10ನೇ ಏಷ್ಯನ್ ಏಜ್‌ ಗ್ರೂಪ್‌ ಈಜು ಚಾಂಪಿಯನ್ಶಿಪ್ ಕೂಟಕ್ಕೆ ಬೆಂಗಳೂರು ಆತಿಥ್ಯ ವಹಿಸಿದ್ದು, ಇಂದಿನಿಂದ ಪಂದ್ಯಾವಳಿಗಳು ಆರಂಭವಾಗಲಿವೆ. ಭಾರತೀಯ ಸ್ವಿಮ್ಮರ್‌ಗಳು ಟೋಕಿಯೋ ಒಲಿಂಪಿಕ್ಸ್‌ಗೆ ಅರ್ಹತೆಗಿಟ್ಟಿಸಲು ಎದುರು ನೋಡುತ್ತಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಬೆಂಗಳೂರು[ಸೆ.24]: ಇಂದಿನಿಂದ ಅ.2ರ ವರೆಗೆ 10ನೇ ಏಷ್ಯನ್ ಏಜ್‌ ಗ್ರೂಪ್‌ ಈಜು ಚಾಂಪಿಯನ್ಶಿಪ್ ಬೆಂಗಳೂರಲ್ಲಿ ನಡೆಯಲಿದೆ. 20 ವರ್ಷಗಳ ಬಳಿಕ ದೇಶದಲ್ಲಿ ಹಾಗೂ ರಾಜ್ಯದಲ್ಲಿ ಇದೇ ಮೊದಲ ಬಾರಿಗೆ ಏಷ್ಯನ್ ಈಜು ಕೂಟ ಆಯೋಜಿಸಲಾಗುತ್ತಿದೆ.
2020ರ ಟೋಕಿಯೋ ಒಲಿಂಪಿಕ್ಸ್‌ಗೆ ಅರ್ಹತೆ ಸಂಪಾದಿಸಲು ಅತ್ಯುತ್ತಮ ಅವಕಾಶ ಇದಾಗಿದೆ. ನಗರದ ಪಡುಕೋಣೆ - ದ್ರಾವಿಡ್‌ ಸೆಂಟರ್‌ ಫಾರ್‌ ಸ್ಪೋರ್ಟ್ಸ್ ಎಕ್ಸಲೆನ್ಸ್‌, ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್‌) ಬೆಂಗಳೂರು ಕೇಂದ್ರ, ಹಲಸೂರಿನ ಕೆನ್ಸಿಂಗ್ಟನ್‌ ಈಜು ಕೇಂದ್ರ ಕೂಟದ ಆತಿಥ್ಯ ವಹಿಸುತ್ತಿವೆ. 28 ರಾಷ್ಟ್ರಗಳ 1000ಕ್ಕೂ ಹೆಚ್ಚು ಸ್ಪರ್ಧಿಗಳು ಪಾಲ್ಗೊಳ್ಳುತ್ತಿದ್ದು, 18 ವರ್ಷ ಹಾಗೂ ಮೇಲ್ಪಟ್ಟ(ಮುಕ್ತ ವಿಭಾಗ), 15ರಿಂದ 17 ವರ್ಷ, ಅಂಡರ್‌-14 ವಿಭಾಗಗಳಲ್ಲಿ ಸ್ಪರ್ಧೆಗಳು ನಡೆಯಲಿವೆ.
undefined
ಏಷ್ಯನ್ ಸ್ವಿಮ್ಮಿಂಗ್ ಚಾಂಪಿಯನ್ಶಿಪ್; ಬೆಂಗಳೂರಲ್ಲಿ ಲೋಗೋ ಅನಾವರಣ!
ಈಜು, ವಾಟರ್‌ ಪೋಲೋ ಹಾಗೂ ಡೈವಿಂಗ್‌, ಆರ್ಟಿಸ್ಟಿಕ್‌ ಈಜು ಸ್ಪರ್ಧೆಗಳು ನಡೆಯಲಿವೆ. ಈಜು ವಿಭಾಗದಲ್ಲಿ ಭಾರತದ 44 ಈಜುಪಟುಗಳು ಸ್ಪರ್ಧಿಸಲಿದ್ದು, ವಾಟರ್‌ ಪೋಲೋ, ಡೈವಿಂಗ್‌ ಸೇರಿಸಿದರೆ ಒಟ್ಟು ಸಂಖ್ಯೆ 86ಕ್ಕೇರಲಿದೆ.
9 ದಿನಗಳ ಕಾಲ ನಡೆಯಲಿರುವ ಕೂಟದಲ್ಲಿ ಭಾರತ, ಜಪಾನ್‌, ಚೀನಾ, ಚೈನೀಸ್‌ ತೈಪೆ, ಹಾಂಕಾಂಗ್‌, ಥಾಯ್ಲೆಂಡ್‌, ಕಜಕಸ್ತಾನ, ಇರಾನ್‌, ಕತಾರ್‌, ಜೊರ್ಡನ್‌, ಕುವೈತ್‌, ಕಿರ್ಗಿಸ್ತಾನ, ಮಾಲ್ಡೀವ್‌್ಸ, ನೇಪಾಳ, ಒಮಾನ್‌, ಸೌದಿ ಅರೇಬಿಯಾ, ಟರ್ಕ್ಮೇನಿಸ್ತಾನ, ಯುಎಇ, ಉಜ್ಬೇಕಿಸ್ತಾನ, ವಿಯೆಟ್ನಾಂ, ಥಾಯ್ಲೆಂಡ್‌, ಶ್ರೀಲಂಕಾ, ದ.ಕೊರಿಯಾ, ಫಿಲಿಪೈನ್ಸ್‌, ಇಂಡೋನೇಷ್ಯಾ, ಸಿಂಗಾಪುರ್‌, ಬಾಂಗ್ಲಾದೇಶ ಹಾಗೂ ಸಿರಿಯಾದ ಸ್ಪರ್ಧಿಗಳು ಪಾಲ್ಗೊಳ್ಳಲಿದ್ದಾರೆ.
ಏಷ್ಯನ್ ಈಜು ಚಾಂಪಿಯನ್ಶಿಪ್: ಬೆಂಗಳೂರು ಆತಿಥ್ಯ
ಭಾರತ ತಂಡದ ಸವಾಲನ್ನು ಅನುಭವಿ ಈಜುಪಟು ಸಾಜನ್‌ ಪ್ರಕಾಶ್‌ ಮುನ್ನಡೆಸಲಿದ್ದಾರೆ. ವೀರ್‌ಧವಳ್‌ ಖಾಡೆ, ಕರ್ನಾಟಕದ ಶ್ರೀಹರಿ ನಟರಾಜ್‌, ಮಾನಾ ಪಟೇಲ್‌, ಶಿವಾನಿ ಕಟಾರಿಯಾ ಸೇರಿದಂತೆ ಇನ್ನೂ ಅನೇಕ ತಾರಾ ಈಜುಪಟುಗಳು ಪದಕ ಭರವಸೆ ಮೂಡಿಸಿದ್ದಾರೆ. ಜತೆಗೆ 2020ರ ಟೋಕಿಯೋ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆಯುವ ವಿಶ್ವಾಸದಲ್ಲಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಭಾರತ ಈಜಿನಲ್ಲಿ 40, ಡೈವಿಂಗ್‌ನಲ್ಲಿ 9 ಪದಕಗಳನ್ನು ಗೆದ್ದುಕೊಂಡಿತ್ತು.
ಟೋಕಿಯೋ ಒಲಿಂಪಿಕ್ಸ್‌ ಅರ್ಹತೆ ಸಂಪಾದಿಸುವುದು ನಮ್ಮ ಗುರಿ. 50 ಮೀ., 100 ಮೀ., ಫ್ರೀಸ್ಟೈಲ್‌, 50 ಮೀ. ಬಟರ್‌ಫ್ಲೈನಲ್ಲಿ ಸ್ಪರ್ಧಿಸುತ್ತಿದ್ದೇನೆ. ಪತ್ನಿ ರುಜುತಾ 50 ಮೀ. ಫ್ರೀಸ್ಟೈಲ್‌ ಸ್ಪರ್ಧಿಸುತ್ತಿದ್ದಾಳೆ. ಉತ್ತಮ ತಯಾರಿ ನಡೆಸಿದ್ದು, ಪದಕ ಗೆಲ್ಲುವ ವಿಶ್ವಾಸವಿದೆ.
- ವೀರ್‌ಧವಳ್‌ ಖಾಡೆ, ಭಾರತದ ಈಜುಪಟು