ವೇತನ ಹೆಚ್ಚಳ ಮತ್ತು ಬಡ್ತಿಗಾಗಿ ಉದ್ಯೋಗಿಗಳಿಗೆ ಷರತ್ತು ವಿಧಿಸಿದ ಐಟಿ ದಿಗ್ಗಜ ಟಿಸಿಎಸ್‌

ಭಾರತದ ಅತಿದೊಡ್ಡ IT ಸಂಸ್ಥೆಗಳಲ್ಲಿ ಒಂದಾದ ಟಿಸಿಎಸ್‌ ಇದೀಗ ಸಂಸ್ಥೆಯ ಇತ್ತೀಚಿನ ರಿಟರ್ನ್-ಟು-ಆಫೀಸ್ ಆದೇಶಕ್ಕೆ  ಮುಂದಾಗಿದೆ. ಕಂಪನಿಯು ಈ ನೀತಿಯೊಂದಿಗೆ ವೇತನದಲ್ಲಿರುವ ವೇರಿಯಬಲ್ ಪಾವತಿಗಳನ್ನು ಸಹ ಲಿಂಕ್ ಮಾಡಿದೆ. ನಿಯೋಜಿತ ಕೋರ್ಸ್‌ಗಳನ್ನು ಪೂರ್ಣಗೊಳಿಸಿದ ಮತ್ತು ಪ್ರಮಾಣಿತ ವಾರ್ಷಿಕ ಪರಿಹಾರ ರೂ 3 ಲಕ್ಷಕ್ಕಿಂತ ಹೆಚ್ಚಿನ ಸಂಬಳಕ್ಕೆ ಅರ್ಹರಾಗಿರುವ ಫ್ರೆಶರ್‌ಗಳಿಗೂ ಈ ನಿಯಮ ಅನ್ವಯಿಸುತ್ತದೆ ಎಂದು ಹೇಳಲಾಗಿದೆ. ಈ ಮೂಲಕ ವೇತನ ಹೆಚ್ಚಳ ಮತ್ತು ಬಡ್ತಿಗಾಗಿ ಉದ್ಯೋಗಿಗಳಿಗೆ ಷರತ್ತು ವಿಧಿಸಿದೆ.

ವರದಿ ಪ್ರಕಾರ IT ಸಂಸ್ಥೆ ಟಿಸಿಎಸ್‌ ತನ್ನ ಎಲ್ಲಾ ನೌಕರರು  ವಾರದ ಎಲ್ಲಾ ಐದು ದಿನಗಳ ಕಾಲ ಕಚೇರಿಗೆ  ಕಚೇರಿಗೆ ಮರಳಬೇಕೆಂದು ಕಡ್ಡಾಯಗೊಳಿಸಿದೆ, ಇದು ನಿರ್ದಿಷ್ಟ ತಂಡಗಳಿಗೆ ಮನೆಯಿಂದ ಕೆಲಸ ಮಾಡುವ ಆಯ್ಕೆಗೆ ಮುಕ್ತಾಯವನ್ನು ಸೂಚಿಸಿದೆ.

ಉದ್ಯೋಗಿಗಳು ತಮ್ಮ ನಿವಾಸಗಳಿಗೆ ಹತ್ತಿರವಿರುವ ಸ್ಥಳಗಳನ್ನು ಆಯ್ಕೆ ಮಾಡಿಕೊಳ್ಳುವ ಬದಲು ಸಂಸ್ಥೆ ಗೊತ್ತುಪಡಿಸಿದ ಕಚೇರಿಗಳಿಗೆ ಬದ್ಧವಾಗಿರಬೇಕು ಎಂದು ನಿರ್ದೇಶನ ನೀಡಲಾಗಿದೆ. ಕೆಲವು ಉದ್ಯೋಗಿಗಳು ಹೆಚ್ಚಿದ ವೇರಿಯಬಲ್ ಪಾವತಿಯಿಂದಾಗಿ ನಗರ ಲಿವಿಂಗ್ ಭತ್ಯೆಗಳನ್ನು ತ್ಯಜಿಸಲು ಸಿದ್ಧರಿದ್ದಾರೆ ಎಂದು ವರದಿಯಾಗಿದೆ.  ಹೆಚ್‌ಆರ್‌ ಇಲಾಖೆಯು ಕೇಸ್-ಬೈ-ಕೇಸ್ ಆಧಾರದ ಮೇಲೆ ಮನೆಯಿಂದ ಸೀಮಿತ ಕೆಲಸದ ಅವಕಾಶಗಳನ್ನು ಅನುಮತಿಸುತ್ತಿದೆ ಎಂದು ಹೇಳಲಾಗಿದೆ.

ಇನ್ಫೋಸಿಸ್ ಮತ್ತು ವಿಪ್ರೋ ಸೇರಿದಂತೆ ಹಲವಾರು ಐಟಿ ಸಂಸ್ಥೆಗಳು ಉದ್ಯೋಗಿಗಳಿಗೆ ಕಚೇರಿಯಿಂದಲೇ ಕೆಲಸ ಮಾಡುವುದನ್ನು ಕಡ್ಡಾಯಗೊಳಿಸಿವೆ. ಈ ಮೂಲಕ ಮನೆಯಿಂದಲೇ ಕೆಲಸ ಮಾಡುವ ಯುಗದ ಅಂತ್ಯಕ್ಕೆ ಮುನ್ನುಡಿ ಬರೆದಿದೆ. ವಿಪ್ರೋ ಕಡ್ಡಾಯವಾದ ಹೈಬ್ರಿಡ್ ಕೆಲಸದ ನೀತಿಯನ್ನು ಅನಾವರಣಗೊಳಿಸಿದೆ, ನೌಕರರು ವಾರಕ್ಕೆ ಕನಿಷ್ಠ ಮೂರು ದಿನಗಳ ಕಾಲ ಕಚೇರಿಯಲ್ಲಿ ದೈಹಿಕವಾಗಿ ಹಾಜರಿರಬೇಕು ಎಂದು ಸೂಚಿಸಿದೆ.