ಕಿಂಗ್ ಆಫ್ ಕ್ಲೇ ಕೋರ್ಟ್ ನಡಾಲ್ ಪಾಲಾದ 10ನೇ ಇಟಾಲಿಯನ್ ಓಪನ್
ಸಾರಾಂಶ
* ಇಟಾಲಿಯನ್ ಓಪನ್ ಟೆನ್ನಿಸ್ ಟೂರ್ನಿಯಲ್ಲಿ ರಫೇಲ್ ನಡಾಲ್ ಚಾಂಪಿಯನ್ * ವಿಶ್ವದ ನಂ.1 ಟೆನ್ನಿಸ್ ಆಟಗಾರ ನೊವಾಕ್ ಜೋಕೋವಿಚ್ ವಿರುದ್ದ ನಡಾಲ್ಗೆ ಜಯ * 10ನೇ ಬಾರಿಗೆ ಇಟಾಲಿಯನ್ ಓಪನ್ ಟ್ರೋಫಿ ಜಯಿಸಿದ ನಡಾಲ್
ರೋಮ್(ಮೇ.18): ಇಲ್ಲಿ ನಡೆದ ಇಟಾಲಿಯನ್ ಓಪನ್ ಟೆನ್ನಿಸ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಸ್ಪೇನ್ನ ಟೆನ್ನಿಸ್ ಆಟಗಾರ ಹಾಗೂ ಆವೆ ಅಂಗಣದ ರಾಜ(ಕಿಂಗ್ ಆಫ್ ಕ್ಲೇ ಕೋರ್ಟ್) ರಫೇಲ್ ನಡಾಲ್ ಅವರು ವಿಶ್ವದ ನಂ.1 ಟೆನ್ನಿಸ್ ಆಟಗಾರ ನೊವಾಕ್ ಜೋಕೋವಿಚ್ ವಿರುದ್ಧ ವಿಜಯ ಸಾಧಿಸಿದ್ದಾರೆ.
ಈ ಮೂಲಕ ಎಡಗೈ ಟೆನಿಸಿಗ 10ನೇ ಸಲ ಇಟಾಲಿಯನ್ ಓಪನ್ ಗೆದ್ದ ಆಟಗಾರ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. 2 ಗಂಟೆ 49 ನಿಮಿಷಗಳ ಕಾಲ ನಡೆದ ಸುದೀರ್ಘ ಆಟದಲ್ಲಿ ನಡಾಲ್ 7-5, 1-6, 6-3 ಅಂತರದಿಂದ ನೊವಾಕ್ ಜೋಕೋವಿಚ್ ವಿರುದ್ದ ಜಯ ಸಾಧಿಸಿದರು.
ಈ ಟ್ರೋಫಿಯನ್ನು 10ನೇ ಬಾರಿಗೆ ಎತ್ತಿ ಹಿಡಿಯುತ್ತಿರುವುದು ನಿಜಕ್ಕೂ ಒಂದು ರೀತಿಯ ಅದ್ಭುತ ಅನುಭವ. ಏನೋ ಒಂದು ರೀತಿಯ ಅಸಾಧ್ಯವಾದ್ದದ್ದನ್ನು ಸಾಧಿಸಿದ ಅನುಭವ ಎಂದು ನಡಾಲ್ ಈ ಗೆಲುವಿನ ಖುಷಿಯನ್ನು ಬಣ್ಣಿಸಿದ್ದಾರೆ.
ಈ ವರ್ಷವೂ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿ ಮುಂದೂಡಿಕೆ?
ಫೈನಲ್ನಲ್ಲಿ ರಫೇಲ್ ನಡಾಲ್ ಅವರನ್ನು ಎದುರಿಸುವುದಕ್ಕಿಂತ ದೊಡ್ಡ ಸವಾಲು ಮತ್ತೊಂದಿಲ್ಲ. ಈ ಪಂದ್ಯವನ್ನು ಗೆಲ್ಲಲು ಸಾಧ್ಯವಾಗದೇ ಇರುವುದಕ್ಕೆ ಬೇಸರವಿದೆ. ಹಾಗಂತ ನನ್ನ ಪ್ರದರ್ಶನದ ಬಗ್ಗೆ ನನಗೆ ತೃಪ್ತಿಯಿದೆ. 3 ಗಂಟೆಗಳ ಕಾಲ ಒಳ್ಳೆಯ ಆಟ ಮೂಡಿ ಬಂತು ಎಂದು ನೊವಾಕ್ ಜೋಕೋವಿಚ್ ಅಭಿಪ್ರಾಯಪಟ್ಟಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.