ಬರೋಬ್ಬರಿ ಎಷ್ಟು ಕೋಟಿಗೆ ಸೇಲ್ ಆಯ್ತು ಸ್ಟೀಫನ್ ಹಾಕಿಂಗ್ ವೀಲ್ ಚೇರ್..?

ಪ್ರಸಿದ್ಧ ವಿಜ್ಞಾನಿ ಸ್ಟೀಫನ್ ಹಾಕಿಂಗ್ ಅವರು ತಮ್ಮ ಜೀವಮಾನ ಪರ್ಯಂತ ಬಳಕೆ ಮಾಡಿದ್ದ ವೀಲ್ ಚೇರ್  ಹರಾಜು ಹಾಕಲಾಗಿದೆ. 

ಲಂಡನ್ :  ಇತ್ತೀಚೆಗಷ್ಟೇ ನಿಧನರಾದ ಬ್ರಿಟೀಷ್ ವಿಜ್ಞಾನಿ ಸ್ಟೀಫನ್ ಹಾಕಿಂಗ್ ಅವರು ಬಳಕೆ ಮಾಡುತ್ತಿದ್ದ ವೀಲ್ ಚೇರ್ ಹರಾಜು ಹಾಕಲಾಗಿದ್ದು ಬರೋಬ್ಬರಿ 2,82,19,363.20 [300000 ಪೌಂಡ್ ] ರು.ಗೆ ಹರಾಜಾಗಿದೆ.  

ವೀಲ್ ಚೇರ್ ಹರಾಜಿನಲ್ಲಿ ಬಂದ ಸಂಪೂರ್ಣ ಹಣವನ್ನೂ ಕೂಡ ಚಾರಿಟಿಗೆ ನೀಡಲಾಗಿದೆ. 

ಅನೇಕ ರೀತಿಯ ಸಂಶೋಧನಗಳಿಂದ ಜಗತ್ ಪ್ರಸಿದ್ಧಿಯಾಗಿದ್ದ ಅವರು ಕಳೆದ ಮಾರ್ಚ್ ನಲ್ಲಿ ತಮ್ಮ 76ನೇ ವಯಸ್ಸಿನಲ್ಲಿ ನಿಧನರಾಗಿದ್ದರು. ಅವರು ತಮ್ಮ ಸಂಪೂರ್ಣ ಬದುಕನ್ನೂ ಕೂಡ ಈ ವೀಲ್ ಚೇರ್ ಮೇಲೆಯೇ ಕಳೆದಿದ್ದರು. 

ಇನ್ನು ಸ್ಟೀಫನ್ ಹಾಕಿಂಗ್ ಅವರಿಗೆ ಸೇರಿದ ಕೆಲ ವಸ್ತುಗಳನ್ನೂ ಕೂಡ ಮಾರಾಟ ಮಾಡಲಾಗಿದೆ.