ಇತ್ತೀಚೆಗೆ ತಾಜ್‌ಮಹಲ್‌ ಪ್ರವೇಶದ ದರ ಏರಿಕೆಯಾದ ಬೆನ್ನಲ್ಲೇ, ಭಾರತೀಯ ಪುರಾತತ್ವ ಸಮೀಕ್ಷೆ (ಎಎಸ್‌ಐ)ಯು ತಾಜ್‌ಮಹಲ್‌ ವೀಕ್ಷಣೆ ಅವಧಿಯನ್ನೂ ಕಡಿತಗೊಳಿಸಲು ಮುಂದಾಗಿದೆ.
ಲಕ್ನೋ: ಇತ್ತೀಚೆಗೆ ತಾಜ್‌ಮಹಲ್‌ ಪ್ರವೇಶದ ದರ ಏರಿಕೆಯಾದ ಬೆನ್ನಲ್ಲೇ, ಭಾರತೀಯ ಪುರಾತತ್ವ ಸಮೀಕ್ಷೆ (ಎಎಸ್‌ಐ)ಯು ತಾಜ್‌ಮಹಲ್‌ ವೀಕ್ಷಣೆ ಅವಧಿಯನ್ನೂ ಕಡಿತಗೊಳಿಸಲು ಮುಂದಾಗಿದೆ.
ಈ ಬಗ್ಗೆ ಪ್ರಕಟಣೆ ಬಿಡುಗಡೆ ಮಾಡಿರುವ ಎಎಸ್‌ಐ, ಕೇವಲ 3 ಗಂಟೆ ಮಾತ್ರ ತಾಜ್‌ಮಹಲ್‌ ವೀಕ್ಷಣೆಗೆ ಅವಕಾಶ ನೀಡಲಿದ್ದು, ಈ ನಿಯಮ ಏ.1 ರಿಂದಲೇ ಜಾರಿಗೆ ತರಲಾಗುತ್ತದೆಂದು ತಿಳಿಸಿದೆ.
ಕೆಲ ತಜ್ಞರು ‘ಮಾನವ ಮಾಲಿನ್ಯ’ದ ಬಗ್ಗೆ ವರದಿ ಮಾಡಿ ಸಲಹೆ ನೀಡಿದ ಬಳಿಕ ತಾಜ್‌ಮಹಲ್‌ನಲ್ಲಿ ಜನಸಂದಣಿ ಮತ್ತು ಮಾಲಿನ್ಯವನ್ನು ಕಡಿಮೆ ಮಾಡುವ ಉದ್ದೇಶದಿಂದ ಎಎಸ್‌ಐ ಈ ನಿರ್ಧಾರಕ್ಕೆ ಬಂದಿದೆ. ಪ್ರಸ್ತುತ ಪ್ರತೀ ವಾರಾಂತ್ಯ 50,000 ಜನ ತಾಜ್‌ಗೆ ಭೇಟಿ ನೀಡುತ್ತಿದ್ದಾರೆ.