು ತನ್ನ ತವರು ಕ್ರೀಡಾಂಗಣವಾಗಿ ಸ್ವೀಕ​ರಿ​ಸುತ್ತಿ​ರು​ವು​ದಾಗಿ ಘೋಷಿ​ಸಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...

ಬೆಂಗ​ಳೂರು[ಸೆ.19]: ಮುಂಬ​ರುವ ಋುತು​ವಿಗೆ ಬೆಂಗ​ಳೂರು ಫುಟ್ಬಾಲ್‌ ಕ್ಲಬ್‌ (ಬಿ​ಎಫ್‌ಸಿ) ಪುಣೆಯ ಬಾಲೆ​ವಾಡಿ ಕ್ರೀಡಾಂಗಣವನ್ನು ತನ್ನ ತವರು ಕ್ರೀಡಾಂಗಣವಾಗಿ ಸ್ವೀಕ​ರಿ​ಸುತ್ತಿ​ರು​ವು​ದಾಗಿ ಘೋಷಿ​ಸಿದೆ. ಕಳೆದ 5-6 ವರ್ಷಗಳಿಂದ ತನ್ನ ಭದ್ರ​ಕೋಟೆ ಎನಿ​ಸಿದ್ದ ಇಲ್ಲಿನ ಕಂಠೀ​ರವ ಕ್ರೀಡಾಂಗಣದಲ್ಲಿ ಮುಂದು​ವ​ರಿ​ಯಲು ಅನು​ಮತಿ ಸಿಗದ ಕಾರಣ ಬಿಎಫ್‌ಸಿ ಈ ನಿರ್ಧಾ​ರಕ್ಕೆ ಬಂದಿದೆ. 

ತಂಡ ಅಖಿಲ ಭಾರ​ತ ಫುಟ್ಬಾಲ್‌ ಫೆಡ​ರೇ​ಷನ್‌ (ಎ​ಐ​ಎಫ್‌ಎಫ್‌) ಕ್ಲಬ್‌ ಪರ​ವಾ​ನಗಿ ಮಾನ​ದಂಡಗಳನ್ನು ಅನು​ಸ​ರಿ​ಸ​ಬೇ​ಕಿದೆ. ಅಕ್ಟೋ​ಬರ್‌ 20ರಿಂದ ಇಂಡಿ​ಯನ್‌ ಸೂಪರ್‌ ಲೀಗ್‌ (ಐ​ಎಸ್‌ಎಲ್‌) ಆರಂಭ​ಗೊ​ಳ್ಳ​ಲಿದ್ದು, ತಂಡ ತನ್ನ ತವ​ರಿನ ಪಂದ್ಯ​ಗ​ಳನ್ನು ಪುಣೆಯಲ್ಲಿ ಆಡುವ ಸಾಧ್ಯತೆ ದಟ್ಟ​ವಾ​ಗಿದೆ.

ಬೆಂಗ​ಳೂರು ಎಫ್‌ಸಿ ತಂಡ ಎಎಫ್‌ಸಿ ಕಪ್‌ನಲ್ಲೂ ಪಾಲ್ಗೊ​ಳ್ಳುವ ಕಾರಣ, ಸೆಪ್ಟೆಂಬ​ರ್‌ 15ರೊಳಗೆ ತನ್ನ ತವರು ಪಂದ್ಯ​ಗ​ಳನ್ನು ಯಾವ ಕ್ರೀಡಾಂಗಣದಲ್ಲಿ ಆಡ​ಲಿದೆ ಎನ್ನು​ವು​ದನ್ನು ನೋಂದಣಿ ಮಾಡ​ಬೇಕಿತ್ತು. ಪುಣೆಯ ಬಾಲೆ​ವಾಡಿ ಕ್ರೀಡಾಂಗಣ ಹಾಗೂ ಅಹ​ಮ​ದಾ​ಬಾದ್‌ನ ಟ್ರ್ಯಾನ್ಸ್‌ ಸ್ಟೇಡಿಯಾ ಅರೇನಾ ಮಾತ್ರ ಲಭ್ಯ​ವಿದ್ದ ಕಾರಣ, ಎಎಫ್‌ಸಿ ಮಾನ​ದಂಡದಂತೆ ಪುಣೆಯನ್ನು ಆಯ್ಕೆ ಮಾಡಿ​ಕೊಂಡಿದೆ.

ಬಿಎಫ್‌ಸಿ ತಂಡದ ಮಾಲಿ​ಕರು, ಕಂಠೀ​ರವ ಕ್ರೀಡಾಂಗಣ ಪಡೆಯಲು ಪ್ರಯತ್ನ ಮುಂದು​ವ​ರಿ​ಸು​ವು​ದಾಗಿ ಸ್ಪಷ್ಟ​ಪ​ಡಿ​ಸಿ​ದ್ದಾರೆ. ಎಎಫ್‌ಸಿ ಪಂದ್ಯ​ಗ​ಳಿಗೆ ಆತಿಥ್ಯ ವಹಿ​ಸುವ ಸ್ಥಳಗಳನ್ನು ಬದ​ಲಿ​ಸಲು ಜನ​ವರಿ ವರೆಗೂ ಅವ​ಕಾಶವಿದೆ. ಬಿಎಫ್‌ಸಿ ತಂಡ ಬೆಂಗ​ಳೂರಿನಿಂದ ಹೊರ ಹೋಗು​ತ್ತಿ​ರುವುದಕ್ಕೆ ಸಾಮಾ​ಜಿಕ ತಾಣ​ಗ​ಳಲ್ಲಿ ಅಭಿ​ಮಾ​ನಿ​ಗಳು ನಿರಾಸೆ ವ್ಯಕ್ತ​ಪ​ಡಿ​ಸಿ​ದ್ದಾರೆ.

ಅಥ್ಲೆ​ಟಿಕ್ಸ್‌ ಸಂಸ್ಥೆಗೆ ಯಶ​ಸ್ಸು!: ಬಿಎಫ್‌ಸಿ ತಂಡ ಬೆಂಗ​ಳೂ​ರಿ​ನಿಂದ ಹೊರ​ಹೋ​ಗಲು ನಿರ್ಧ​ರಿ​ಸಿ​ರು​ವುದು, ಕರ್ನಾ​ಟಕ ರಾಜ್ಯ ಅಥ್ಲೆ​ಟಿಕ್ಸ್‌ (ಕೆ​ಎಎ) ಸಂಸ್ಥೆಯ ಹೋರಾಟಕ್ಕೆ ಮೊದಲ ಜಯ ಸಿಕ್ಕಂತಾ​ಗಿ​ದೆ. ಕಂಠೀ​ರವ ಕ್ರೀಡಾಂಗಣದಲ್ಲಿ ಫುಟ್ಬಾಲ್‌ ಸೇರಿ​ದಂತೆ ಇತರ ಚಟು​ವ​ಟಿಕೆಗಳಿಗೆ ಅವ​ಕಾಶ ನೀಡ​ಬಾ​ರದು ಎಂದು ಕೆಎಎ ಇತ್ತೀ​ಚೆಗೆ ಪ್ರತಿ​ಭ​ಟನೆ ಸಹ ನಡೆ​ಸಿತ್ತು. ಕಳೆದ ವರ್ಷ ಈ ಪ್ರಕ​ರಣ ಹೈಕೋರ್ಟ್‌ ಮೆಟ್ಟಿಲ್ಲೇ​ರಿತ್ತು. ಕಂಠೀ​ರವದಲ್ಲಿ ಫುಟ್ಬಾಲ್‌ ನಡೆ​ಸಿದರೆ ಅಥ್ಲೀಟ್‌ಗಳ ಅಭ್ಯಾಸಕ್ಕೆ ತೊಂದರೆಯಾಗ​ಲಿದೆ ಎಂದು ಹೋರಾಟ ನಡೆ​ಸಿತ್ತು.