ಇಂದು ಸೆಪ್ಟೆಂಬರ್ 19. ಇದು ಕ್ಯಾಲೆಂಡರ್‌ನ 263 ನೇ ದಿನವಾಗಿದೆ (ಅಧಿಕ ವರ್ಷ). ಇದು ಭೂಪರಿಧಿಯನ್ನು ದಾಟಿ ಬಾಹ್ಯಾಕಾಶಕ್ಕೆ ಕಾಲಿಟ್ಟ ಮಹಿಳೆಗೆ ಸಂಬಂಧಿಸಿದ್ದಾಗಿದೆ. ಇಂದು ಇಡೀ ಜಗತ್ತು ಅವಳ ಸುರಕ್ಷತೆಗಾಗಿ ಪ್ರಾರ್ಥನೆ ಮಾಡುತ್ತಿದೆ. ಭಾರತದೊಂದಿಗೆ ಆಳವಾದ ಲಿಂಕ್ ಹೊಂದಿರುವ ಈಕೆ ಪ್ರಸ್ತುತ ಭೂಮಿಯಿಂದ ದೂರದ ಬಾಹ್ಯಾಕಾಶದಲ್ಲಿ ವಾಸ ಮಾಡುತ್ತಿದ್ದಾರೆ.
ನವದೆಹಲಿ (ಸೆ.19): ಭಾರತದೊಂದಿಗೆ ಅತ್ಯಂತ ಹಳೆಯ ಸಂಬಂಧ ಹೊಂದಿರುವ ವ್ಯಕ್ತಿಯ ಜನ್ಮದಿನ ಇಂದು. ಇಂದು ಜಗತ್ತಿನಾದ್ಯಂತ ಆಕೆಯ ಕೀರ್ತಿ ಪತಾಕೆ ಹಾರಾಡುತ್ತಿದೆ. ಆದರೆ, ಅದನ್ನು ನೋಡಲಾಗಲಿ, ಕೇಳಲಾಗಲಿ ಆಕೆಗೆ ಸಾಧ್ಯವಿಲ್ಲ. ಯಾಕೆಂದರೆ, ಸದ್ಯ ಆಕೆ ಭೂಮಿಯ ಮೇಲಿಲ್ಲ. ನಾವು ಇಂದು ಮಾತನಾಡುತ್ತಿರುವುದು, ಬಾಹ್ಯಾಕಾಶವನ್ನೇ ತನ್ನ 2ನೇ ಮನೆಯನ್ನಾಗಿ ಮಾಡಿಕೊಂಡ ಸಾಧಕಿ ಮಹಿಳೆ ಸುನೀತಾ ವಿಲಿಯಮ್ಸ್ ಬಗ್ಗೆ. ಇಂದು ಆಕೆಯ ಜನ್ಮದಿನ. 59ನೇ ವರ್ಷಕ್ಕೆ ಕಾಲಿಟ್ಟಿರುವ ಸುನೀತಾ ವಿಲಿಯಮ್ಸ್ ಹುಟ್ಟಿದ್ದು 1965ರ ಸೆಪ್ಟಂಬರ್‌ 19 ರಂದು. ಗುಜರಾತ್‌ನ ಅಹಮದಾಬಾದ್‌ ಇವರ ಕುಟುಂಬದ ಮೂಲ. ನಾಸಾದ ಪರವಾಗಿ ಬಾಹ್ಯಾಕಾಶ ಯಾತ್ರೆಗೆ ತೆರಳಿರುವ ಸುನೀತಾ ವಿಲಿಯಮ್ಸ್ ಕೆಲವು ತಿಂಗಳುಗಳಿಂದ ಅಲ್ಲಿಯೇ ಸಿಲುಕಿಕೊಂಡಿದ್ದಾರೆ. ಇದೇ ವರ್ಷದ ಜೂನ್ 5 ರಂದು ಬೋಯಿಂಗ್‌ ಸ್ಟಾರ್‌ಲೈನರ್‌ ಕ್ಯಾಪ್ಸುಲ್‌ನಲ್ಲಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಸುನೀತಾ ವಿಲಿಯಮ್ಸ್ ತೆರಳಿದ್ದರು. ಅಲ್ಲಿ ಹೋದ ಬಳಿಕ ಕ್ಯಾಪ್ಸುಲ್‌ನಲ್ಲಿ ಸಮಸ್ಯೆ ಕಾಣಿಸಿಕೊಂಡಿದೆ. ಒಂದಲ್ಲ ಎರಡಲ್ಲ ಹಲವು ರೀತಿಯ ಸಮಸ್ಯೆಗಳು ಈ ಕ್ಯಾಪ್ಸೂಲ್ ನಲ್ಲಿ ಉಂಟಾಗಿವೆ. ಅಂದಿನಿಂದ, ಸುನೀತಾ ವಿಲಿಯಮ್ಸ್ ಬಾಹ್ಯಾಕಾಶ ನಿಲ್ದಾಣದಲ್ಲಿಯೇ ಸದ್ಯ ಉಳಿದುಕೊಂಡಿದ್ದಾರೆ.
ಆಗಿದ್ದ ಸಮಸ್ಯೆ ಏನು: ದೊಡ್ಡ ಸಮಸ್ಯೆಯೆಂದರೆ ಹೀಲಿಯಂ ಅನಿಲವು ಸ್ಟಾರ್‌ ಲೈನರ್‌ ಕ್ಯಾಪ್ಸುಲ್‌ನ ಐದು ಸ್ಥಳಗಳಲ್ಲಿ ಸೋರಿಕೆಯಾಗುತ್ತಿದೆ. ಹೀಲಿಯಂ ಬಾಹ್ಯಾಕಾಶ ನೌಕೆಯ ಪ್ರೊಪಲ್ಷನ್ ಸಿಸ್ಟಮ್ಗೆ ಒತ್ತಡವನ್ನು ಒದಗಿಸುತ್ತದೆ. ಇದಲ್ಲದೆ, ಐದು ಬಾರಿ ಥ್ರಸ್ಟರ್ ವೈಫಲ್ಯ ಸಂಭವಿಸಿದೆ. ಭಾರತೀಯ ಮೂಲದ ಅಮೇರಿಕನ್ ಗಗನಯಾತ್ರಿ ಸುನಿತಾ ವಿಲಿಯಮ್ಸ್ ಅವರು 13 ಜೂನ್ 2024 ರಂದು ಭೂಮಿಗೆ ಮರಳಬೇಕಿತ್ತು. ಆದರೆ ಇಂದು ಮೂರು ತಿಂಗಳಿಗಿಂತ ಹೆಚ್ಚು ಸಮಯ ಕಳೆದಿದೆ ಮತ್ತು ಸುನೀತಾ ಬಾಹ್ಯಾಕಾಶ ನಿಲ್ದಾಣದಲ್ಲಿ ಸಿಲುಕಿಕೊಂಡಿದ್ದಾರೆ.
ಸುನೀತಾ ಭೂಮಿಗೆ ಮರಳೋದು ಯಾವಾಗ: ಅಮೇರಿಕನ್ ಗಗನಯಾತ್ರಿ ಬ್ಯಾರಿ ಬುಚ್ ವಿಲ್ಮೋರ್ ಕೂಡ ಸುನೀತಾ ಅವರೊಂದಿಗೆ ಮರಳಬೇಕಿತ್ತು, ಅವರು ಕೂಡ ಅಲ್ಲಿ ಸಿಲುಕಿಕೊಂಡಿದ್ದಾರೆ. ಇಬ್ಬರೂ ಯಾವಾಗ ಭೂಮಿಗೆ ಮರಳುತ್ತಾರೆ? ಇದಕ್ಕೆ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಬಳಿ ಉತ್ತರವಿಲ್ಲ. ಸದ್ಯದ ಮಟ್ಟಿಗೆ ಮುಂದಿನ ಫೆಬ್ರವರಿಯಲ್ಲಿ ಅವರು ಭೂಮಿಗೆ ಮರಳುವ ಸಾಧ್ಯತೆ ಇದೆ. ಅಲ್ಲಿಯವರೆಗೂ ಬಾಹ್ಯಾಕಾಶದಲ್ಲಿ ಜೀವ ಕೈಯಲ್ಲಿ ಹಿಡಿದುಕೊಂಡು ಅವರು ಉಳಿದುಕೊಳ್ಳಬೇಕಿದೆ.
ಅಹಮದಾಬಾದ್‌ ಜೊತೆ ಸಂಬಂಧ: ಸುನೀತಾ ವಿಲಿಯಮ್ಸ್ ಹೆಸರಿನಲ್ಲಿ ಅನೇಕ ದಾಖಲೆಗಳನ್ನು ಹೊಂದಿದ್ದಾರೆ. ಬಾಹ್ಯಾಕಾಶದಲ್ಲಿ ಅತಿ ಹೆಚ್ಚು ಕಾಲ ಉಳಿದುಕೊಂಡ ದಾಖಲೆಯನ್ನು ಅವರು ಹೊಂದಿದ್ದಾರೆ. ಇಂದು ಅವರ ಜನ್ಮದಿನ, ಆದ್ದರಿಂದ ಅವರ ಜೀವನಕ್ಕೆ ಸಂಬಂಧಿಸಿದ ಇತರ ಅಂಶಗಳನ್ನು ತಿಳಿಸೋದಾದರೆ, ಭಾರತೀಯ ಮೂಲದ ಸುನೀತಾ ವಿಲಿಯಮ್ಸ್ ಅವರ ಪೂರ್ಣ ಹೆಸರು ಸುನಿತಾ ಲಿನ್ ಪಾಂಡ್ಯ ವಿಲಿಯಮ್ಸ್. ಅವರು USA ಯ ಓಹಿಯೋದಲ್ಲಿ ಯೂಕ್ಲಿಡ್ ನಗರದಲ್ಲಿ (ಕ್ಲೀವ್ಲ್ಯಾಂಡ್) ಜನಿಸಿದರು.
ಬಾಹ್ಯಾಕಾಶದಿಂದಲೇ ಸುನೀತಾ ವಿಲಿಯಮ್ಸ್- ಬುಚ್ ಸುದ್ದಿಗೋಷ್ಠಿ: ಅಲ್ಲಿಂದಲೇ ಮತ ಚಲಾವಣೆ!
ಸುನೀತಾ ವಿಲಿಯಮ್ಸ್ ತಂದೆ ಯಾರು: ಸುನೀತಾ ವಿಲಿಯಮ್ಸ್ ತಂದೆ, ಡಾ. ದೀಪಕ್ ಎನ್.ಪಾಂಡ್ಯ ಅವರು ಪ್ರಸಿದ್ಧ ನರವಿಜ್ಞಾನಿ (MD). ಅವರು ಅಹಮದಾಬಾದ್‌ನಿಂದ ಅಮೆರಿಕಕ್ಕೆ ಬಂದು 1958 ರಲ್ಲಿ ಬೋಸ್ಟನ್‌ನಲ್ಲಿ ನೆಲೆಸಿದರು. ಸುನೀತಾ ಅವರ ತಾಯಿ ಬೋನಿ ಜಲೋಕರ್ ಪಾಂಡ್ಯ ಸ್ಲೋವೇನಿಯಾ ಮೂಲದವರು. ಅವರಿಗೆ ಹಿರಿಯ ಸಹೋದರ ಜೈ ಥಾಮಸ್ ಪಾಂಡ್ಯ ಮತ್ತು ಅಕ್ಕ ಡಯಾನಾ ಆನ್ ಪಾಂಡ್ಯ ಇದ್ದಾರೆ. ಮ್ಯಾಸಚೂಸೆಟ್ಸ್‌ನಿಂದ ಪ್ರೌಢಶಾಲೆಯಲ್ಲಿ ಉತ್ತೀರ್ಣರಾದ ನಂತರ, ಸುನೀತಾ ಅವರು 1987 ರಲ್ಲಿ ಯುನೈಟೆಡ್ ಸ್ಟೇಟ್ಸ್ ನೇವಲ್ ಅಕಾಡೆಮಿಯಿಂದ ಭೌತ ವಿಜ್ಞಾನದಲ್ಲಿ BS (ಪದವಿ) ಪರೀಕ್ಷೆಯಲ್ಲಿ ಉತ್ತೀರ್ಣರಾದರು. ನಂತರ 1995 ರಲ್ಲಿ ಅವರು ಫ್ಲೋರಿಡಾ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಇಂಜಿನಿಯರಿಂಗ್ ಮ್ಯಾನೇಜ್‌ಮೆಂಟ್‌ನಲ್ಲಿ MS ಪಡೆದರು.
ಬಾಹ್ಯಾಕಾಶದ ಜೀವನ ಹೇಗಿರುತ್ತೆ? ಅಲ್ಲೇ ಹುಟ್ಟುಹಬ್ಬ ಆಚರಿಸಿಕೊಳ್ತಿರೋ ಸುನೀತಾ ವಿವರಿಸಿರೋ ವಿಡಿಯೋ ವೈರಲ್