ಭಾರತಕ್ಕೆ ಭೇಟಿ ನೀಡಲಿರುವ ಇಂಗ್ಲೆಂಡ್ ಅಧ್ಯಕ್ಷೆ

ಮೂರು ದಿನಗಳ ಮಟ್ಟಿಗೆ ಥೆರೇಸಾ ಮೇ ಭಾರತಕ್ಕೆ ಭೇಟಿ ನೀಡಲಿದ್ದಾರೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ. ಥೆರೇಸಾ ಪಾಲಿಗೆ ಯೂರೋಪ್ ಹೊರತುಪಡಿಸಿ ಭಾರತಕ್ಕೆ ಮೊದಲ ದ್ವಿಪಕ್ಷೀಯ ಭೇಟಿ ಇದಾಗಲಿದೆ.

ನವದೆಹಲಿ(ಅ.16): ಭಾರತದ ಆರ್ಥಿಕತೆಯ ಮೇಲೆ ಕಣ್ಣಿಟ್ಟಿರುವ ಬ್ರಿಟನ್ ನೂತನ ಪ್ರಧಾನಿ ಥೆರೇಸಾ ಮೇ, ಭಾರತ ಹಾಗೂ ಇಂಗ್ಲೆಂಡ್ ವಾಣಿಜ್ಯ-ವಹಿವಾಟು ಹೆಚ್ಚಿಸುವ ಸಲುವಾಗಿ ದ್ವಿಪಕ್ಷೀಯ ಮಾತುಕತೆ ನಡೆಸಲು ನವೆಂಬರ್ 07 ರಂದು ಭಾರತಕ್ಕೆ ಭೇಟಿ ನೀಡಲಿದ್ದಾರೆ.

ಮೂರು ದಿನಗಳ ಮಟ್ಟಿಗೆ ಥೆರೇಸಾ ಮೇ ಭಾರತಕ್ಕೆ ಭೇಟಿ ನೀಡಲಿದ್ದಾರೆ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ. ಥೆರೇಸಾ ಪಾಲಿಗೆ ಯೂರೋಪ್ ಹೊರತುಪಡಿಸಿ ಭಾರತಕ್ಕೆ ಮೊದಲ ದ್ವಿಪಕ್ಷೀಯ ಭೇಟಿ ಇದಾಗಲಿದೆ.

ಭೇಟಿಯ ವೇಳೆ ಪ್ರಧಾನಿ ನರೇಂದ್ರ ಮೋದಿಯವರ ಜೊತೆ ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಸಹಭಾಗಿತ್ವದ ಕುರಿತಂತೆ ಮಾತುಕತೆ ನಡೆಸಲಿದ್ದಾರೆ. ಇದಲ್ಲದೆ ಜಂಟಿ ಆರ್ಥಿಕ ಮತ್ತು ವಾಣಿಜ್ಯ ಸಮಿತಿ ಸಭೆ ನಡೆಯಲಿದೆ ಎಂದು ಸಚಿವಾಲಯ ತಿಳಸಿದೆ.

2015 ರಲ್ಲಿ ನರೇಂದ್ರ ಮೋದಿ ಇಂಗ್ಲೆಂಡ್'ಗೆ ಭೇಟಿ ನೀಡಿದ ವೇಳೆ ಜಂಟಿ ಸಭೆ ನಡೆಸುವ ಕುರಿತಂತೆ ಉಭಯ ದೇಶಗಳು ತೀರ್ಮಾಣಿಸಿದ್ದವು.