ಏಷ್ಯನ್ ಚಾಂಪಿಯನ್'ಶಿಪ್ ಬಾಕ್ಸಿಂಗ್: ಭಾರತದ ನಾಲ್ವರು ಕ್ವಾರ್ಟರ್'ಫೈನಲ್'ಗೆ
ಸಾರಾಂಶ
ಈ ಟೂರ್ನಿಯಲ್ಲಿ 10 ತೂಕ ವಿಭಾಗ(ವೇಯ್ಟ್ ಕೆಟೆಗರೆ)ದಲ್ಲಿನ ಅಗ್ರ ಆರು ಸ್ಥಾನಗಳಿಸುವ ಬಾಕ್ಸರ್'ಗಳು, ವರ್ಲ್ಡ್ ಚಾಂಪಿಯನ್'ಶಿಪ್'ನಲ್ಲಿ ಪಾಲ್ಗೊಳ್ಳಲು ಅರ್ಹತೆಗಿಟ್ಟಿಸಿಕೊಳ್ಳಲಿದ್ದಾರೆ.
ತಾಷ್ಕೆಂಟ್(ಮೇ.03): ಇಲ್ಲಿ ನಡೆಯುತ್ತಿರುವ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಭಾರತದ ನಾಲ್ವರು ಬಾಕ್ಸರ್'ಗಳು ಕ್ವಾರ್ಟರ್'ಫೈನಲ್ ಪ್ರವೇಶಿಸಿದ್ದಾರೆ.
60 ಕೆ.ಜಿ ವಿಭಾಗದಲ್ಲಿ ಶಿವ ಥಾಪ, 91 ಕೆ.ಜಿ ವಿಭಾಗದಲ್ಲಿ ಸುಮಿತ್ ಸಾಂಗ್ವಾನ್, 81 ಕೆ.ಜಿ ವಿಭಾಗದಲ್ಲಿ ಮನೀಶ್ ಪನ್ವಾರ್ ಹಾಗೂ 49 ಕೆ.ಜಿ ವಿಭಾಗದಲ್ಲಿ ಕವೀಂದರ್ ಸಿಂಗ್ ಬಿಶ್ತಾ ಅಂತಿಮ 8ರ ಸುತ್ತಿಗೇರಿದ್ದಾರೆ.
ಶಿವಥಾಪ ಕಿರ್ಗಿಸ್ತಾನದ ಒಮೂರ್ಬೆಕ್ ಮಲಬಾಕೊವ್ ವಿರುದ್ಧ ಜಯ ಸಾಧಿಸಿದರೆ, ಸುಮಿತ್ ಮಂಗೋಲಿಯಾದ ಎರ್ಡೆನ್ಬಾರ್ಯ ಸ್ಯಾಂಡಗ್ಸುರೆನ್ರನ್ನು ಮಣಿಸಿದರು.
ಈ ಟೂರ್ನಿಯಲ್ಲಿ 28 ದೇಶಗಳಿಂದ 179 ಬಾಕ್ಸರ್'ಗಳು ಪಾಲ್ಗೊಂಡಿದ್ದು, ಜರ್ಮನಿಯ ಹಮ್ಬರ್ಗ್'ನಲ್ಲಿ ಆಗಸ್ಟ್-ಸೆಪ್ಟೆಂಬರ್'ನಲ್ಲಿ ನಡೆಯಲಿರುವ ವರ್ಲ್ಡ್ ಚಾಂಪಿಯನ್'ಶಿಪ್'ನಲ್ಲಿ ಪಾಲ್ಗೊಳ್ಳಲು ಬಾಕ್ಸರ್'ಗಳು ಕಾದಾಡಲಿದ್ದಾರೆ.
ಈ ಟೂರ್ನಿಯಲ್ಲಿ 10 ತೂಕ ವಿಭಾಗ(ವೇಯ್ಟ್ ಕೆಟೆಗರೆ)ದಲ್ಲಿನ ಅಗ್ರ ಆರು ಸ್ಥಾನಗಳಿಸುವ ಬಾಕ್ಸರ್'ಗಳು, ವರ್ಲ್ಡ್ ಚಾಂಪಿಯನ್'ಶಿಪ್'ನಲ್ಲಿ ಪಾಲ್ಗೊಳ್ಳಲು ಅರ್ಹತೆಗಿಟ್ಟಿಸಿಕೊಳ್ಳಲಿದ್ದಾರೆ.
2015ರ ಎಷ್ಯನ್ ಚಾಂಪಿಯನ್ಸ್'ಶಿಪ್'ನಲ್ಲಿ ಭಾರತ ನಾಲ್ಕು ಪದಕಗಳನ್ನು ಗೆದ್ದುಕೊಂಡಿತ್ತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.