Australian Open 2024: ವಿಶ್ವ ನಂ.1 ಇಗಾ ಸ್ವಿಯಾಟೆಕ್ಗೆ ಸೋಲಿನ ಶಾಕ್!
ಸಾರಾಂಶ
ಶನಿವಾರ ಮಹಿಳಾ ಸಿಂಗಲ್ಸ್ನಲ್ಲಿ ವಿಶ್ವ ನಂ.1 ಸ್ವಿಯಾಟೆಕ್ ಅವರು ಚೆಕ್ ಗಣರಾಜ್ಯದ 19 ವರ್ಷದ ಲಿಂಡಾ ನೊಸ್ಕೋವಾ ವಿರುದ್ಧ 6-3, 3-6, 4-6 ಸೆಟ್ಗಳಲ್ಲಿ ಪರಾಭವಗೊಂಡರು. ಶ್ರೇಯಾಂಕ ರಹಿತೆ ಆಟಗಾರ್ತಿ ವಿರುದ್ಧ ಆರಂಭಿಕ ಸುತ್ತಿನಲ್ಲಿ ಗೆದ್ದ ಹೊರತಾಗಿಯೂ ಬಳಿಕ 2 ಸೆಟ್ಗಳಲ್ಲಿ ಎದುರಾದ ಪೈಪೋಟಿಯನ್ನು ಮೆಟ್ಟಿನಿಲ್ಲಲು ಇಗಾಗೆ ಸಾಧ್ಯವಾಗಲಿಲ್ಲ.
ಮೆಲ್ಬರ್ನ್(ಜ.21): 4 ಗ್ರ್ಯಾನ್ಸ್ಲಾಂಗಳ ಒಡತಿ, ಪೋಲೆಂಡ್ನ ಇಗಾ ಸ್ವಿಯಾಟೆಕ್ರ ಚೊಚ್ಚಲ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿ ಚಾಂಪಿಯನ್ ಕನಸು ಮತ್ತೊಮ್ಮೆ ಭಗ್ನಗೊಂಡಿದೆ.
ಶನಿವಾರ ಮಹಿಳಾ ಸಿಂಗಲ್ಸ್ನಲ್ಲಿ ವಿಶ್ವ ನಂ.1 ಸ್ವಿಯಾಟೆಕ್ ಅವರು ಚೆಕ್ ಗಣರಾಜ್ಯದ 19 ವರ್ಷದ ಲಿಂಡಾ ನೊಸ್ಕೋವಾ ವಿರುದ್ಧ 6-3, 3-6, 4-6 ಸೆಟ್ಗಳಲ್ಲಿ ಪರಾಭವಗೊಂಡರು. ಶ್ರೇಯಾಂಕ ರಹಿತೆ ಆಟಗಾರ್ತಿ ವಿರುದ್ಧ ಆರಂಭಿಕ ಸುತ್ತಿನಲ್ಲಿ ಗೆದ್ದ ಹೊರತಾಗಿಯೂ ಬಳಿಕ 2 ಸೆಟ್ಗಳಲ್ಲಿ ಎದುರಾದ ಪೈಪೋಟಿಯನ್ನು ಮೆಟ್ಟಿನಿಲ್ಲಲು ಇಗಾಗೆ ಸಾಧ್ಯವಾಗಲಿಲ್ಲ. ನೊಸ್ಕೋವಾ ಇದೇ ಮೊದಲ ಬಾರಿ ಗ್ರ್ಯಾನ್ಸ್ಲಾಂನಲ್ಲಿ 4ನೇ ಸುತ್ತಿಗೇರಿದರು. ಇದೇ ವೇಳೆ 2 ಬಾರಿ ಚಾಂಪಿಯನ್ ವಿಕ್ಟೋರಿಯಾ ಅಜರೆಂಕಾ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.
ಆಲ್ಕರಜ್ ಪ್ರಿ ಕ್ವಾರ್ಟರ್ಗೆ
ಟೆನಿಸ್ನ ಯುವ ಸೂಪರ್ ಸ್ಟಾರ್, ಹಾಲಿ ವಿಂಬಲ್ಡನ್ ಚಾಂಪಿಯನ್ ಕಾರ್ಲೊಸ್ ಆಲ್ಕರಜ್ ಪುರುಷರ ಸಿಂಗಲ್ಸ್ನಲ್ಲಿ ಪ್ರಿ ಕ್ವಾರ್ಟರ್ಗೇರಿದ್ದಾರೆ. 3ನೇ ಸುತ್ತಿನಲ್ಲಿ ತಮ್ಮ ಎದುರಾಳಿ, ಚೀನಾದ ಶಾಂಗ್ ಗಾಯಗೊಂಡು ಹೊರನಡೆದ ಕಾರಣ ವಿಶ್ವ ನಂ.2, ಸ್ಪೇನ್ನ 19ರ ಆಲ್ಕರಜ್ 4ನೇ ಸುತ್ತಿಗೇರಿದರು. ರಷ್ಯಾದ ಡ್ಯಾನಿಲ್ ಮೆಡ್ವೆಡೆವ್ ಕೂಡಾ ಪ್ರಿ ಕ್ವಾರ್ಟರ್ಗೇರಿದರು.
Ranji Trophy: ಮಯಾಂಕ್ ಅಗರ್ವಾಲ್, ದೇವದತ್ ಪಡಿಕ್ಕಲ್ ಶತಕದಾಸರೆ
ಶ್ರೀರಾಮ್ಗೆ 2ನೇ ಸುತ್ತಿನಲ್ಲಿ ಸೋಲು
ಪುರುಷರ ಡಬಲ್ಸ್ನಲ್ಲಿ ರೊಮಾನಿಯಾದ ವಿಕ್ಟರ್ ಕಾರ್ನಿಯಾ ಜೊತೆಗೂಡಿ ಕಣಕ್ಕಿಳಿದಿದ್ದ ಭಾರತದ ಶ್ರೀರಾಮ್ ಬಾಲಾಜಿ 2ನೇ ಸುತ್ತಿನಲ್ಲಿ ಸೋತು ಹೊರಬಿದ್ದಿದ್ದಾರೆ. ಅವರು ಎಲ್ ಸಾಲ್ವಡಾರ್ನ ಮಾರ್ಕೆಲೊ-ಕ್ರೊವೇಷಿಯಾದ ಮೇಟ್ ಪಾವಿಚ್ ಜೋಡಿ ವಿರುದ್ಧ 3-6, 3-6ರಲ್ಲಿ ಸೋಲನುಭವಿಸಿದರು. ಇದೇ ವೇಳೆ ಹಂಗೇರಿಯ ಟೈಮಿಯಾ ಬಾಬೊಸ್ ಜೊತೆ ಮಿಶ್ರ ಡಬಲ್ಸ್ನಲ್ಲಿ ಕಣಕ್ಕಿಳಿಯಬೇಕಿದ್ದ ಕರ್ನಾಟಕದ ರೋಹನ್ ಬೋಪಣ್ಣ, ಸ್ಪರ್ಧೆಯಿಂದ ಹಿಂದೆ ಸರಿದಿದ್ದಾರೆ. ರೋಹನ್-ಆಸ್ಟ್ರೇಲಿಯಾದ ಎಬ್ಡೆನ್ ಪುರುಷರ ಡಬಲ್ಸ್ನಲ್ಲಿ 3ನೇ ಸುತ್ತಿಗೇರಿದ್ದಾರೆ.
ಬೆಂಗಳೂರು ಓಪನ್ ಐಟಿಎಫ್ ಟೆನಿಸ್ ಟೂರ್ನಿ: ಸೆಮೀಸಲ್ಲಿ ಸೋತ ರುತುಜಾ
ಬೆಂಗಳೂರು: ಭಾರತದ ತಾರಾ ಟೆನಿಸ್ ಆಟಗಾರ್ತಿ ರುತುಜಾ ಭೋಸಲೆ ಬೆಂಗಳೂರು ಓಪನ್ ಐಟಿಎಫ್ ಟೆನಿಸ್ ಟೂರ್ನಿಯಲ್ಲಿ ಸೆಮಿಫೈನಲ್ನಲ್ಲಿ ಅಭಿಯಾನ ಕೊನೆಗೊಳಿಸಿದ್ದಾರೆ. ಶನಿವಾರ ಮಹಿಳಾ ಸಿಂಗಲ್ಸ್ ಅಂತಿಮ 4ರ ಘಟ್ಟದ ಪಂದ್ಯದಲ್ಲಿ, 6ನೇ ಶ್ರೇಯಾಂಕಿತೆ, ಫ್ರಾನ್ಸ್ನ ಕ್ಯಾರೊಲೆ ಮೊನ್ನೆಟ್ ವಿರುದ್ಧ 2-6, 0-6 ನೇರ ಸೆಟ್ಗಳಲ್ಲಿ ಸೋಲನುಭವಿಸಿದರು. ಭಾನುವಾರ ನಡೆಯಲಿರುವ ಫೈನಲ್ನಲ್ಲಿ ಕ್ಯಾರೊಲೆ, ಲಾಟ್ವಿಯಾದ ಡಾರ್ಜಾ ಸೆಮೆನಿಸ್ಟಜಾ ವಿರುದ್ಧ ಪ್ರಶಸ್ತಿಗಾಗಿ ಸೆಣಸಾಡಲಿದ್ದಾರೆ.
ಸಾನಿಯಾಗೆ ಮಲಿಕ್ ಮದುವೆಯಾಗಲು ಸ್ವಲ್ಪವೂ ಇಷ್ಟವಿರಲಿಲ್ಲ, ಆದ್ರೂ ಪಾಕ್ ಕ್ರಿಕೆಟಿಗನ ಬಲೆಗೆ ಬಿದ್ದಿದ್ದು ಹೇಗೆ?
ಡಾರ್ಜಾ-ಕ್ಯಾಮಿಲ್ಲಾಗೆ ಪ್ರಶಸ್ತಿ
ಮಹಿಳಾ ಡಬಲ್ಸ್ನಲ್ಲಿ ಡಾರ್ಜಾ-ಇಟಲಿಯ ಕ್ಯಾಮಿಲ್ಲಾ ರೊಸಟೆಲ್ಲೊ ಜೋಡಿ ಚಾಂಪಿಯನ್ ಆಗಿ ಹೊರಹೊಮ್ಮಿತು. ಫೈನಲ್ನಲ್ಲಿ ಈ ಜೋಡಿಗೆ ಚೈನೀಸ್ ತೈಪೆಯ ಯು ಯುನ್ಲಿ-ಜಪಾನ್ನ ಎರಿ ಶಿಮಿಜು ಜೋಡಿ ವಿರುದ್ಧ 3-6, 6-2, 10-8 ಸೆಟ್ಗಳಲ್ಲಿ ಗೆಲುವು ಲಭಿಸಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.