ಕುಮಾ​ರ​ಸ್ವಾಮಿಗೆ ವ್ಯವ​ಹಾರ ಚೆನ್ನಾ​ಗಿ​ದ್ದಾಗ ನೈಸ್‌ ಬೇಕಿತ್ತು: ಡಿ.ಕೆ.​ಸು​ರೇಶ್‌

ಮಾಧ್ಯ​ಮ​ಗ​ಳಲ್ಲಿ ಪುಕ್ಕಟೆ ಪ್ರಚಾರ ಸಿಗು​ತ್ತದೆ ಎಂದು ನೈಸ್‌ ರಸ್ತೆ ಬಗ್ಗೆಯೇ ಮಾತ​ನಾ​ಡು​ತ್ತಿ​ದ್ದಾರೆ. ಆ ನೈಸ್‌ ರಸ್ತೆಗೆ ಸಹಿ ಹಾಕಿ​ದ​ವರು ಯಾರು? ಡಿ.ಕೆ.ಶಿ​ವ​ಕು​ಮಾರ್‌ ಅಥವಾ ಕಾಂಗ್ರೆಸ್‌ನ ಬೇರೆ ನಾಯ​ಕರು ಯಾರಾ​ದರೂ ಸಹಿ ಹಾಕಿ​ದ್ದಾರಾ? ನಿಮಗೆ ಸಹಿ ಹಾಕಲು ಯಾರು ಹೇಳಿ​ದ್ದರು, ನಿಮ್ಮ​ವರೇ ತಾನೇ? ಎಂದು ಪ್ರಶ್ನಿಸಿದ ಡಿ.ಕೆ. ಸುರೇಶ್‌  

ರಾಮ​ನ​ಗರ(ಆ.18):  ನಿಮಗೆ ವ್ಯವ​ಹಾರ ಬೇಕು ಅಂದಾಗ ನೈಸ್‌ ರಸ್ತೆ ಬೇಕಾ​ಗಿತ್ತು. ಈಗ ವ್ಯವ​ಹಾರ ಇಲ್ಲ​ವಲ್ಲ, ಅದಕ್ಕೆ ನೈಸ್‌ ರಸ್ತೆ​ ವಿರೋಧಿಸುತ್ತಿದ್ದೀರಿ. ಅಷ್ಟಕ್ಕೂ ನೀವು ಮುಖ್ಯ​ಮಂತ್ರಿ ಆಗಿ​ದ್ದಾಗ ನೈಸ್‌ ಯೋಜನೆ ಕುರಿತು ಒಂದೇ ಒಂದು ಸಭೆ ನಡೆ​ಸ​ಲಿಲ್ಲ ಏಕೆ ಎಂದು ಮಾಜಿ ಮುಖ್ಯ​ಮಂತ್ರಿ ಎಚ್‌.ಡಿ.ಕುಮಾ​ರ​ಸ್ವಾಮಿ ಅವ​ರನ್ನು ಸಂಸದ ಡಿ.ಕೆ.​ಸು​ರೇಶ್‌ ಪ್ರಶ್ನಿ​ಸಿ​ದ್ದಾರೆ.

ಮಾಧ್ಯ​ಮ​ಗ​ಳಲ್ಲಿ ಪುಕ್ಕಟೆ ಪ್ರಚಾರ ಸಿಗು​ತ್ತದೆ ಎಂದು ನೈಸ್‌ ರಸ್ತೆ ಬಗ್ಗೆಯೇ ಮಾತ​ನಾ​ಡು​ತ್ತಿ​ದ್ದಾರೆ. ಆ ನೈಸ್‌ ರಸ್ತೆಗೆ ಸಹಿ ಹಾಕಿ​ದ​ವರು ಯಾರು? ಡಿ.ಕೆ.ಶಿ​ವ​ಕು​ಮಾರ್‌ ಅಥವಾ ಕಾಂಗ್ರೆಸ್‌ನ ಬೇರೆ ನಾಯ​ಕರು ಯಾರಾ​ದರೂ ಸಹಿ ಹಾಕಿ​ದ್ದಾರಾ? ನಿಮಗೆ ಸಹಿ ಹಾಕಲು ಯಾರು ಹೇಳಿ​ದ್ದರು, ನಿಮ್ಮ​ವರೇ ತಾನೇ? ನಿಮಗೆ ವ್ಯವ​ಹಾರ ಬೇಕು ಅಂದಾಗ ನೈಸ್‌ ರಸ್ತೆ ಬೇಕಾ​ಗಿತ್ತು. ಈಗ ವ್ಯವ​ಹಾರ ಇಲ್ಲ​ವಲ್ಲ ಅದಕ್ಕೆ ಮಾತ​ನಾ​ಡು​ತ್ತಿ​ದ್ದೀರಿ ಎಂದು ಟೀಕಿ​ಸಿ​ದ​ರು. ನೈಸ್‌ ರಸ್ತೆ ಹೆಸರಲ್ಲಿ ಬೆಂಗ​ಳೂರು-ಮೈಸೂರು ಭಾಗದ ರೈತ​ರಿಗೆ ಅನ್ಯಾ​ಯ​ವಾ​ಗಿ​ದ್ದರೆ ಅದು ನಿಮ್ಮಿಂದ ಅನ್ನುವುದನ್ನು ಮರೆ​ಯ​ಬಾ​ರದು. ತಮಿ​ಳು​ನಾಡಿನ ಹೊಸೂರು ಉದ್ಧಾರ ಆಗಲು ನೀವು ಕಾರಣ ಎಂದು ಹೇಳಿದರು.

ದೇವ​ನ​ಹ​ಳ್ಳಿ, ಹೊಸ​ಕೋಟೆ, ದೊಡ್ಡ​ಬ​ಳ್ಳಾ​ಪು​ರ,​ ಚಿ​ಕ್ಕ​ಬ​ಳ್ಳಾ​ಪು​ರದ ಕಡೆ ಜನ ಹೋಗು​ತ್ತಿ​ದ್ದಾರೆ ಅಂದರೆ ಅದಕ್ಕೆ ಕಾರಣ ನೀವೇ. ನೈಸ್‌ ರಸ್ತೆ​ಯನ್ನು ಪೂ​ರ್ಣ​ಗೊ​ಳಿ​ಸಿ​ದ್ದರೆ ಸುತ್ತಮುತ್ತಲ ರೈತರ ಆಸ್ತಿ​ಮೌಲ್ಯ .5 ರಿಂದ .10 ಕೋಟಿಗೆ ತಲುಪುತ್ತಿತ್ತು. ಮುಖ್ಯ​ಮಂತ್ರಿ ಆಗಿ​ದ್ದಾಗ ನೈಸ್‌ ಯೋಜನೆ ಕುರಿತು ಒಂದೇ ಒಂದು ಸಭೆ ಕರೆ​ಯ​ಲಿಲ್ಲ. ಮಾಧ್ಯ​ಮ​ಗ​ಳಲ್ಲಿ ಪುಕ್ಕಟೆ ಪ್ರಚಾರ ಪಡೆ​ಯು​ತ್ತಿ​ದ್ದೀರಿ. ನೀವು ರೈತ​ರಿಗೆ ಮಾಡಿ​ರುವ ಅನ್ಯಾ​ಯ​ ಮರೆ​ಯ​ಬೇಡಿ ಎಂದು ಸುರೇಶ್‌ ವಾಗ್ದಾಳಿ ನಡೆ​ಸಿ​ದ​ರು.

ನೈಸ್‌ ರಸ್ತೆ ಬಗ್ಗೆ ಏನಾ​ದರು ಒಂದು ತೀರ್ಮಾನ ತೆಗೆ​ದು​ಕೊ​ಳ್ಳ​ಲೇ ಬೇ​ಕಿದೆ. ಅದನ್ನು ಬಿಟ್ಟು ಇಲ್ಲ​ದಿ​ರುವ ವ್ಯಾಜ್ಯ ಸೃ​ಷ್ಟಿ​ಸಿ​ದರೆ ಮೊಮ್ಮ​ಕ್ಕಳ ಕಾಲ​ದ​ವ​ರೆಗೂ ಸಮಸ್ಯೆ ಬಗೆ​ಹ​ರಿ​ಯಲ್ಲ ಎಂದರು.

ಬಿಡದಿಯಲ್ಲಿ ಬೆಂಗಳೂರು ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕ್‌ ನಿಯಮಿತದಿಂದ ಬಿಡದಿ ವಿವಿಧೋದ್ದೇಶ ಗ್ರಾಮೀಣ ಕೃಷಿ ಸಹಕಾರ ಸಂಘಕ್ಕೆ ಮಂಜೂರಾಗಿರುವ ಕೆಸಿಸಿ ಬೆಳೆ ಸಾಲ ವಿತರಣಾ ಕಾರ್ಯಕ್ರಮ ಉದ್ಘಾಟಿಸಿ ಗುರುವಾರ ಮಾತನಾಡಿದರು.