ಟೆಸ್ಟ್ ಆಡುವ ಅಗ್ರ 8 ರಾಷ್ಟ್ರಗಳ ಪೈಕಿ ಭಾರತ, ಶ್ರೀಲಂಕಾ ಹೊರತು ಪಡಿಸಿ ಇನ್ನುಳಿದ ಎಲ್ಲಾ ರಾಷ್ಟ್ರಗಳು ಹಗಲು-ರಾತ್ರಿ ಟೆಸ್ಟ್'ಗೆ ಆತಿಥ್ಯ ವಹಿಸಿವೆ.
ನವದೆಹಲಿ(ಮಾ.16): ಹಗಲು-ರಾತ್ರಿ ಟೆಸ್ಟ್ ಪಂದ್ಯ ಆಯೋಜನೆ ಕುರಿತು ಬಿಸಿಸಿಐ ಆಸಕ್ತಿ ತೋರಿದ್ದು, ಶೀಘ್ರದಲ್ಲೇ ಪಂದ್ಯ ಆಯೋಜನೆಗೊಳಿಸುವುದಾಗಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಪ್ರಧಾನ ವ್ಯವಸ್ಥಾಪಕ ಸಾಬಾ ಕರೀಂ ತಿಳಿಸಿದ್ದಾರೆ.
‘ಹಗಲು- ರಾತ್ರಿ ಟೆಸ್ಟ್ ಪಂದ್ಯ ಆಯೋಜನೆ ಕುರಿತು ಬಿಸಿಸಿಐ ಚಿಂತನೆ ನಡೆಸಿದೆ. ಈಗಾಗಲೇ ಹಲವು ರಾಷ್ಟ್ರಗಳು ಹಗಲು-ರಾತ್ರಿ ಟೆಸ್ಟ್ ಆಯೋಜಿಸಿ ಉತ್ತಮ ಫಲಿತಾಂಶ ಕಂಡಿವೆ’ ಎಂದು ಕರೀಂ ಹೇಳಿದ್ದಾರೆ.
ಟೆಸ್ಟ್ ಆಡುವ ಅಗ್ರ 8 ರಾಷ್ಟ್ರಗಳ ಪೈಕಿ ಭಾರತ, ಶ್ರೀಲಂಕಾ ಹೊರತು ಪಡಿಸಿ ಇನ್ನುಳಿದ ಎಲ್ಲಾ ರಾಷ್ಟ್ರಗಳು ಹಗಲು-ರಾತ್ರಿ ಟೆಸ್ಟ್'ಗೆ ಆತಿಥ್ಯ ವಹಿಸಿವೆ.