ಈ ಸಂಬಂಧ ಆರ್'ಬಿಐ ವೆಸ್ಟರ್ನ್ ಇಂಡಿಯಾ ಪ್ಲೈವುಡ್ ಜೊತೆ ಈಗಾಗಲೇ ಒಪ್ಪಂದ ಮಾಡಿಕೊಂಡಿದೆ. ಆ ಪ್ರಕಾರ ನೋಟುಗಳನ್ನು ಹಾರ್ಡ್'ಬೋರ್ಡ್'ಗಳನ್ನಾಗಿ ದಕ್ಷಿಣ ಆಫ್ರಿಕಾದಲ್ಲಿ ಬಳಸಲಾಗುತ್ತದೆ.
ಬೆಂಗಳೂರು(ನ.09): ನೋಟ್ ಬ್ಯಾನ್ ಆಗಿ ಒಂದು ವರ್ಷವಾಯ್ತು. ಕಳೆದ ನವೆಂವರ್ 8ರಂದು ಪ್ರಧಾನಿ ನರೇಂದ್ರ ಮೋದಿ 500 ಹಾಗೂ 1000 ಮುಖಬೆಲೆಯ ಚಲಾವಣೆಯನ್ನು ಅಮಾನ್ಯ ಮಾಡಿ ಆದೇಶ ಹೊರಡಿಸಿದ್ದು ನಮಗೆಲ್ಲ ಗೊತ್ತೆಯಿದೆ. ಆದರೆ ಈ ರದ್ದಿಯಾದ ಹಳೆಯ ನೋಟುಗಳನ್ನು ದಕ್ಷಿಣ ಆಫ್ರಿಕಾದಲ್ಲಿ ಬಳಸಲಾಗುತ್ತಿದೆ. ಆದರೆ ನೋಟಿನ ರೂಪದಲ್ಲಿ ಅಲ್ಲ, ಬದಲಾಗಿ ರಟ್ಟಿನ ರೂಪದಲ್ಲಿ ಬಳಸಲಾಗುತ್ತದೆಯಂತೆ.
ಈ ಸಂಬಂಧ ಆರ್'ಬಿಐ ವೆಸ್ಟರ್ನ್ ಇಂಡಿಯಾ ಪ್ಲೈವುಡ್ ಜೊತೆ ಈಗಾಗಲೇ ಒಪ್ಪಂದ ಮಾಡಿಕೊಂಡಿದೆ. ಆ ಪ್ರಕಾರ ನೋಟುಗಳನ್ನು ಹಾರ್ಡ್'ಬೋರ್ಡ್'ಗಳನ್ನಾಗಿ ದಕ್ಷಿಣ ಆಫ್ರಿಕಾದಲ್ಲಿ ಬಳಸಲಾಗುತ್ತದೆ.
ದಕ್ಷಿಣ ಆಫ್ರಿಕಾದಲ್ಲಿ ಬಳಕೆಯಾಗುತ್ತದೆ ಹಳೆಯ ನೋಟುಗಳು:
ಮಾಧ್ಯಮಗಳ ವರದಿಯೊಂದರ ಪ್ರಕಾರ, ಈಗಾಗಲೇ ಹಳೆಯ ನೋಟುಗಳ ಉಪಯೋಗದ ಬಗ್ಗೆ ಆರ್'ಬಿಐ ಹಾಗೂ ವೆಸ್ಟರ್ನ್ ಇಂಡಿಯಾ ಫ್ಲೈವುಡ್ ಜೊತೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಕಂಪನಿಯು ಈ ನೋಟುಗಳನ್ನು ಹಾರ್ಡ್'ಬೋರ್ಡ್'ಗಳನ್ನಾಗಿ ಮಾಡುತ್ತಿದ್ದು, ಇವನ್ನು ಜಾಹಿರಾತು ಫಲಕ(ಹೋರ್ಡಿಂಗ್ಸ್)ಗಳು ಹಾಗೂ ಫ್ಲೆಕ್ಸ್'ಗಳ ರೂಪದಲ್ಲಿ ಬಳಕೆ ಮಾಡಲಾಗುತ್ತದೆ. ಇನ್ನೊಂದು ಮುಖ್ಯ ವಿಷಯವೆಂದರೆ, ವೆಸ್ಟರ್ನ್ ಇಂಡಿಯಾದ ಪ್ಲೈವುಡ್ ಕಂಪನಿಯ ಕೇಂದ್ರ ಕಚೇರಿ ಕೇರಳದಲ್ಲಿದೆ.
ರದ್ದಿ ಬೆಲೆಗೆ ಮಾರಾಟವಾದ ಕೋಟಿ ರುಪಾಯಿ ನೋಟುಗಳು
ಈ ಹಳೆಯ ನೋಟುಗಳನ್ನು ಪುನರ್ಬಳಕೆ ಮಾಡುವ ತಂತ್ರಜ್ಞಾನ ನಮ್ಮಲ್ಲಿ ಮಾತ್ರವಿದೆ ಎಂದು ವೆಸ್ಟರ್ನ್ ಇಂಡಿಯಾದ ಕಂಪನಿ ಹೇಳಿಕೊಂಡಿದೆ.
ನೋಟು ಅಮಾನ್ಯವಾದ ಬಳಿಕ ಇಲ್ಲಿಯವರೆಗೆ ಕಂಪನಿಯು ಆರ್'ಬಿಐನಿಂದ 750 ಟನ್ ನೋಟುಗಳನ್ನು ಖರೀದಿಸಿದೆ.
ಪ್ರತಿ ಒಂದು ಟನ್'ಗೆ 128 ರುಪಾಯಿಯಂತೆ ಕಂಪನಿಯು ಆರ್'ಬಿಐನಿಂದ ಖರೀದಿಸಿದೆ.