ಪುರುಷ ಸಹೋದ್ಯೋಗಿಯನ್ನು ಹ್ಯಾಂಡ್ಸಮ್ ಎಂದು ಕರೆದ ಕಾರಣಕ್ಕೆ ಮಹಿಳಾ ನಿರೂಪಕಿಯನ್ನು ಕೆಲಸದಿಂದ ವಜಾ ಮಾಡಿದ ಘಟನೆ ಕುವೈತ್ ನಲ್ಲಿ ನಡೆದಿದೆ. ಇಲ್ಲಿನ ಖಾಸಗಿ ಮಾಧ್ಯಮ ಸಂಸ್ಥೆಯಲ್ಲಿ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದ ಬಸಿಮಾ-ಅಲ್ ಶಮರ್ ಎಂಬಾಕೆಯೇ ಕೆಲಸ ಕಳೆದುಕೊಂಡ ದುರ್ದೈವಿ.
ಕುವೈತ್ (ಮೇ.26):ಪುರುಷ ಸಹೋದ್ಯೋಗಿಯನ್ನು ಹ್ಯಾಂಡ್ಸಮ್ ಎಂದು ಕರೆದ ಕಾರಣಕ್ಕೆ ಮಹಿಳಾ ನಿರೂಪಕಿಯನ್ನು ಕೆಲಸದಿಂದ ವಜಾ ಮಾಡಿದ ಘಟನೆ ಕುವೈತ್ ನಲ್ಲಿ ನಡೆದಿದೆ. ಇಲ್ಲಿನ ಖಾಸಗಿ ಮಾಧ್ಯಮ ಸಂಸ್ಥೆಯಲ್ಲಿ ನಿರೂಪಕಿಯಾಗಿ ಕೆಲಸ ಮಾಡುತ್ತಿದ್ದ ಬಸಿಮಾ-ಅಲ್ ಶಮರ್ ಎಂಬಾಕೆಯೇ ಕೆಲಸ ಕಳೆದುಕೊಂಡ ದುರ್ದೈವಿ.
ಸುದ್ದಿ ಓದುವ ಸಂದರ್ಭದಲ್ಲಿ ಅದೇ ಚಾನೆಲ್ ನಲ್ಲಿ ರಿಪೋರ್ಟರ್ ಆಗಿ ಕೆಲಸ ಮಾಡುವ ನವಾಫ್-ಅಲ್-ಶೈರಾಕಿ ಎಂಬುವವರಿಗೆ ಬಸಿಮಾ ಹ್ಯಾಂಡ್ಸಮ್ ಎಂದು ಕರೆದಿದ್ದರು. ಈ ವೇಳೆ ಚಾನೆಲ್ ನೋಡುತ್ತಿದ್ದ ಕುವೈತ್ ಪಾರ್ಲಿಮೆಂಟ್ ನ ಸಂಸದರೋವರ್ವರು, ಮಹಿಳೆ ಸಾರ್ವಜನಿಕವಾಗಿ ಈ ರೀತಿ ಪುರುಷನೊಂದಿಗೆ ಹಗುರವಾಗಿ ಮಾತನಾಡುವುದು ಅಕ್ಷಮ್ಯ ಎಂದು ದೂರು ನೀಡಿದ್ದರು.
ಈ ಹಿನ್ನೆಲೆಯಲ್ಲಿ ಖಾಸಗಿ ಚಾನೆಲ್ ಬಸಿಮಾ ಅವರನ್ನು ಕೆಲಸದಿಂದ ವಜಾ ಮಾಡಿದೆ. ಈ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದ್ದು, ಬಸಿಮಾ ಅವರನ್ನು ಕೆಲಸದಿಂದ ವಜಾ ಮಾಡಿದ್ದು ಸರಿಯಲ್ಲ ಎಂದು ಬಹುತೇಕರು ವಾದಿಸುತ್ತಿದ್ದಾರೆ.