ಫೆಂಚ್ ಓಪನ್ ಸೆಮೀಸ್: ಪಂದ್ಯದಲ್ಲಿ ನಡಾಲ್-ಜೋಕೋವಿಕ್ ಸೆಣಸು
ಸಾರಾಂಶ
* ಫ್ರೆಂಚ್ ಓಪನ್ ಸೆಮಿಫೈನಲ್ನಲ್ಲಿ ನಡಾಲ್-ಜೋಕೋವಿಚ್ ಮುಖಾಮುಖಿ * ಫ್ರೆಂಚ್ ಓಪನ್ ಸೆಮಿಫೈನಲ್ನಲ್ಲಿ 8ನೇ ಬಾರಿ ಮುಖಾಮುಖಿಯಾಗುತ್ತಿರುವ ನಡಾಲ್-ಜೋಕೋ * ರಷ್ಯಾದ ಅನಸ್ತೇಸಿಯಾ ಪಾವ್ಲುಚೆಂಕೋವಾ ಫ್ರೆಂಚ್ ಓಪನ್ ಮಹಿಳೆಯರ ಸಿಂಗಲ್ಸ್ ಫೈನಲ್ಗೆ ಲಗ್ಗೆ
ಪ್ಯಾರಿಸ್(ಜೂ.11): ವಿಶ್ವದ ನಂ.1 ಟೆನಿಸ್ ಆಟಗಾರ ನೊವಾಕ್ ಜೋಕೊವಿಚ್ ಹಾಗೂ 13 ಬಾರಿ ಫ್ರೆಂಚ್ ಒಪನ್ ಗೆದ್ದಿರುವ ರಾಫೆಲ್ ನಡಾಲ್ ಫ್ರೆಂಚ್ ಓಪನ್ ಸೆಮಿಫೈನಲ್ ಪ್ರವೇಶಿಸಿದ್ದು, ಇಬ್ಬರೂ ಸೆಮಿಫೈನಲ್ನಲ್ಲೇ ಮುಖಾಮುಖಿಯಾಗಲಿದ್ದಾರೆ. ಹೀಗಾಗಿ ಹೈವೋಲ್ಟೇಜ್ ಕದನಕ್ಕೆ ಶುಕ್ರವಾರದ ಓಪನ್ ಸೆಮಿಫೈನಲ್ ಸಾಕ್ಷಿಯಾಗಲಿದೆ.
ಇಬ್ಬರೂ ಫ್ರೆಂಚ್ ಓಪನ್ ಸೆಮಿಫೈನಲ್ನಲ್ಲಿ ಮುಖಾಮುಖಿಯಾಗುತ್ತಿರುವುದು ಇದು 8ನೇ ಬಾರಿ ಆಗಿದೆ. ಜೋಕೊವಿಚ್ ಇಟಲಿಯ ಮ್ಯಾಥ್ಯೂ ಬೆರೆಟಿನ ವಿರುದ್ಧ 6-3,6-2,6-7(5), 7-5ರಿಂದ ಗೆದ್ದರೆ, ನಡಾಲ್ ಅರ್ಜೆಂಟೀನಾದ ಡೀಗೋ ಸ್ವಾಜ್ರ್ಮ್ಯಾನ್ ವಿರುದ್ಧ 6-3,4-6,6-4,6-0 ರಿಂದ ಗೆದ್ದರು.
ಫ್ರೆಂಚ್ ಓಪನ್: ಹಾಲಿ ಚಾಂಪಿಯನ್ ಇಗಾ ಸ್ವಿಯಾಟೆಕ್ ಔಟ್
ಫ್ರೆಂಚ್ ಓಪನ್: ಚೊಚ್ಚಲ ಫೈನಲ್ಗೆ ಅನಸ್ತೇಸಿಯಾ
ಪ್ಯಾರಿಸ್: ರಷ್ಯಾದ ಅನಸ್ತೇಸಿಯಾ ಪಾವ್ಲುಚೆಂಕೋವಾ ಫ್ರೆಂಚ್ ಓಪನ್ ಮಹಿಳೆಯರ ಸಿಂಗಲ್ಸ್ ಫೈನಲ್ ಪ್ರವೇಶಿಸಿದ್ದಾರೆ. ಗುರುವಾರದ ಸೆಮಿಫೈನಲ್ನಲ್ಲಿ ಸ್ಲೊವೇನಿಯಾದ ತಮಾರಾ ಜಿದಾನ್ಸೆಕ್ ವಿರುದ್ಧ 7-5, 6-3 ನೇರ ಸೆಟ್ ಗಳಿಸಿದ ಪಾವ್ಲುಚೆಂಕೋವಾ, 2015ರಲ್ಲಿ ಮರಿಯಾ ಶರಪೋವಾ ಬಳಿಕ ಫ್ರೆಂಚ್ ಓಪನ್ ಮಹಿಳೆಯರ ಸಿಂಗಲ್ಸ್ ಫೈನಲ್ ತಲುಪಿದ ಮೊದಲ ರಷ್ಯಾ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.