ರಾಜ್ಯದ 10 ಮಹಾನಗರ ಪಾಲಿಕೆ ಮೇಯರ್-ಉಪಮೇಯರ್ ಚುನಾವಣೆಗೆ ಮೀಸಲಾತಿ ಪ್ರಕಟ

10 ಮಹಾನಗರ ಪಾಲಿಕೆಗಳ ಮೇಯರ್ ಹಾಗೂ ಉಪಮೇಯರ್ ಚುನಾವಣೆಗೆ ಮೀಸಲಾತಿ ಪಟ್ಟಿ ಪ್ರಕಟವಾಗಿದ್ದು, ಯಾವ ಪಾಲಿಕೆ ಯಾವ ಮೀಸಲಾತಿ ಬಂದಿದೆ ಎನ್ನುವ ಮಾಹಿತಿ ಇಂತಿದೆ.

ಬೆಂಗಳೂರು, (ಫೆ.12):  ರಾಜ್ಯದ 10 ಮಹಾನಗರ ಪಾಲಿಕೆಗಳ ಮೇಯರ್ ಹಾಗೂ ಉಪಮೇಯರ್ ಚುನಾವಣೆಗೆ ಮೀಸಲಾತಿ ಪಟ್ಟಿ ಪ್ರಕಟವಾಗಿದೆ. 

ವಿವಿಧ ಕ್ಯಾಟಗರಿಗಳಿಗೆ ಮೇಯರ್, ಉಪ ಮೇಯರ್ ಸ್ಥಾನವನ್ನ ನಿಯೋಜನೆ ಮಾಡಿ ರಾಜ್ಯ ಸರ್ಕಾರ ಇಂದು (ಶುಕ್ರವಾರ) ಆದೇಶ ಹೊಡಡಿಸಿದೆ.

ಈ ಎಲ್ಲಾ ಹತ್ತು ಮಹಾನಗರ ಪಾಲಿಕೆಗಗಳ ಮೇಯರ್ ಹಾಗೂ ಉಪ ಮೇಯರ್ ಮೀಸಲಾತಿ ಪ್ರಕಟಿಸುವ ಮೊದಲು ರಾಜ್ಯ ಸರ್ಕಾರ ಕಳೆದ ಜನವರಿ 21ರಂದು ಮೀಸಲಾತಿ ನಿಗದಿಪಡಿಸುವ ಕುರಿತು ಎಲ್ಲಾ ಜಿಲ್ಲಾಧಿಕಾರಿಗಳಿಗೆ ಮಾರ್ಗಸೂಚಿ ಹೊರಡಿಸಿತ್ತು. ಅದರಂತೆ ಇದೀಗ ಅಧಿಕೃತ ಆದೇಶ ಹೊರಡಿಸಿದೆ.

ಬಳ್ಳಾರಿ,ಬೆಳಗಾವಿ, ದಾವಣಗೆರೆ,ಹುಬ್ಬಳ್ಳಿ-ಧಾರವಾಡ, ಕಲಬುರಗಿ, ಮಂಗಳೂರು,ಮೈಸೂರು,ಶಿವಮೊಗ್ಗ, ತುಮಕೂರು ಹಾಗೂ ವಿಜಯಪುರ ಮಹಾನಗ ಪಾಲಿಕೆ ಮೇಯರ್ ಹಾಗೂ ಉಪಮೇಯರ್ ಮೀಸಲಾತಿ ಪ್ರಕಟಿಸಲಾಗಿದೆ. ಅದು ಈ ಕೆಳಗಿನಂತಿದೆ.

ಮೀಸಲಾತಿ ಪಟ್ಟಿ
1. ಬಳ್ಳಾರಿ: ಮೇಯರ್ -ಸಾಮಾನ್ಯ , ಉಪ ಮೇಯರ್ -ಒಬಿಸಿ
2. ಬೆಳಗಾವಿ: ಮೇಯರ್ -ಸಾಮಾನ್ಯ , ಉಪ ಮೇಯರ್ -ಸಾಮಾನ್ಯ ಮಹಿಳೆ
3. ದಾವಣಗೆರೆ: ಮೇಯರ್ -‌SC ಮಹಿಳೆ , ಉಪ ಮೇಯರ್ -ಸಾಮಾನ್ಯ ಮಹಿಳೆ
4. ಹುಬ್ಬಳ್ಳಿ ಧಾರವಾಡ: ಮೇಯರ್‌ -ಒಬಿಸಿ(ಎ), ಉಪ ಮೇಯರ್ -‌SC ಮಹಿಳೆ
5. ಕಲಬುರಗಿ: ಮೇಯರ್‌ -ಸಾಮಾನ್ಯ ಮಹಿಳೆ, ಉಪ ಮೇಯರ್ -ಒಬಿಸಿ (ಬಿ)
6. ಮಂಗಳೂರು: ಮೇಯರ್ -ಸಾಮಾನ್ಯ , ಉಪ ಮೇಯರ್ -ಒಬಿಸಿ(ಎ) ಮಹಿಳೆ
7. ಮೈಸೂರು: ಮೇಯರ್ -ಸಾಮಾನ್ಯ ಮಹಿಳೆ, ಉಪ ಮೇಯರ್ -ಸಾಮಾನ್ಯ
8. ಶಿವಮೊಗ್ಗ: ಮೇಯರ್ -ಒಬಿಸಿ(ಎ) ಮಹಿಳೆ, ಉಪ ಮೇಯರ್ -ಸಾಮಾನ್ಯ
9. ತುಮಕೂರು: ಮೇಯರ್ -SC, ಉಪ ಮೇಯರ್ -ಸಾಮಾನ್ಯ ಮಹಿಳೆ
10. ವಿಜಯಪುರ: ಮೇಯರ್ -ಸಾಮಾನ್ಯ , ಉಪ ಮೇಯರ್ -ಒಬಿಸಿ(ಎ)