ಪ್ರಶಸ್ತಿಗಾಗಿ ಜೊಕೊ-ಮರ್ರೆ ಹಣಾಹಣಿ; ಮರ್ರೆ ನಾಗಾಲೋಟಕ್ಕೆ ಬೀಳುತ್ತಾ ಬ್ರೇಕ್..?
ಸಾರಾಂಶ
ಸತತ 28 ಪಂದ್ಯಗಳನ್ನು ಗೆದ್ದು ಬೀಗುತ್ತಿರುವ ಮರ್ರೆ ನಾಗಾಲೋಟಕ್ಕೆ ಜೊಕೊವಿಚ್ ಬ್ರೇಕ್ ಹಾಕುತ್ತಾರ ಎನ್ನುವುದನ್ನು ಕಾದುನೋಡಬೇಕಿದೆ.
ದೋಹಾ(ಜ.07): ನಿರೀಕ್ಷೆಯಂತೆಯೇ ಕತಾರ್ ಓಪನ್ ಟೆನಿಸ್ ಪಂದ್ಯಾವಳಿಯ ಪ್ರಶಸ್ತಿ ಸುತ್ತಿಗೆ ವಿಶ್ವದ ಮೊದಲೆರಡು ಕ್ರಮಾಂಕಿತ ಆಟಗಾರರಾದ ಆ್ಯಂಡಿ ಮರ್ರೆ ಮತ್ತು ನೊವಾಕ್ ಜೊಕೊವಿಚ್ ಧಾವಿಸಿದ್ದು, ಋತುವಿನ ಮೊದಲ ಗ್ರಾಂಡ್ಸ್ಲಾಮ್ ಟೂರ್ನಿಯಾದ ಆಸ್ಟ್ರೇಲಿಯಾ ಓಪನ್'ಗೆ ಮುಂಚೆಯೇ ಮಹತ್ವದ ಕಾದಾಟಕ್ಕೆ ಅಣಿಯಾಗಿದ್ದಾರೆ.
ವಿಶ್ವದ 42ನೇ ಶ್ರೇಯಾಂಕಿತ ಫೆರ್ನಾಂಡೊ ವರ್ಡೆಸ್ಕೊ ವಿರುದ್ಧದ ಸೆಮಿಫೈನಲ್ನಲ್ಲಿ ಜೊಕೊವಿಚ್ 4-6, 7-6 (9/7) ಮತ್ತು 6-3 ಸೆಟ್'ಗಳಿಂದ ಗೆಲುವು ಪಡೆದರೆ, ಮತ್ತೊಂದು ಸೆಮಿಫೈನಲ್ನಲ್ಲಿ ಜೆಕ್ ಆಟಗಾರ ಥಾಮಸ್ ಬೆರ್ಡಿಚ್ ಅವರನ್ನು 6-3, 6-3 ನೇರ ಸೆಟ್'ಗಳಲ್ಲಿ ಮರ್ರೆ ಮಣಿಸಿ ಪ್ರಶಸ್ತಿ ಸುತ್ತಿಗೆ ಧಾವಿಸಿದರು.
ಮರ್ರೆ 2008 ಹಾಗೂ 2009ರಲ್ಲಿ ಪ್ರತಿಷ್ಟಿತ ಕತಾರ್ ಓಪನ್ ಪ್ರಶಸ್ತಿಯನ್ನು ಗೆದ್ದು ಮೂರನೇ ಪ್ರಶಸ್ತಿಯ ಮೇಲೆ ಕಣ್ಣಿಟ್ಟಿದ್ದಾರೆ. ಸತತ 28 ಪಂದ್ಯಗಳನ್ನು ಗೆದ್ದು ಬೀಗುತ್ತಿರುವ ಮರ್ರೆ ನಾಗಾಲೋಟಕ್ಕೆ ಜೊಕೊವಿಚ್ ಬ್ರೇಕ್ ಹಾಕುತ್ತಾರ ಎನ್ನುವುದನ್ನು ಕಾದುನೋಡಬೇಕಿದೆ.
ಭಾನುವಾರ ನಡೆಯಲಿರುವ ಫೈನಲ್'ನಲ್ಲಿ ಇಬ್ಬರೂ ಸೆಣಸಲಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.