ಸ್ಟ್ರೆಚರ್ ಕೊರತೆಯಿಂದಾಗಿ ಆಕ್ಸಿಜನ್ ಕವಚ ಅಳವಡಿಸಿದ ಮಗುವನ್ನುತೋಳಿನಲ್ಲೇ ಎತ್ತಿಕೊಂಡು ಹೋದ ತಂದೆ
ಸಾರಾಂಶ
ಆಕ್ಸಿಜನ್ ಕವಚ ಅಳವಡಿಸಿದ ಮಗುವನ್ನು ಸ್ಟ್ರೆಚರ್ ಕೊರತೆಯಿಂದಾಗಿ ತಂದೆಯೊಬ್ಬರು ತೋಳಿನಲ್ಲೇ ಎತ್ತಿಕೊಂಡು ಹೋದಂತಹ ಘಟನೆ ಹೈದರಾಬಾದ್ನ ಆಸ್ಪತ್ರೆಯೊಂದರಲ್ಲಿ ನಡೆದಿದೆ.
ಹೈದರಾಬಾದ್ (ಏ.01): ಆಕ್ಸಿಜನ್ ಕವಚ ಅಳವಡಿಸಿದ ಮಗುವನ್ನು ಸ್ಟ್ರೆಚರ್ ಕೊರತೆಯಿಂದಾಗಿ ತಂದೆಯೊಬ್ಬರು ತೋಳಿನಲ್ಲೇ ಎತ್ತಿಕೊಂಡು ಹೋದಂತಹ ಘಟನೆ ಹೈದರಾಬಾದ್ನ ಆಸ್ಪತ್ರೆಯೊಂದರಲ್ಲಿ ನಡೆದಿದೆ.
ಸರ್ಕಾರಿ ಸ್ವಾಮ್ಯದ ನೀಲೋಫರ್ ಆಸ್ಪತ್ರೆಯಲ್ಲಿ ಈ ಘಟನೆ ನಡೆದಿದೆ. ಘಟನೆಯನ್ನು ಯಾರೋ ವಿಡಿಯೋ ಮಾಡಿದ್ದು, ಆಸ್ಪತ್ರೆಯ ಅವ್ಯವಸ್ಥೆ ಬಗ್ಗೆ ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಆದರೆ, ಸ್ಟ್ರೆಚರ್ ಕೊರತೆಯಿಂದ ಈ ಘಟನೆ ಸಂಭವಿಸಿದೆ ಎಂಬ ವರದಿಯನ್ನು ಆಸ್ಪತ್ರೆ ನಿರಾಕಾರಿಸಿದೆ. ಘಟನೆಗೆ ಸಂಬಂಧಿಸಿದಂತೆ ಉಸಿರಾಟದ ಸಮಸ್ಯೆ ಹಿನ್ನೆಲೆ 18 ತಿಂಗಳ ಹೆಣ್ಣು ಮಗುವೊಂದು ಗುರುವಾರ ಆಸ್ಪತ್ರೆಗೆ ದಾಖಲಾಗಿತ್ತು. ಆದರೆ, ನಂತರದಲ್ಲಿ ಮಗುವಿಗೆ ಎಕ್ಸ್ರೇ ಮಾಡಬೇಕಾಗಿದ್ದರಿಂದ ಮಗುವನ್ನು ಆಸ್ಪತ್ರೆ ಆವರಣದ ಮತ್ತೊಂದು ಕಟ್ಟಡಕ್ಕೆ ಸ್ಥಳಾಂತರಿಸಲಾಗಿತ್ತು. ಈ ವೇಳೆ ಮಗುವನ್ನು ಆಕೆಯ ತಂದೆ ಎತ್ತಿಕೊಂಡಿದ್ದರು ಹಾಗೂ ಆಕ್ಸಿಜನ್ ಸಿಲಿಂಡರ್ನ್ನು ಆಸ್ಪತ್ರೆಯಲ್ಲಿ ಗುತ್ತಿಗೆ ಆಧಾರದಲ್ಲಿ ಕೆಲಸ ಮಾಡುತ್ತಿದ್ದ ಉದ್ಯೋಗಿ ಹಿಡಿದುಕೊಂಡಿದ್ದ ಎಂದ ಅವರು, ಮಾಧ್ಯಮಗಳಲ್ಲಿ ಬಂದಂತೆ ಸ್ಟ್ರೆಚರ್ ಕೊರತೆಯಿಂದ ಈ ರೀತಿ ನಡೆದಿಲ್ಲ. ಆಸ್ಪತ್ರೆಯಲ್ಲಿ ಸ್ಟ್ರೆಚರ್ಗಳು ಸಾಕಾಗುವಷ್ಟು ಇದೆ ಎಂದು ಆಸ್ಪತ್ರೆ ಹೇಳಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.