ಸ್ಯಾಂಡಲ್‌ವುಡ್ ನಟಿಗೆ ಮಾಲಿವುಡ್‌ನಲ್ಲಿ ಕಿರುಕುಳ..!

ಸ್ಯಾಂಡಲ್ ವುಡ್  ನಟಿಗೆ ಮಾಲಿವುಡ್ ನಲ್ಲಿ ಮಾಲಿವುಡ್ ಚಿತ್ರ ತಂಡ ಕಿರುಕುಳ ನೀಡಿದೆ ಅನ್ನೋ ಗಂಭೀರ ಆರೋಪ ಕೇಳಿ ಬಂದಿದೆ. ಹಾಗಾದ್ರೆ ಯಾರು ಆ ಸ್ಯಾಂಡಲ್ ವುಡ್ ಬೆಡಗಿ? ಆಗಿದ್ದೇನು? 

ಬೆಂಗಳೂರು, [ಡಿ.23]: ಸ್ಯಾಂಡಲ್ ವುಡ್ ನಟಿ ಅಕ್ಷತಾ ಶ್ರೀಧರ್ ಶಾಸ್ತ್ರಿಗೆ ಮಾಲಿವುಡ್ ಚಿತ್ರ ತಂಡ ಕಿರುಕುಳ ನೀಡಿದೆ ಅನ್ನೋ ಗಂಭೀರ ಆರೋಪ ಕೇಳಿ ಬಂದಿದೆ.

ಕಳೆದ ವಾರ ‘ಕೊಚ್ಚಿನ್ ಶಾಧಿ ಚೆನ್ನೈ ಜಿರೋ ತ್ರಿ’ ಅನ್ನೋ ಸಿನಿಮಾ ಶೂಟಿಂಗ್ಗೆ ಹೋಗಿದ್ದ ಅಕ್ಷತಾ, ಹೋಟೆಲ್ ರೂಂ ಕ್ಲೀನ್ ಇಲ್ಲ ಅನ್ನೋ ವಿಚಾರಕ್ಕೆ ಸಿಬ್ಬಂದಿ ಜೊತೆ ಗಲಾಟೆಯಾಗಿದೆ.

ಮಾತಿಗೆ ಮಾತು ಬೆಳೆದು ನಟಿ ಅಕ್ಷತಾ ಮೇಲೆ ಹೋಟೆಲ್ ಸಿಬ್ಬಂದಿ ಹಲ್ಲೆ ಮಾಡಿ ಕಿರುಕುಳ ಮಾಡಿದ್ದಾರೆಂದು ಆರೋಪಿಸಲಾಗಿದೆ. ಈ ವೇಳೆ  ಶೂಟಿಂಗ್ ಗೆ ಕರೆಸಿದ ಚಿತ್ರತಂಡವೂ ಕೂಡ ಅಕ್ಷತಾ ಬೆಂಬಲಕ್ಕೆ ಬರದೆ, ಅಕ್ಷತಾ ವಿರುದ್ಧವೇ ತಿರುಗಿ ಬಿದ್ದಿದ್ದಾರೆ.

56 ಸಾವಿರ ರೂಪಾಯಿ ಹೋಟೆಲ್ ಬಿಲ್ ಕಟ್ಟಿ ವಾಪಸ್ಸಾಗಿದ್ದ ನಟಿ ಅಕ್ಷತಾ, ಬೆಂಗಳೂರು ಪೊಲೀಸ್ ಕಮಿಷನರ್ ಹಾಗೂ ಕರ್ನಾಟಕ ಫಿಲಂ ಚೇಂಬರ್ ಗೂ ಮೌಖಿಕ ದೂರು ನೀಡಿದ್ದಾರೆ. ತ್ರಾಟಕ, ಪಾನಿಪುರಿ, ರಾಜೀವ ಸೇರಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದ ನಟಿ ಅಕ್ಷತಾ ಈ ಗಂಭೀರ ಆರೋಪ ಮಾಡಿದ್ದಾರೆ.