ವಿದ್ಯಾರ್ಥಿನಿಯೊಬ್ಬಳು ಮೇಜಿನ ಮೇಲೆ ಹತ್ತಿ ಶಿಕ್ಷಕನಿಗೇ ಕಾಲಿನಿಂದ ಒದ್ದಿದ್ದಲ್ಲದೇ, ಕಪಾಳಕ್ಕೆ ಬಾರಿಸಿರುವ ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ.
ಅಮೆರಿಕಾದ ಕಾಲ್ ಹೌನ್ ಕೌಂಟಿ ಪ್ರೌಢ ಶಾಲೆಯಲ್ಲಿ ನಡೆದ ಘಟನೆಯೊಂದು ಎಲ್ಲರನ್ನೂ ಬೆಚ್ಚಿ ಬೀಳಿಸಿದೆ. ಶಾಲೆಯಲ್ಲಿ ವಿದ್ಯಾರ್ಥಿನಿಯೊಬ್ಬಳು ಮೇಜಿನ ಮೇಲೆ ಹತ್ತಿ ಶಿಕ್ಷಕನಿಗೇ ಕಾಲಿನಿಂದ ಒದ್ದಿದ್ದಲ್ಲದೇ, ಕಪಾಳಕ್ಕೆ ಬಾರಿಸಿದ್ದಾಳೆ. ಸಾಮಾಜಿಕ ತಾಣಗಳಲ್ಲಿ ಈ ವಿಡಿಯೋ ಬಹಳಷ್ಟು ವೈರಲ್ ಆಗುತ್ತಿದೆ.
ಶಿಕ್ಷಕನೊಬ್ಬ ಪಾಠ ಮಾಡಲು ತರಗತಿಗೆ ಆಗಮಿಸಿದ್ದಾರೆ. ಈ ವೇಳೆ ಏಕಾಏಕಿ ಮೇಜಿನ ಮೇಲೆ ಹತ್ತಿದ ವಿದ್ಯಾರ್ಥಿನಿ ಶಿಕ್ಷಕನಿಗೆ ಕಾಲಿನಿಂದ ಒದೆಯಲಾರಂಭಿಸಿದ್ದಾಳೆ. ಈಕೆಯ ವರ್ತನೆ ಕಂಡು ತರಗತಿಯಲ್ಲಿದ್ದ ವಿದ್ಯಾರ್ಥಿಗಳು ನಗಲಾರಂಭಿಸಿದ್ದಾರೆ. ಅತ್ತ ಶಿಕ್ಷಕ ಕುಳಿತಲ್ಲಿದ್ದ ಏಳಲಾಗದೆ ಪರದಾಡುತ್ತಿದ್ದರೆ, ಇತ್ತ ವಿದ್ಯಾರ್ಥಿನಿ ಸಾಲದೆಂಬಂತೆ ಕಪಾಳಕ್ಕೆ ಬಾರಿಸಲಾರಂಭಿಸಿದ್ದಾಳೆ.
ವಿದ್ಯಾರ್ಥಿನಿಯ ಈ ಅನಿರೀಕ್ಷಿತ ವರ್ತನೆ ಕಂಡು ಬೆಚ್ಚಿ ಬಿದ್ದ ಶಿಕ್ಷಕ ಅದೇಗೋ ಪರದಾಡಿ ದೂರ ಹೋಗಿ ನಿಂತಿದ್ದಾರೆ. ಇದಾದ ಬಳಿಕ ವಿದ್ಯಾರ್ಥಿನಿ ಮೇಜಿನ ಮೇಲೆ ಕಾಲಿಟ್ಟು ಕುರ್ಚಿಯ ಮೇಲೆ ಕುಳಿತಿದ್ದಾಳೆ. ಯುವತಿಯ ಈ ವರ್ತನೆ ಬಳಿಕ ಆಕೆಯನ್ನು ಶಾಲೆಯಿಂದ ಅಮಾನತ್ತುಗೊಳಿಸಲಾಗಿದೆ ಅಲ್ಲದೇ ಶಾಲಾ ಮಂಡಳಿಯು ಪೊಲೀಸರಿಗೆ ದೂರನ್ನು ನೀಡಿದ್ದಾರೆ. ಸದ್ಯ ಈ ವಿಡಿಯೋ ವೈರಲ್ ಆಗಿದೆ.