ಐಸಿಸಿ ಮನ ಗೆದ್ದ ಬಾಂಗ್ಲಾದೇಶದ 2 ವರ್ಷದ ಪೋರ..!
ಸಾರಾಂಶ
ವಿಡಿಯೋವನ್ನು ಟ್ವೀಟ್ ಮಾಡಿರುವ ಐಸಿಸಿ, ‘ಅಲಿ, ಈ ಬಾರಿ ಐಸಿಸಿ ವಾರದ ಅಭಿಮಾನಿ ನೀನು. ನಿನ್ನ ತಂದೆಯೊಂದಿಗೆ ಇದೇ ರೀತಿ ಅಭ್ಯಾಸ ಮಾಡಿದರೆ ಒಂದು ದಿನ ಬಾಂಗ್ಲಾದೇಶ ತಂಡದ ಪರ ಆಡುವುದು ಖಚಿತ’ ಎಂದು ಬರೆದಿದೆ. ಅಲಿಯ ಬ್ಯಾಟಿಂಗ್ ಕಲೆಯನ್ನು ಕ್ರಿಕೆಟ್ ಅಭಿಮಾನಿಗಳು ಕೊಂಡಾಡಿದ್ದಾರೆ.
ದುಬೈ(ಜು.27]: ಬಾಂಗ್ಲಾದೇಶದ 2 ವರ್ಷದ ಅಲಿ ಎನ್ನುವ ಬಾಲಕ ವೃತ್ತಿಪರ ಕ್ರಿಕೆಟಿಗರಂತೆ ಬ್ಯಾಟ್ ಬೀಸುವ ವಿಡಿಯೋ ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋವನ್ನು ವೀಕ್ಷಿಸಿರುವ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಮನ ಸೋತಿದೆ.
ವಿಡಿಯೋವನ್ನು ಟ್ವೀಟ್ ಮಾಡಿರುವ ಐಸಿಸಿ, ‘ಅಲಿ, ಈ ಬಾರಿ ಐಸಿಸಿ ವಾರದ ಅಭಿಮಾನಿ ನೀನು. ನಿನ್ನ ತಂದೆಯೊಂದಿಗೆ ಇದೇ ರೀತಿ ಅಭ್ಯಾಸ ಮಾಡಿದರೆ ಒಂದು ದಿನ ಬಾಂಗ್ಲಾದೇಶ ತಂಡದ ಪರ ಆಡುವುದು ಖಚಿತ’ ಎಂದು ಬರೆದಿದೆ. ಅಲಿಯ ಬ್ಯಾಟಿಂಗ್ ಕಲೆಯನ್ನು ಕ್ರಿಕೆಟ್ ಅಭಿಮಾನಿಗಳು ಕೊಂಡಾಡಿದ್ದಾರೆ.
ಪ್ರತಿ ಎಸೆತವನ್ನು ಕವರ್ ಡ್ರೈವ್ ಮಾಡುವ ಅಲಿ ಆಟ ಎಲ್ಲಾ ಕ್ರಿಕೆಟ್ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ. ಸಚಿನ್ ತೆಂಡುಲ್ಕರ್, ಜ್ಯಾಕ್ ಕಾಲೀಸ್ ಮತ್ತು ರಾಹುಲ್ ಡ್ರಾವಿಡ್ ಕವರ್ ಡ್ರೈವ್ ಮಾಡುವುದಲ್ಲಿ ಎತ್ತಿದ ಕೈ ಎನಿಸಿಕೊಂಡಿದ್ದರು. ಇದೀಗ ಅಲಿ ಕೂಡಾ ಬೆಳೆಯುವ ಸಿರಿ ಮೊಳಕೆಯಲ್ಲೇ ಎಂಬಂತೆ ಬ್ಯಾಟಿಂಗ್’ನಲ್ಲಿ ಅದ್ಭುತ ಚಾಕಚಕ್ಯತೆ ಮೆರೆಯುತ್ತಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.