ಎಎಫ್ಸಿ ಫುಟ್ಬಾಲ್ ಕಪ್: ಬಿಎಫ್ಸಿಗೆ ವೀರೋಚಿತ ಸೋಲು
ಸಾರಾಂಶ
ಇಲ್ಲಿನ ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ, ಸುನಿಲ್ ಚೆಟ್ರಿ ಪಡೆ ವಿರೋಚಿತ ಸೋಲು ಅನುಭವಿಸಿ ಭಾರೀ ಒತ್ತಡಕ್ಕೆ ಸಿಲುಕಿತು. 2ನೇ ಚರಣದ ಪಂದ್ಯದಲ್ಲಿ ತಂಡ ಉತ್ತಮ ಗೋಲು ವ್ಯತ್ಯಾಸದೊಂದಿಗೆ ಗೆದ್ದರೆ ಮಾತ್ರ ಅಂತರ ವಲಯ ಫೈನಲ್ಗೆ ಪ್ರವೇಶ ಪಡೆಯಲು ಸಾಧ್ಯವಾಗಲಿದೆ.
ಬೆಂಗಳೂರು[ಆ.23]: 2018-19ರ ಋುತುವಿನ ಆರಂಭದಲ್ಲೇ ಬೆಂಗಳೂರು ಎಫ್ಸಿ ಆಘಾತ ಅನುಭವಿಸಿದೆ. ಎಎಫ್ಸಿ ಕಪ್ ಅಂತರ ವಲಯ ಸೆಮಿಫೈನಲ್ನ ಮೊದಲ ಚರಣದ ಪಂದ್ಯದಲ್ಲಿ ತುರ್ಕ್ಮೆನಿಸ್ತಾನದ ಆಲ್ಟಿನ್ ಅಸರ್ ತಂಡದ ವಿರುದ್ಧ 2-3 ಗೋಲುಗಳ ಸೋಲು ಅನುಭವಿಸಿತು. ಇಲ್ಲಿನ ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ, ಸುನಿಲ್ ಚೆಟ್ರಿ ಪಡೆ ವಿರೋಚಿತ ಸೋಲು ಅನುಭವಿಸಿ ಭಾರೀ ಒತ್ತಡಕ್ಕೆ ಸಿಲುಕಿತು.
2ನೇ ಚರಣದ ಪಂದ್ಯದಲ್ಲಿ ತಂಡ ಉತ್ತಮ ಗೋಲು ವ್ಯತ್ಯಾಸದೊಂದಿಗೆ ಗೆದ್ದರೆ ಮಾತ್ರ ಅಂತರ ವಲಯ ಫೈನಲ್ಗೆ ಪ್ರವೇಶ ಪಡೆಯಲು ಸಾಧ್ಯವಾಗಲಿದೆ. ಭಾರೀ ರೋಚಕತೆಯಿಂದ ಕೂಡಿದ್ದ ಪಂದ್ಯದ 11ನೇ ನಿಮಿಷದಲ್ಲಿ ಆಲ್ಟಿನ್ ತಂಡ ಮುನ್ನಡೆ ಸಾಧಿಸಿತು. ಒರಾಜ್ಸಹೆಡೊವ್ ಬಾರಿಸಿದ ಆಕರ್ಷಕ ಗೋಲು, ಬಿಎಫ್ಸಿಯನ್ನು ಆತಂಕಕ್ಕೆ ಸಿಲುಕಿಸಿತು. 23ನೇ ನಿಮಿಷದಲ್ಲಿ ಆಲ್ಟಿನ್ ತನ್ನ ಮುನ್ನಡೆಯನ್ನು 2-0 ಗೇರಿಸಿಕೊಂಡಿತು. ಅನ್ನಾದುರ್ದೆವ್ ತಂಡದ ಪರ 2ನೇ ಗೋಲು ಗಳಿಸಿದರು.
46ನೇ ನಿಮಿಷದಲ್ಲಿ ಆಲ್ಟಿನ್ 3ನೇ ಗೋಲು ಬಾರಿಸಿತು. ಒರಾಜ್ಸಹೆಡೊವ್ ತಂಡದ ಮುನ್ನಡೆಯನ್ನು 3-0ಗೇರಿಸಿದರು. ರಾಹುಲ್ ಭೇಕೆ 63ನೇ ನಿಮಿಷದಲ್ಲಿ ಅಂತರವನ್ನು 1-3ಕ್ಕಿಳಿಸಿದರೆ, 88ನೇ ನಿಮಿಷದಲ್ಲಿ ಎರಿಕ್ ಪಾರ್ತಲು ಬಿಎಫ್ಸಿ ಪರ 2ನೇ ಗೋಲು ಗಳಿಸಿದರು. 90 ನಿಮಿಷಗಳ ಬಳಿಕ ಹೆಚ್ಚುವರಿ 5 ನಿಮಿಷಗಳಲ್ಲಿ ಎಷ್ಟೇ ಪ್ರಯತ್ನಿಸಿದರೂ ಬಿಎಫ್ಸಿ ಗೋಲು ಬಾರಿಸಲು ಸಾಧ್ಯವಾಗಲಿಲ್ಲ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.